Juan 18:4 - Tagbanwa

⁴ Magkaꞌrutan nang lagi ni Jesus i muꞌsa nga madnaꞌan ya, aypaꞌ siyusmu ya na sira baw iningkut ya, nga magꞌaat, “Siyuy pagtulusun mi?”

Juan 18:4 Iomraidhean Croise

1 Mga Adiꞌ 18:10

Yay matuud, nga pagdedngegen akut AMPUꞌANG DIYUS mu, talagang ipiyabaget-baget ni Acab i muꞌsang banwa, kada bangsa baw kaꞌadiꞌan kat linibut ta, ka magtulus lamang it imu. Kada yan may sumugid nga daꞌka duꞌun, ega talaga pagpamayaꞌnen ya. Pagpasumpaen ya sira nga talagang egay naltegan nira nga ikaw.

Nehemias 6:11

Temed katubag akut kanya, “Egaytu basta-basta malagyu baw patataguꞌ i itu nga lalaki. Siyu aku nga taw kat pikir mu nga sumalyat iyan nga seled duꞌun it Templo isaꞌun lamang ega magtas i ginawa ku? Yay matuud, talagang ega buwaten ku yan.”

Mateo 16:21

Ta garing sikayti, ipiyapuꞌun na ni Jesus it paꞌrut it mga alagad ya nga kaꞌilangan nga paꞌaduꞌun kanya it Jerusalem. Labayen yay dakel-dakel na nga kakuriꞌan nga subraꞌ na kat alima it mga mataꞌas nga ginuꞌu, mga pagbayaꞌen it sasirduti baw kat mga manigpaꞌyag it urdin, langkuy imatayen nira kanya. Temed pagꞌikatlung aldaw, maꞌgen naga kanya it paꞌuliꞌ.

Mateo 26:2

“Magkaꞌrutan mi nga duwang aldaw mana, Pistaꞌ na it Tiyaꞌliban. Iyan aku nga Taga Langit nga Ipiyanganak it Taw, idagang aku isaꞌun karansang duꞌun it krus.”

Mateo 26:21

Iyan mamagkaꞌen na sira, maat ni Jesus, “Matuud tuy isugid ku ngaytut imyu, nga esat imyu i bayaꞌen it mga kuꞌimatay it aken.”

Mateo 26:31

Uyut it mga inampang ni Jesus it iting delem i sasar ya nga magꞌaat, “Kayti nga delem, muꞌsa kamu, kumurang i pamayaꞌ mit aken. Tananan mi nayan aku. Ka subung nat inaat ngayan duꞌun it isiyurat nga ampang it Ampuꞌang Diyus ngayan, nga magꞌaat, ‘Imatayen ku i manigꞌeper. Aypaꞌ baraꞌan it mga tupa, matari-tariwanak na.’

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Juan 13:1

Naꞌbut nay papuꞌun na it Pistaꞌ ngaytit Tiyaꞌliban. Si Jesus ngayti, magkaꞌrutan ya nang lagi nga naꞌbut nay timpu nga ilꞌid ya situt banwa ngaytu, ka muliꞌ na duꞌun it Amaꞌ ya. Talagang pagmaꞌalen yay mga alagad ya nga situt banwa ngaytu. Ta kayti, ipiyalteg ya na in sang unuy kadakulat pagmaꞌal ya ngayti it kanira.

Juan 13:11

Sabap magkaꞌrutan ni Jesus in siyu i bayaꞌen it mga kuꞌimatay ngaytit kanya, aypaꞌ ka inaat yay atkayti, nga “limpiyuꞌ kamu na temed ega limpiyuꞌ nga muꞌsa.”

Juan 18:5

“Magtulus kami bat ki Jesus nga taga Nazaret,” maat i tubag nira. Maat siꞌ ni Jesus ngayti, “Aku na ngaytu baytu.” Si Judas ngayti nga dimnagang it kanya, duꞌun na gasiꞌ magtitindeg.

Juan 18:7

Miningkut siꞌ si Jesus it sumaꞌup, “Siyu bang matuud i pagtulusun mi?” “Si Jesus baꞌ ngayang taga Nazaret,” maat nagay tubag nira.

Juan 19:28

Naꞌrutan na ni Jesus nga natuman nay muꞌsang bagay nga itiyaꞌeg it kanya. Bawnga, isaꞌun matuman i magbebtang duꞌut kasuratan, miyaat kanya, “Kuꞌinum aku.”

Juan 6:64

Temed ta, may mga situ nga ega kamatuudan i pamayaꞌ nirat aken.” Miyampang si Jesus it atkayti ka, garing paꞌ it tagnaꞌ, urut ya na in siyu may siyu i ega matuud i pamayaꞌ it kanya, baw in siyu i subuk dumagang it kanya.

Mga Binwat 2:28

Itiyulduꞌ mut aken i dalan nga magpaꞌaduꞌun it kaꞌgenan nga egay kaskedan. Baw ega nay kasubraꞌ it kasagyaan ku in asan aku nat imu.’

1 Pedro 4:1

Dakulay siyagkaꞌ ni Cristo nga kakuriꞌan, iyan situ paꞌ kanyat banwa. Aypaꞌ kaꞌilangan tingled nay nakem ta nga pasbung it kanya nga masagkaꞌ. Sabap in siyu nga ega magdaꞌga it kakuriꞌan nga magꞌabut it bilug ya, talagang magpamatuud nga ega na pagbebegbegan kanya it kasalaꞌan.