Juan 19:15 - Tagbanwa

¹⁵ Gimnaꞌuy siꞌ i mga Judio ngayti, nga magꞌaat, “Ega nayan egnen! Imatayen nayan! Iransang yan duꞌun it krus!” “Unu,” maat ni Pilato, “iparansang ku duꞌun it krus i Adiꞌ mi ngaytu?” “Egay adiꞌ namen nga beken, in daꞌga Impiradur lamang,” maat siꞌ it mga pagbayaꞌen ngaytit sasirduti.

Juan 19:15 Iomraidhean Croise

Mateo 22:17

Ta, unu beteꞌ i imu nga kat nakem? Unu, uyun duꞌun it ipiyagꞌurdin ni Moises nga mayad it barayadan nga ipagpabayad it Romano ngayting Impiradur nga magsasakep it aten? Unu yan, mapakay u ega?”

Lucas 23:18

Ta, pagkagneg nira it ampang ngayti ni Pilato, derengan nga nanggaꞌmaran i kadakel nga magꞌaat, “Imatayen yan i iyang taw, si Jesus ngayan! Iyan i ipaliꞌwan kat pagkapirisu, si Barrabas!”

Juan 18:31

Maat siꞌ ni Pilato, “Pabayaꞌen mi naga kanya. Baalaꞌ kamu mukuman uyun duꞌun it kasuratan mi.” “In maat daꞌga,” maat it mga Judio ngayti, “egay pudir namen it mukuman it ukuman nga kamataynen kat maski siyu.”

Juan 19:6

Pagkalteg it kanya it mga pagbayaꞌen ngaytit mga sasirduti baw mga guwardiya ngayti, igiyaꞌuy nira na nga magꞌaat, “Iransang kanya duꞌun it krus! Iransang kanya duꞌun it krus!” Tubagen sira ni Pilato, “Tabanen mi na kanya! Baalaꞌ kamu paransang! Ka talagang egay magkaparagan ku nga kasalaꞌan ya.”

Mga Binwat 13:28

Eeꞌ baꞌ, maski egay magkaparagan nira nga kasalaꞌan nga binwat ya, piyagut na nira duꞌut ki Pilato nga imatayen na.

Mga Binwat 21:36

Sabap kadakel ngayti, dimnasun naga it mga sundaluꞌ, mamagpapataꞌwag it “Imatayen yan! Ega nayan egnen!”

Mga Binwat 22:22

Seked lamang duꞌun kayting ampang ya i piyagnegan it kadakel ngayti. Pagkagneg nirat siyangpit yay mga taw nga ega Judio, simnikrab siꞌ i iseg nira. Ipaggaꞌu-gaꞌuy na nira nga magꞌaat, “Kaꞌilangan, taw nga subuk kanya, iriꞌen na situt banwa! Ega nayan mapakay nga egnen kanya!”