Juan 19:11 - Tagbanwa

¹¹ Katubag si Jesus, maat ya, “Mabwat mu lamang bayan i atkayan sabap ibinggay it Ampuꞌang Diyus it imu i iyan nga pudir. Aypaꞌ subrang mabeꞌgat it kasalaꞌan mu i kasalaꞌan it iyan nagpaꞌalima ngaytut aken situt imu.”

Juan 19:11 Iomraidhean Croise

Daniel 4:17

Ituꞌun ngaytu, ukuman nga ibiyetangan it mga anghil nga manigbantay. Ibiyetangan niray atkaytu isaꞌun matantuwan it muꞌsang katataawan nga Ampuꞌang Diyus nga Piyakamataꞌas, kanyay magbebegbeg it muꞌsa. Kanya i magpaꞌadiꞌ it in siyuy ireg ya nga papagꞌadiꞌen, abir in timawaꞌ nga taw.”’

Daniel 4:25

Talagang mabut nga subuk imugawun ka, nga ega na situt taawan i taꞌidan mu. Kaꞌibaan mu nay mga ramu-ramu, baw kumaꞌen ka it dikut nga subung it mga bakaꞌ. Pataꞌnan ka nga magkaꞌemeg it namug, seledan it pitung taꞌun. Atkaytu i pangaꞌgenan mu seked it matantuwan mu nga Ampuꞌang Diyus nga Piyakamataꞌas i magbebegbeg it muꞌsa. Kanya i magpaꞌadiꞌ it in siyuy ireg ya nga papagꞌadiꞌen.

Daniel 4:32

Kayti subuk imugawun ka, nga ega na situt taawan i taꞌidan mu. Kaꞌibaan mu nay mga ramu-ramu baw kumaꞌen ka na it dikut nga subung it mga bakaꞌ. Seledan it pitung taꞌun i kaꞌlay it atkaytuy kabetangan mu, seked it kilalaen mu nga Ampuꞌang Diyus nga Piyakamataꞌas i magbebegbeg it muꞌsa. Kanya i magpaꞌadiꞌ it in siyuy ireg ya nga papagꞌadiꞌen.’

Daniel 4:35

Muꞌsa palan nga taw situt sinirungat langit, egay kuwintaꞌ. In unuy kaꞌirgan ya, iyan i pagbuwaten ya kat mga anghil duꞌun it langit baw kat katataawan situt denaꞌ. Ega talagay mapakay nga mamasul it kanya u makaparuri it pagbuwaten ya.

Daniel 5:21

Subuk inimugaw na kanya situt taawan baw pikir ya, giyantiyan nat pikir it ramu-ramu nga simarun. Yanay pagkaꞌnen ya, dikut, subung na it mga bakaꞌ, baw pagꞌemgen na kanyat namug. Talagang atkayan i kabetangan ya seked it kinilala ya nga Ampuꞌang Diyus nga Piyakamataꞌas i magbebegbeg it muꞌsa. Kanya ngaytu i magpaꞌadiꞌ it in siyuy ireg ya nga papagꞌadiꞌen.

Mateo 26:65

Pagkagneg it Piyakamataꞌas ngayting Sasirduti, piyanrarasik yay sadili yang pakayan it pangise-iseg. Miyampang kanya nga magꞌaat, “Talagang iyan nga ampang, magpangambuꞌ kanya it pagkaDiyus! Ta, unuka kaꞌilangan tami paꞌ i manistigu? Daꞌga baꞌ nagnegan mi na nga muꞌsa i inampang ya ngaytu nga magpasbung kanya it Ampuꞌang Diyus?

Mateo 27:2

Bawnga biyayuk nira si Jesus, ka tiyaban nira duꞌun it ki Pilato nga gubirnadur nga Romano.

Mateo 6:13

Baw pagꞌangutun namen asat imu nga ega naga ipaꞌintulut mu nga masukdanan kami it subraꞌ na, in daꞌga iribri mu kami nga pirmi it ki Satanas. Sabap ikaw i may pagkaꞌadiꞌ baw guna nga egay kasbung, baw kabantugan nga egay katupusan it seked kaꞌnu-kaꞌnu. Kamatuudan tu!’

Marcos 14:44

Duꞌun paꞌ sirat pagpanawan, ipiyagꞌaat na nga lagi ni Judas it mga kaꞌibaan ya ngayti i buwaten ya. Maat ya, “Iyan in siyuy arkan ku, iyan nay enged ta. Dakpen mi nga lagi kanya baw pabayaꞌen mi nat pagayen-gayen.”

