Juan 18:32 - Tagbanwa

³² Atkayti ka isaꞌun matuman i ipiyagꞌaat ni Jesus pasar it pabetang-betang it kamataynen ya.

Juan 18:32 Iomraidhean Croise

Mateo 20:19

Baw iꞌintergaꞌ aku duꞌun it mga taw nga ega Judio. Talagang teger-tegeren aku, ripdasan baw iransang duꞌun it krus. Temed siguradu nga pagꞌikatlung aldaw, egnen aku naga.”

Mateo 26:2

“Magkaꞌrutan mi nga duwang aldaw mana, Pistaꞌ na it Tiyaꞌliban. Iyan aku nga Taga Langit nga Ipiyanganak it Taw, idagang aku isaꞌun karansang duꞌun it krus.”

Marcos 10:33

Maat ya, “Kayti magpaꞌaduꞌun tamit Jerusalem. In duꞌun na, aku nga Taga Langit nga Ipiyanganak it Taw, idagang duꞌun it mga pagbayaꞌen it mga sasirduti baw mga manigpaꞌyag it urdin. Betanganan nira aku it ukuman nga kamataynen. Baw iꞌintergaꞌ aku duꞌun it mga taw nga ega Judio.

Juan 10:31

Pagkagneg it mga Judio ngayti, nagsigkuꞌmit siꞌ sirat batu, ka pagkubatuun nira siꞌ kanya.

Juan 10:33

Tiyubag kanyat mga Judio nga magꞌaat, “Ega sabap duꞌun it mga magagayen ngayting buwat i pagkubatuwan namen it imu, in daꞌga sabap duꞌun it pagꞌagawun muy kabantugan it Ampuꞌang Diyus, nga magpaDiyu-Diyus ka it taw ka lamang nga manengteng.”

Juan 13:18

Inaat paꞌ ni Jesus, “Egaytu kamu nga muꞌsa i pagpaꞌiguꞌan ku it pagꞌaaten ku ngaytu nga makasagya kamu, sabap magkakilalaan ku in unu nga mga taw i mga piniliꞌ ku. Temed atkaytuytu i piniliꞌ ku ka isaꞌun matuman i magbebtang duꞌun it kasuratang ampang it Ampuꞌang Diyus nga magꞌaat, ‘Karaꞌe-raꞌetan i itiyumbas it aken it taw nga siyakep kut pangaꞌen ku.’

Juan 18:31

Maat siꞌ ni Pilato, “Pabayaꞌen mi naga kanya. Baalaꞌ kamu mukuman uyun duꞌun it kasuratan mi.” “In maat daꞌga,” maat it mga Judio ngayti, “egay pudir namen it mukuman it ukuman nga kamataynen kat maski siyu.”

Juan 21:19

Inampang ni Jesus i atkayti ka bilang ipagpaꞌrut ya in magꞌuꞌunu-unu i kamataynen ni Pedro nga ikabantug it Ampuꞌang Diyus. Bawnga maat siꞌ ni Jesus, “Kaꞌilangan pagsunudun mu aku nga pirmi.”

Juan 3:14

Baw in magꞌuꞌunu ipiyadibwat ni Moises i binwat ya nga subuk dukul duꞌut rugar nga kapupuyangtan, nga idiyuꞌun yat ipiyatindeg ya nga kayu, magꞌaꞌatkayan naga yan i buwaten it aken nga Taga Langit nga Ipiyanganak it Taw. Iransang nira aku duꞌut krus bawnga ipadibwat nira naga subuk dukul ngayting binwat.

Juan 8:28

Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

Mga Binwat 7:59

Siging buntal nira, siging panalangin ni Esteban nga magꞌaat, “Ampuꞌan ku nga si Jesus, tanggapen mu i kiyarurwa ku.”

Galacia 3:13

Temed kayti, ipiyagribri ta na ni Cristo kat panriga it Ampuꞌang Diyus, panriga yat mga ega ngaytu magkasunud it kaꞌustuꞌan i mga urdin. Ka imbis kita, si Cristo ngaytu i riniga it Ampuꞌang Diyus sabap it kasalaꞌan tami, subung nagat magsusurat nga magꞌaat, “Siyu-siyu nga pangimatay it kanya, ipaggantung duꞌun it kayu nga ipagrugsuk, naꞌiguꞌ it isiyumpa it Ampuꞌang Diyus nga panriga.”