Juan 17:4 - Tagbanwa

⁴ Ipiyalteg ku na sinit sinirungat langit i kabantugan mu ka nakumplitu ku nay kumpur ipagpabwat mut aken.

Juan 17:4 Iomraidhean Croise

Lucas 22:37

Sabap ipagꞌaat kut imyu nga matuman situt aken i pagꞌaaten it kasuratan ngayan nga magꞌaat, ‘Ipiyabetang kanya nga kaꞌuyutan it mga mamagbuwat it karaꞌe-raꞌetan.’ Sabap iyan mga magsusurat nga pasar it aken, magkatuman na.”

Juan 12:28

Pagkaꞌampang ni Jesus kayti, maat ya, “Amaꞌ, ipalteg muy kadakulat kabantugan mu.” Bawnga may nagnegan it kadakel ngayti nga gaꞌmaran nga garing duꞌut langit, nga magꞌaat, “Ipiyalteg ku na, temed ipalteg ku sit sumaꞌup i kabantugan ku.”

Juan 14:13

Baw in unuy angutun mi kat keseg it pakilagpit mit aken, talagang buwaten ku yan, isaꞌun maltegan i kabantugan it Amaꞌ kat buwaten ku nga Anak ya.

Juan 14:31

Temed it isaꞌun matantuwan it kadaklan situt sinirungat langit nga pagmaꞌalen ku nga banar i Amaꞌ, tumanen ku talagay piyapaꞌasituwan yat aken. Tindeg kamu na ka tami na.”

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 19:28

Naꞌrutan na ni Jesus nga natuman nay muꞌsang bagay nga itiyaꞌeg it kanya. Bawnga, isaꞌun matuman i magbebtang duꞌut kasuratan, miyaat kanya, “Kuꞌinum aku.”

Juan 19:30

Pagkataꞌman ni Jesus it iti ngayti, miyampang kanya nga magꞌaat, “Natuman nay muꞌsa!” Pagkaꞌampang ya kayti, rimnungguk na kanya ka piyapalagsik ya nay kiyarurwa ya.

Juan 4:34

Pagkamuya ni Jesus kayti, maat yat kanira, “Iyan bay paꞌaaten ku ngayan nga pangaꞌen ku, sunudun kuy kaꞌirgan it nagtaꞌeg it aken it paꞌasitu baw tumanen i iyan nga ipagpabwat yat aken.

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 9:3

Katubag si Jesus, maat ya, “Simnakit kanya nga beleg, ega sabap may kasalaꞌan ya u mga giyaringan ya, in daꞌga isaꞌun lamang matanyag kat bilug ya i guna it Ampuꞌang Diyus.

Mga Binwat 20:24

Temed, maski ginawa ku, ega subrang pagrarasan ku, basta masarunga kut magayen baw matuman ku i katengdanan nga tiyanggap ku duꞌun it Ampuꞌan nga si Jesus, nga mangadal it Magayeng Baritaꞌ pasar it ildaw it Ampuꞌang Diyus.

2 Timoteo 4:7

Talagang eꞌres i pagsunud kut Ampuꞌan it kaꞌlay ngaytu. Kaꞌalimbawaan ku, subuk magpakilungbaꞌ. Imbu-imbus ku nay keseg ku. Ta kayti subuk naꞌbut ku nay pagꞌabutun. Talagang nateꞌteꞌan kuy pagsarig baw pamayaꞌ nga kamatuudan.