Lucas 22:53

It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun. Takaꞌ kayti na ngaytu nga delem, piyaꞌintulutan kamu nga makatimpu. Baw piyabayaꞌan na si Satanas nga tabusun yay kubwaten ya nga karaꞌe-raꞌetan.”

Juan 18:13

Duꞌun daꞌan it ki Anas i uꞌnang tiyabanan nira, sabap punyangan kanya ni Caifas nga Piyakamataꞌas nga Sasirduti it iting taꞌun.

Juan 18:3

Aypaꞌ naꞌaduꞌun nagat kalulwakan ngayti si Judas ka yay pakiꞌupakat ya duꞌun it mga pagbayaꞌen it mga sasirduti baw mga Pariseo. Magpanguꞌna kanyat mga tiyaꞌeg nirang guwardiya it Templo baw sang iskuwadra gasiꞌ i mga sundaluꞌ. Mamagtitidaw sira baw rangkap sirat basiꞌ.

Juan 19:10

Maat siꞌ ni Pilato, “Unuka daꞌku pagtubagen mu? Unu, ega magkaꞌrutan mu nga may pudir ku, mabwat ku ikaw nga iribri u iparansang duꞌun it krus?”

Juan 3:27

Katubag si Juan, maat ya, “Yay matuud, ega mabwat it esang taw nga subuk atkaytu ngaytu in daꞌga pabetang-betang it Ampuꞌang Diyus it kanya.

Juan 7:30

Pagkagneg it mga taw ngayti, pagkudakpen nira si Jesus, temed ega naga nabwat nira, sabap ega paꞌ miyabut i ipiyabetang-betang nga timpu.

Juan 9:41

Tiyubag sira ni Jesus, nga magꞌaat, “In beteꞌ uyut kamu nagat mga beleg ngayan, maꞌawaꞌ i kasalaꞌan mi nga ipagkaꞌukuman it imyu. Temed it paꞌaaten mi nga magkalteg kamut magayen, aypaꞌ ka asan pat imyu i kasalaꞌan mi.”

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.

Mga Binwat 3:13

Yay matuud, gunaytu it Ampuꞌang Diyus it mga kiyaꞌapuꞌ-apuꞌan ta nga si Abraham, si Isaac baw si Jacob. Ka Ampuꞌang Diyus ngaytu it mga kagiyaringanan tami, binggayan ya nat ega basta-bastang kabantugan i manigsirbi ya nga si Jesus, kanya naga nga ipiyaꞌalima mi duꞌun it gubirnadur nga si Pilato. Eeꞌ baꞌ, daꞌga basaꞌan maski napikir na ni Pilato ngayti nga ipaliꞌwan ya si Jesus, temed magpanduwa-duwa nay pandaꞌga mi?

Mga Binwat 4:28

Temed ta, kumpur napikir nira nga kubwaten, uyun nga muꞌsa it ipiyabetang-betang mu naga nga magꞌabut.

Roma 11:36

Sabap muꞌsa ngaytu nga betang it banwa, kanya lamang i garing. Kanya i nagguna, kanya i magbebegbeg, baw egay beken nga uliꞌan it muꞌsa ngaytung giyuna ya in daꞌga purus kat ikabantug ya. Aypaꞌ bantugun kanya it egay katupusan seked it kaꞌnu-kaꞌnu. Kamatuudan talagaytu.

Roma 13:1

Itu gasiꞌ i magayen it kitang taw, pasakep tami nga muꞌsa it mga punuꞌan it banwa tami, sabap pabetang-betang nagat Ampuꞌang Diyus i may mga punuꞌan ngaytu. Talagang garing duꞌut kanya i kariꞌgenan it muꞌsa ngaytung magpamaalaꞌ it banwa.

Santiago 1:17

Ampuꞌang Diyus i puꞌun it muꞌsang kagayenan, baw purus magayen i ipagbegay ya. Ega talagay kakurangan it ildaw nga magpanggaring duꞌun it Amaꞌ ta ngaytu nga gimnuna it muꞌsang mga mamagꞌeyag duꞌun it langit. Mga giyuna ya ngaytu, magꞌugad-ugad i eyag nira, temed Ampuꞌang Diyus, talagang ega magꞌugad-ugad i adat yat kanya.

Santiago 4:17

Aypaꞌ dedemdemen mi tu. Iyan taw nga magkaꞌrutan ya nay in unuy magayen, nga dapat ya nga pagbuwaten, temed ega yay pagbuwaten ya, kasalaꞌan ya naga yan.