Juan 18:3 - Tagbanwa

³ Aypaꞌ naꞌaduꞌun nagat kalulwakan ngayti si Judas ka yay pakiꞌupakat ya duꞌun it mga pagbayaꞌen it mga sasirduti baw mga Pariseo. Magpanguꞌna kanyat mga tiyaꞌeg nirang guwardiya it Templo baw sang iskuwadra gasiꞌ i mga sundaluꞌ. Mamagtitidaw sira baw rangkap sirat basiꞌ.

Juan 18:3 Iomraidhean Croise

Mateo 25:1

Magꞌaat pay beken nga ipiyanulduꞌ ni Jesus, “Kaꞌalimbawaan it kaꞌadiꞌan it Ampuꞌang Diyus, subung it itu ngaytu. May sang puluꞌ nga umbay paꞌ nga mga babay. Kaꞌsang apu-apun, uyun it adat ta, napanaw sira ka sumusmu it lalaki nga papagsaduun na. Kada esat kanira, may taban nga titidawan.

Juan 13:2

Itiyarakan nay pangiyapun na Jesus. Si Judas Iscariote ngayti nga anak ni Simon, piyanakman kanya nga lagi ni Satanas nga idagang ya si Jesus.

Juan 18:12

Ta egay beken, mga sundaluꞌ ngayti nga uyut nagay kapitan nira baw mga guwardiya ngayting mga Judio, diyakep na nira si Jesus bawnga biyayuk.

Juan 18:18

Maramig na it iting uras, aypaꞌ nagꞌapuy i mga uripen baw mga guwardiya ngayti. Mamagdagpiꞌ na sira duꞌun. Nagpakidagpiꞌ na gasiꞌ si Pedro.

Juan 18:22

Pagkaꞌampang ya kayti, tiyampaling kanyat esa nga guwardiya nga duꞌun nga magꞌaat, “Unuka atkayan i tubag mut Piyakamataꞌas nga Sasirduti?”

Juan 19:6

Pagkalteg it kanya it mga pagbayaꞌen ngaytit mga sasirduti baw mga guwardiya ngayti, igiyaꞌuy nira na nga magꞌaat, “Iransang kanya duꞌun it krus! Iransang kanya duꞌun it krus!” Tubagen sira ni Pilato, “Tabanen mi na kanya! Baalaꞌ kamu paransang! Ka talagang egay magkaparagan ku nga kasalaꞌan ya.”

Juan 7:32

Naringid-ringidan it mga Pariseo i pamagrundingen it mga katataawan ngayti pasar it ki Jesus. Aypaꞌ binwat it mga Pariseo ngayti baw mga pagbayaꞌen it mga sasirduti, piyapaꞌaduꞌunan nira it mga taawan nira nga guwardiya it Templo ka dakpen si Jesus ngayti.

Mga Binwat 1:16

Maat ya, “Mga sulsug ku kat pamayaꞌ, ega mapakay nga ega matuman i magsusurat nga ampang ni David ngaytit tagnaꞌ, kat panakem it Espiritu Santo, pasar it ki Judas ngayti nga nanguꞌnat mga namagdakep it ki Jesus.

Mga Binwat 10:1

Duꞌun it Cesarea may esang taw nga pagpangaranat ki Cornelio. Esa kanya nga kapitan it sundaluꞌ nga kaꞌuyutan it dakulang gurupu it sundaluꞌ nga pagtaꞌwaget Gurupung Italiano.