Juan 17:3 - Tagbanwa

³ Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 17:3 Iomraidhean Croise

Isaias 53:11

Maat it Ampuꞌang Diyus, “Pagkatupus it kakuriꞌan, magantiyan siꞌ it kasagyaan, sabap matantuwan ya nga ega desang kaꞌuruꞌ-uruꞌan i siyagkaꞌan ya nga kakuriꞌan. Kat kamatuudan nga pagkilala it aken it manigsirbi ku ngaytu nga mataldeng, dakel nga taw i buwaten ya nga mataldeng kat panleteg ku. Sabap tanggungun ya i mga kasalaꞌan nira.

Marcos 9:37

“In siyuy tumanggap it esang mapiyababaꞌ nga subung it waꞌwaꞌ ngaytu sabap it pamayaꞌ yat aken, aku i pagtanggapen ya. Baw iyan magtanggap it aken, ega lamang aku i pagtanggapen ya in daꞌga pati Amaꞌ ku nga nagtaꞌeg it aken.”

Lucas 9:48

Baw maat yat kanira, “In siyuy tumanggap it waꞌwaꞌ ngaytu sabap it pamayaꞌ yat aken, aku i pagtanggapen ya. Baw iyan magtanggap it aken, ega lamang aku i pagtanggapen ya, in daꞌga pati Amaꞌ ku nga nagtaꞌeg it aken. Sabap iyan piyakatimawaꞌ it imyung muꞌsa, kanya talagay piyakamataꞌas.”

Juan 10:36

Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?

Juan 11:42

Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 14:26

Temed iyan Manigtabang ngayting Espiritu Santo nga taꞌgen it Amaꞌ nga bilang gumanti it aken, kanya nay paꞌyag it imyu it muꞌsang mga bagay baw pademdem it imyu it muꞌsang inaat ku.

Juan 17:18

In magꞌuꞌunu tiyaꞌeg mu aku nga manulduꞌ sinit kadakel it mga makasalaꞌan, atkayan naga pagtaꞌgen ku na sira, nga manulduꞌ naga duꞌut katataawan nga alaid pat imu.

Juan 17:21

isaꞌun magꞌurunyun sirang muꞌsa. Subung nagat aten, Amaꞌ, nga nagꞌuyun ta nga banar, ikaw sinit aken, aku asat imu, sang kagina-ginawaan ta lamang. Pagꞌangutun ku nga urunyun sira kat kaꞌirgan mu, isaꞌun sira baw kita, subuk sang kabilu-bilugan na. Pagꞌangutun kuytu isaꞌun pamayaꞌnen it mga katataawan nga ikaw i nagtaꞌeg it aken.

Juan 17:23

nga aku baw sira, ega nay beblagan sabap it pasarum duꞌut kanira nga Espiritu Santo, ka ikaw baw aku, sang kagina-ginawaan ta lamang. Sana buwaten mu sira nga magꞌuyun-uyunun nga banar, ka sikaytu makilalaan it mga katataawan ngayni nga ikaw i nagtaꞌeg it aken, baw sira pagmaꞌalen mu, subung gasiꞌ it pagmaꞌal mut aken.

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Juan 6:57

Egen talagay Amaꞌ nga timnaꞌeg it aken it paꞌasitu baw aku, egen gasiꞌ sabap it kanya. Atkayan nagay in siyu-siyu nga kumaꞌen it aken. Egen kanya sabap it aken.

Juan 7:29

Temed aku, kilala ku kanya, ka duꞌun i garing ku, baw kanya i nagtaꞌeg it aken it paꞌasitu.”

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

1 Corinto 15:34

Ipatarunus mi na i pikiran mi baw indiꞌan mi na i buwat it kasalaꞌan. Ka iyan beken asat imyu, egay kamatuudan nga pagkilala it Ampuꞌang Diyus. Ikaꞌeyaꞌ mi talagaytu.

1 Corinto 8:4

Aypaꞌ, in pasar it karniꞌ nga ipagsalisi duꞌun it mga pagbete-beteꞌen nga diyus in unu, makaꞌen it kitang magpamayaꞌ u ega, ituy masugid ku. Magkaꞌrutan tami nga ega kamatuudan nga diyus i mga pagbete-beteꞌen lamang ngaytu. Ka talagang esa-esay Ampuꞌang Diyus. Kanya lamang i kamatuudan nga Ampuꞌan.

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

Filipos 3:10

Talagang iyan nay pagꞌabaten ku kayti, makilalaan ku pang banar si Cristo, baw malabayan ku kat pangaꞌgenan ku i keseg it guna nga magpanggaring duꞌut kanya sabap it inggen kanya it paꞌuliꞌ. Ireg ku talaga nga makaꞌuyut aku it mga kakuriꞌan nga nalabayan ni Cristo, baw subuk makaꞌuyut aku gasiꞌ it kamataynen ya ka magpasbung akut kanya kat pagsunud yat kaꞌirgan it Ampuꞌang Diyus.

