Juan 18:25 - Tagbanwa

²⁵ Si Simon Pedro ngayti, duꞌun paꞌ magpakidagpiꞌ. Iningkut nira siꞌ kanya nga magꞌaat, “Daꞌga baꞌ esa ka gasing alagad ya?” “Bilaꞌ, daꞌkuy aken alagad ya!” maat i tubag ni Pedro.

Juan 18:25 Iomraidhean Croise

Genesis 18:15

Egay beken miniꞌlam na si Sara, pagkagneg yat iting ampang, aypaꞌ ka piyayluwan ya na. Maat ya, “Daꞌku naga siminlem.” Temed maat i magꞌampang ngayti, “Ayaw ka nat paylu! Talagang siminlem ka.”

Mateo 26:69

Ki Pedro ngayti nga nagparurumbayaꞌ naga, yanayti duꞌun lamang it kamaꞌyagan, magꞌaꞌdung. Inlep kanya it esang manigsirbi nga babay. Inaat kanya nga magꞌaat, “Kaꞌibaan ka nagay imu ni Jesus ngayang taga Galilea!”

Marcos 14:66

Ki Pedro ngayti nga nagparurumbayaꞌ naga, yanayti duꞌun lamang it kamaꞌyagan. Miyabut duꞌun i esang babay nga manigsirbi it Piyakamataꞌas ngayting Sasirduti.

Lucas 22:55

Pagꞌabut duꞌun, binwat it mga guwardiya ngayti, nagduꞌput nat apuy duꞌun it pagkakaliputputan nga kamaꞌyagan, ka dagpiꞌan nira. Ta, nagpakidagpiꞌ na duꞌut kanira si Pedro.

Lucas 22:56

Naltegan it esang manigsirbi nga babay si Pedro ngayting nagpakidagpiꞌ. Pagkalteg ya, liniling yat magayen baw maat ya, “Kaꞌibaan naga ni Jesus ngayan i itung taw.”

Lucas 22:57

Temed piyayluwan ni Pedro, nga magꞌaat, “Bilaꞌ, daꞌga! Ega bayan magkakilalaan ku kanya.”