Juan 18:11 - Tagbanwa

¹¹ Siyabatan ni Jesus si Pedro ngayti, maat ya, “Iꞌangkap muy yuꞌgut ngayan, ka ega daꞌgaen kuy kakuriꞌan ngaytu nga ipagpalabay it aken it Amaꞌ ku.”

Juan 18:11 Iomraidhean Croise

Mateo 20:22

“Subuk ega magkaꞌrutan mi i pagꞌangutun mi ngayan,” maat ni Jesus it kanira. “Unu, kaya mi nga labayen i kakuriꞌan nga labayen ku?” “Aaꞌ, kaya namen,” maat i tubag it duwa ngayti.

Mateo 26:39

Nagpaꞌala-alaid si Jesus duꞌut kanira. Kiminleb kanya bawnga nanalangin, nga magꞌaat, “Amaꞌ ku, in mapakay sana, ipaꞌalaid mut aken i itu nga labayen ku nga kakuriꞌan. Takaꞌ ega aken nga kaꞌirgan i masunud, in daꞌga imu nga kaꞌirgan.”

Mateo 26:42

Nagpaꞌala-alaid siꞌ kanya ka nanalangin siꞌ, nga magꞌaat, “Amaꞌ ku, in ega naga maꞌawaꞌ i kakuriꞌan ngaytu nga labayen ku, masunud talaga i imu nga kaꞌirgan.”

Lucas 12:30

Talagang matuud nga magkasasawan tu it mga taw nga ega pay pamayaꞌ baw pagsarig nira it Ampuꞌang Diyus. Temed kamu, ega na beteꞌ pasbung it kanira, sabap magkaꞌrutan na nga lagi it Amaꞌ mi nga duꞌut langit nga talagang pagkaꞌilanganen mi i muꞌsa ngaytu.

Lucas 22:42

“Amaꞌ,” maat ya, “in mapakay mu, sana ega na ipatabus muy pagdadarapaꞌen ku ngaytu nga kakuriꞌan. Temed ega aken nga kaꞌirgan i masunud, in daꞌga imu nga kaꞌirgan.”

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 17:24

Baw itu gasiꞌ i ireg ku, Amaꞌ, nga kumpur ibinggay mut aken, makataꞌid sira gasiꞌ duꞌut pagtataꞌidan ku. Ka in duꞌun na, maltegan niray kabantugan ku nga ibinggay mut aken, ka talagang garing pat tagnaꞌ nga ega pay banwa, pagmaꞌa-maꞌalen mu na aku.

Juan 18:36

Tumubag si Jesus, maat ya, “Iyan pagkaꞌadiꞌ ku, ega subuk mga pagkaꞌadiꞌ nga situt sinirungat langit. In beteꞌ atkayay pagkaꞌadiꞌ ku, simpri panindegan akut mga taawan ku. Simpri ega basta-basta maꞌalima akut mga Judio ngaytu. Temed ta it belag talagay garing it aken nga pagkaꞌadiꞌ.”

Juan 20:17

“Ega na daꞌan sumari kat sekel it aken, ka daꞌku paꞌ nakaꞌuliꞌ duꞌun it Amaꞌ. Iyan i buwaten mu kayti, paꞌaduꞌun kat mga alagad ku nga ipagpabetang ku na nga mga sulsug ku baw isugid mut kanira nga muliꞌ aku na duꞌun it Amaꞌ ku, nga Amaꞌ mi gasiꞌ, duꞌun it Ampuꞌang Diyus ku nga Ampuꞌang Diyus mi gasiꞌ.”

2 Corinto 10:4

Ka iyan ipaglaban namen ngaytu, ega subuk mga ipaglaban it taw situt banwa, in daꞌga may guna it Ampuꞌang Diyus nga subuk magkapatibag it maski unu nga kutaꞌ kat linibut it mga kalaban ya. Kat keseg it guna ya ngaytu magkaꞌindaꞌeg namen i mga kamaliꞌ nga runding it pikiran it taw,

2 Corinto 6:7

kat pangadal namen it kamatuudan, baw kat guna it Ampuꞌang Diyus kat pangaꞌgenan namen. Iyan kataldengan namen kat panleteg it Ampuꞌang Diyus, yay bilang ipaglaban namen nga basiꞌ baw iyan na gasiꞌ i ipagsagang namen kat mga kalaban namen.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.