Juan 19:1 - Tagbanwa

¹ Ta it atkayti, binwat ni Pilato, piyaripdasan ya na si Jesus.

Juan 19:1 Iomraidhean Croise

Isaias 50:6

Ipiyalugut ku i buktut ku nga ripdasan nira, baw benget ku nga dutdutun. Daꞌku nagriꞌe-riꞌeng iyan piyaꞌeyaꞌan nira aku. Baw piyataꞌnan ku lamang sira nga supraan i rupa ku.

Isaias 53:5

Temed palan, nabungadan kanya ka timnanggung it kasalaꞌan tami nga mga taw. Sabap naga it aten nga karaꞌe-raꞌetan piyabastantiyan kanya it pasakit. Ta kayti, nagkagayen tami na it Ampuꞌang Diyus sabap it mga pakuriꞌ ngaytu nga tiyanggap ya, baw naꞌubaꞌubat nay mga kasalaꞌan tami sabap it ega ngaytu teꞌe-teꞌeng nga pasakit nga tiyanggap ya.

Mateo 20:19

Baw iꞌintergaꞌ aku duꞌun it mga taw nga ega Judio. Talagang teger-tegeren aku, ripdasan baw iransang duꞌun it krus. Temed siguradu nga pagꞌikatlung aldaw, egnen aku naga.”

Mateo 23:34

Ka may papaꞌasituun kut imyu nga mga prupitaꞌ baw mga manigpangadal nga magkaꞌrut it ampang it Ampuꞌang Diyus. Imatayen mi i beken it kanira, baw iyan beken, iransang duꞌun it krus. Iyan beken, ripdasan mi duꞌun it mga papagsambaan mi baw tiꞌsen mi duꞌun it in ari-ari nga mga lansangan.

Lucas 18:33

Temed magꞌegen aku nagat paꞌuliꞌ pagꞌikatlung aldaw.”

Lucas 23:16

Yanayan lamang i buwaten kut kanya, paripdasan ku, bawnga iparibri ku kanya.”

Lucas 23:23

Temed atgat giyaw-giyaw i mga taw ngayti. Ipagpadaꞌeg nira nga talagang kaꞌilangan iransang si Jesus duꞌun it krus. Ta, it atkayti na, nandaꞌeg na sira.

2 Corinto 11:24

Limang bisis aku na timnanggap it tagtulung puluꞌ may siyam nga mga ripdas kat alima it mga Judio.

Hebreo 11:36

May beken gasiꞌ nga pagdiyampaꞌen baw pagripdasan it pagbubwaten nga panriripdas. May pagpipirisuun gasiꞌ nga pagkakadinaan paꞌ.

1 Pedro 2:24

Kanya mismu i timnanggung it muꞌsang kasalaꞌan tami, kat nalabayan yang kamataynen ya duꞌun it krus. Binwat yaytu isaꞌun indiꞌan ta na i muꞌsang ipagkasalaꞌan tami, baw mangaꞌgenan na it purus mataldeng nga pagbuwaten. Yay matuud, sabap lamang it ega teꞌe-teꞌeng nga pasakit nga tiyanggap ni Cristo, naꞌubaꞌubat nay mga kasalaꞌan tami.