Filipos 3:8

Eeꞌ baꞌ, maski unu nga bagay, ipagpabetang ku nga talagang egay kuwintaꞌ in ipasbung it subray basta nga kagayen it kamatuudang pagkilala it ki Cristo Jesus nga Ampuꞌan ku. Aypaꞌ ka sabap lamang it kanya, tiyananan ku nay muꞌsa. Talagang ipagpabetang ku nga egay kakapulusan it muꞌsang mga bagay, isaꞌun maꞌaken i kaꞌustuꞌang pagkilala it ki Cristo,

1 Tesalonica 1:9

sabap sira na mismu i magsugid it in magꞌuꞌunuy pangaꞌgenan baw pangadal namen asan it imyu. Ipagsugid nira gasiꞌ in magꞌuꞌunu inindiꞌan mi na i pamagsambaen mi nga mga pagbete-beteꞌen nga diyus, sabap natantuwan mi na nga iyan talagay dapat nga sirbiyan, matuud ngaytu nga Ampuꞌang Diyus nga talagang egen.

2 Tesalonica 1:8

Uyut nagat pangabut ya i magdidigalang nga apuy, baw rigaen yat kamatuudan i kumpur ega magkilala it Ampuꞌang Diyus baw ega magpamayaꞌ it Magayen ngaytung Baritaꞌ pasar it Ampuꞌan tami ngaytu nga si Jesus.

Hebreo 3:1

Aypaꞌ kayti, mga kasulsugan ku nga subung nat ipiyapinpin it Ampuꞌang Diyus, kamu nga ipiyabetang-betang ya nga makaꞌistar duꞌut langit kat pagdadarapaꞌen, magayen in panawun it pikir mi si Jesus ngaytu. Kat kamatuudan nga pagpamayaꞌnen tami, kanya i ipiyaꞌasitu it Ampuꞌang Diyus, baw kanya i Piyakamataꞌas nga Sasirduti nga magpanindeg it aten.

2 Pedro 1:2

Ipagpanalangin ku nga sana, kat keseg it kamatuudang pagkilala mi it Ampuꞌang Diyus baw Ampuꞌan tami nga si Jesus, magbastanti nga pirmi asat imyu i ildaw baw kaꞌimbengan it nakem nga ipagbegay nira.

2 Pedro 1:3

Talagang kat keseg it guna it Ampuꞌang Diyus, ibinggay yat aten i kumpur pagkaꞌilanganen tami, isaꞌun mabaꞌgu i pangaꞌgenan ta nga mangaꞌgenan tami uyun kat kaꞌirgan ya. Kaya tami naytu kat keseg it kamatuudang pagkilala ta ngaytut kanya, kanya nga nagpanakem it aten nga pasakep it kanya kat keseg it kabantugan baw guna ya kat pagkaDiyus ya.

2 Pedro 1:8

Ka basta magdudungag-dudungag i atkaytung mga adat mi, makasiguru yan nga daꞌkamu mga taw nga egay kakapulusan. In daꞌga limiꞌwan nga dakulay buwaꞌ it pamayaꞌ kat pangaꞌgenan mi, nga mga taw kamu nga may kamatuudang pagkilala it Ampuꞌan tami nga si Jesu-Cristo.

1 Juan 1:2

Eeꞌ baꞌ, kanya ngaytung puꞌun it kaꞌgenan, itiyanyag nat amen. Talagang naltegan namen kanya. Aypaꞌ ka ipagpamatuud namen na, baw ipagpangadal namen nat imyu i pasar it kanya ngaytu nga egen it egay kaskedan. Garing it tagnaꞌ paꞌ, duꞌun kanya nga lagi it adapan it Diyus Amaꞌ, baw kayti, itiyanyag na kanya situt amen.

1 Juan 1:3

Ipagpamatuud namen it imyu i naltegan namen baw nagnegan ngaytu, isaꞌun makapakiꞌiba-iba kamu gasit amen. Baw ega lamang iyan, in daꞌga sang tamiyan nay magpakiꞌiba-iba it Diyus Amaꞌ baw Anak ya nga si Jesu-Cristo.

1 Juan 2:23

Ka in siyuy ega magpamatuud nga Anak it Ampuꞌang Diyus si Jesus, ega gasiꞌ mapakay nga pagtanggapen kanya it Diyus Amaꞌ. Temed kanya nga magpamatuud nga Anak talagat Ampuꞌang Diyus si Jesus ngaytu, simpri yay matuud, kanya gasing Amaꞌ i Ampuꞌang Diyus.

1 Juan 4:6

Temed kita, sakep ta nat Ampuꞌang Diyus. Baw in siyuy magkilala it Ampuꞌang Diyus, iyan i magpagneg it aten. Iyan ega sakep it Ampuꞌang Diyus, ega magpagneg kanyat aten. Sikayan ta maꞌrutan i kamatuudang ampang nga garing duꞌun it Espiritu Santo baw kaꞌambutang ampang nga garing duꞌun it ki Satanas.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.