Juan 19:13 - Tagbanwa

¹³ Pagkagneg ni Pilato kayti it inaat it mga Judio ngayti, ipiyataban ya na si Jesus duꞌun sit liꞌwan. Bawnga miyadung kanya duꞌun it araꞌdungan it gubirnadur in magpangukuman, duꞌut rugar nga pagpangaranat Batu nga Kadaꞌtagan, nga kat Hinebreong ampang, Gabata.

Juan 19:13 Iomraidhean Croise

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”

Lucas 12:5

Temed kayti, isugid kut imyu nga in siyuy iꞌlaman mi. Iyan Ampuꞌang Diyus i dapat nga iꞌlaman mi. Sabap kanya, basta baiꞌen yay ginawa mi, may pudir ya paꞌ nga tumalpak it imyu duꞌun it apuy nga egay kapugdawan ya. Eeꞌ baꞌ, kanya talaga i dapat nga iꞌlaman mi.

Juan 19:17

Manliꞌwan si Jesus duꞌut siyudad ngayti, pagpapasaꞌnen ya nay krus ya. Tabanen na kanya duꞌun it rugar nga pagpangaranat Rugar it Barungutan. (Golgota in kat Hinebreo.)

Juan 19:20

Giyamit nga ampang duꞌut surat ngayti, Hinebreo, Liyatin baw Ginirego. Dakel i mga Judio nga magkabasa kayti, sabap adeꞌdeng duꞌun it siyudad i riyansangan it ki Jesus ngayti.

Juan 19:8

Miyereꞌeret i iꞌlam ni Pilato, pagkagneg yat inampang ngayting itiꞌen it mga Judio.

Juan 5:2

Duꞌun it iting siyudad, adeꞌdeng duꞌun it pagpangaranan it Puwirtaꞌan it mga Tupa, may dakulaꞌ nga ipiyaldung nga danum. Pangaran it itiꞌen kat Hinebreo, Betesda. Lima i mga pagꞌaꞌatpan kat linibut ya.

Mga Binwat 4:19

Temed pagkagneg na Pedro, tiyubag nira nga magꞌaat, “Ukumanan mi in ari mapakay it Ampuꞌang Diyus. Unu, kanya nga kaꞌirgan i sunudun namen u imyu ngaytu nga kuntraꞌ kat itiyaꞌeg yat amen?