Juan 17:9 - Tagbanwa

⁹ Ipagpanalangin ku na sira ngayni. Ega ipagpanalangin kuy muꞌsang katataawan, in daꞌga sira lamang nga ibinggay mut aken, ka imu naga sira.

Juan 17:9 Iomraidhean Croise

Lucas 22:32

Temed ta, ipiyanalangin ku naga, Simon, nga ega kapangindiꞌ ka it pamayaꞌ mut aken. Bawnga in kasinguliꞌ ka na baw makaꞌuliꞌnang kemseg i pamayaꞌ mut aken, paksegen mu i pamayaꞌ it mga kaꞌibaan mu ngaytu nga mga sulsug mu kat pamayaꞌ.”

Lucas 23:34

Sakaliꞌ nga miyampang si Jesus. Maat ya, “Amaꞌ, pasinsiyaen mu naga sira, ka egaytu magkaꞌrutan niray pagbuwaten nira ngaytu.” Bawnga binwat it mga sundaluꞌ ngayti, namagpintuꞌan sira ka piyagbagiꞌ-bagiꞌan nira i pakayan ya.

Lucas 8:34

Pagkamuyat mga manigꞌeper it mga beyeꞌ ngayti, mamagpapalagyu i magpanugid-sugid duꞌun it lansangan baw duꞌut mga katepad nga mga babalayan.

Juan 14:16

Upakaten kuy Amaꞌ ku nga begayan ya kamu it Manigtabang nga bilang ganti ku, nga kanyay kaꞌiba-iba mi nga pirmi seked it kaꞌnu-kaꞌnu.

Juan 17:2

Subung nagat pagbegay mut aken it pagsakep it muꞌsang taw kat sinirungat langit, isaꞌun begayan kut kaꞌgenang egay kaskedan i muꞌsang ibinggay mut aken.

Juan 17:20

“Baw ega lamang mga alagad ku ngayni i ipagpanalangin ku, in daꞌga pati iyan mga mamayaꞌ it aken sabap it pangadal nira,

Juan 17:6

“Ipiyakilala ku ikaw kat mga taw nga ibinggay mut aken kat kadaklan sinit banwa ngayni. Sira ngaytu, imu. Ibinggay mu lamang it aken, baw pagsunudun niray mga ampang mu.

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Juan 6:39

Ka ituytu i kaꞌirgan ya, ega pataꞌnan ku na lamang nga maꞌilang i maski esa nga ibinggay ya it aken, in daꞌga egnen sirang muꞌsa asan it umur nat banwa.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

Hebreo 9:24

Sabap, si Cristo, ega maat duꞌun i sinledan ya it Ega Basta-bastang Seled it Templo ngayti situt banwa, nga taw lamang i minwat baw ladawan lamang it matuud nga papagsambaan, in daꞌga talagang langit i sinledan ya. Ta kayti, duꞌun na kanyat adapan it Ampuꞌang Diyus, magpanindeg it aten.

1 Juan 5:19

Magkaꞌrutan ta nga kita, mga anak nat Ampuꞌang Diyus. Temed si Satanas pay magsasakep situt sinirungat langit.

Mga Ipiyalteg 12:9

Egay beken, itindag na i dakulaꞌ ngayting dragon. Ta, dragon ngayti, kanyay nagpabaluy-baluy ngayan nga dukul it tagnaꞌ paꞌ baw garing sikayan, siging pandayaꞌ yat muꞌsang katataawan situt sinirungat langit. Ngaran yang sangbat, Manigbuꞌbug, baw esa gasiꞌ, si Satanas. Itindag na kanya situt banwa pati mga anghil ngayting kimnampiꞌ it kanya.

Mga Ipiyalteg 13:8

Aypaꞌ sambaen kanyat muꞌsang katataawan situt sinirungat langit, puyrat iyan mga taw nga, parabir giyuna i banwa, mamagsusurat na i mga ngaran nira duꞌun it pagsusuratan it mga ngaran it kumpur mabgayan it kaꞌgenan nga egay kaskedan. Itung kasuratan, pagꞌaꞌarigraen it paꞌaaten nga Uꞌuybun It Tupa nga inimatay it tagnaꞌ.

Mga Ipiyalteg 20:15

Baw iyan ega magsusurat i ngaran duꞌun it pagsuratan it mga mabgayan it kaꞌgenang egay kaskedan, itiyalpak na gasiꞌ duꞌun.