Juan 17:22 - Tagbanwa

²² Iyan kabantugan nga ibinggay mut aken, ibinggay ku gasiꞌ it kanira, isaꞌun magꞌuyun-uyunun sirang banar subung it pagꞌuyun tat aten,

Juan 17:22 Iomraidhean Croise

Marcos 6:7

Bawnga tiningped yay sang puluꞌ may duwa ngayting mga alagad ya ka papanawun yat tagduwa-duwa. Piyamgayan ya sira it pudir nga ipagkaꞌimugaw it mararaꞌe-raꞌet kat mga taw nga pagpapulpugun.

Lucas 22:30

isaꞌun sang tamiyan i magkaꞌen baw magꞌinum duꞌun it kaꞌadiꞌan ku. Baw kaꞌibaan ku na kamu kat pamegbeg ku ngaytut mga taawan ku nga bilang tungtung-inapuꞌ it sang puluꞌ may duwang iriyasyaꞌ ni Israel.”

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 1:16

Kat kadakulaꞌ it raras yat aten, magꞌaꞌabut-aꞌabut situt aten i ildaw ya.

Juan 14:20

Maꞌrutan mi yan it iyang aldaw nga aku baw Amaꞌ ku, sang kagina-ginawaan kami, baw aku baw kamu, ega nay beblagan tami.

Juan 17:24

Baw itu gasiꞌ i ireg ku, Amaꞌ, nga kumpur ibinggay mut aken, makataꞌid sira gasiꞌ duꞌut pagtataꞌidan ku. Ka in duꞌun na, maltegan niray kabantugan ku nga ibinggay mut aken, ka talagang garing pat tagnaꞌ nga ega pay banwa, pagmaꞌa-maꞌalen mu na aku.

Mga Binwat 5:41

Ta it atkayti i nabetangan it mga apustul, masagyang-masagya sirang gimnaring duꞌun it Sanedrin ngayti, ka binggayan sirat Ampuꞌang Diyus it galang, ka piyalabay ya sira it kaꞌeꞌyaꞌan sabap it pakilagpit nirat ki Jesus.

Roma 8:30

Ta itu, mga ipiyasiguru ya ngaytu, miyabut i aldaw nga piyanakman ya nga pasakep it kanya. Bawnga, sabap it pamayaꞌ baw pagsarig nirat binwat ni Cristo, ipiyabetang ya sira nga ega nay kakasalaꞌan kat panleteg ya. Baw sira ngaytu i begayan ya paꞌ it ega basta-bastang kabantugan.

2 Corinto 3:18

Ta, it kayti nga naꞌawaꞌ na i subuk ipiyayumyum it rupa tami, magkamuyaan ta na i kabantugan it Ampuꞌan, temed ega paꞌ subung it kabantugan ya nga maltegan kat pagdadarapaꞌen. Kabilangan it magkamuyaan kayti, subung paꞌ it magkaltegan duꞌut ega maꞌyag nga salamin. Baw paribasay subuk pirmi tami nga magkamuyaan i kabantugan ya, kat guna it Espiritu Santo nga ipiyapasarum it Ampuꞌan, magsisigi na nga magkabaꞌgu i adat tami, nga magpasbung tami nang muꞌsa it kanya kat kabantugan ya ngaytu.

2 Corinto 5:20

Aypaꞌ kami ngaytu, mga taraꞌgen ni Cristo, nga subung baꞌ it Ampuꞌang Diyus na i magpakiꞌupakat it mga katataawan nga kami i pagsarigan ya nga manigpanuturan it ampang ya. Talagang maseked-seked i ipagpakiꞌupakat namen it mga taw nga pasakep sirat Ampuꞌang Diyus isaꞌun magkagayen na sira duꞌut kanya.

2 Corinto 6:1

Ta, it kami, mga manigbuwat na kat buwaten ngaytu it Ampuꞌang Diyus, maseked-seked gasiꞌ nga ipagpakiꞌupakat namen it imyu, kamu nga timnanggap na it ildaw it Ampuꞌang Diyus. Ega sana desang kalabtaꞌen mi i ildaw ya ngaytu, ka in atkayan limiꞌwan nga egay kapulusan.

Efeso 2:20

Kabilangan it aten nga mga magpamayaꞌ, subuk balay nga may inunayan. Si Cristo Jesus i inunayan ngaytu nga kanya i magbegay it ega basta-bastang kabakdan i balay. Iyan mga apustul baw mga prupitaꞌ ya, sira i subuk mga arigi it balay ngaytu. Baw kamu na i subuk mga buwat-buwat yang beken.

Filipos 1:29

Ka ega lamang ipiyagꞌildaw it Ampuꞌang Diyus it imyu nga sumarig baw mamayaꞌ it ki Cristo, in daꞌga ipiyagꞌildaw ya gasiꞌ nga lumabay kamu it kakuriꞌan sabap it pamayaꞌ mi ngaytu.

Colosas 1:24

Talagang pagsagyaan ku i mga kakuriꞌan ku ngaytu kayti ka sambatan ku, abir ku nga makuriꞌan aku basta kat ikagayen mi. Sabap, kat mga kakuriꞌan ngaytut bilug ku, pagꞌayawun ku i ipiyabetang-betang ni Cristo nga malabayan ku kat ikagayen it kumpur magsarig baw magpamayaꞌ it kanya, nga kabilangan nira, bilug ya.

1 Juan 1:3

Ipagpamatuud namen it imyu i naltegan namen baw nagnegan ngaytu, isaꞌun makapakiꞌiba-iba kamu gasit amen. Baw ega lamang iyan, in daꞌga sang tamiyan nay magpakiꞌiba-iba it Diyus Amaꞌ baw Anak ya nga si Jesu-Cristo.

1 Juan 3:24

Ta kanya nga masunud it mga urdin it Ampuꞌang Diyus, talagang teꞌteꞌ duꞌun it Ampuꞌang Diyus i pangaꞌgenan ya, baw Ampuꞌang Diyus ngaytu, teꞌteꞌ naga duꞌun it kanya. Baw tabang ngaytut aten it Espiritu Santo nga ipiyapasarum ya situt bilug tami, iyan i ipagkatantu ta nga teꞌteꞌ na situt aten i Ampuꞌang Diyus.

1 Juan 4:17

Sikayan magkatantuwan ta na nga nakumplitu na i kararas ta ngaytu. Aypaꞌ ka ega na pagꞌiꞌlaman tami i aldaw ngayan nga ipangukuman. Sabap unu pay maiꞌlaman it magpasbung ta nat ki Jesu-Cristo situt banwa ngaytu?

Mga Ipiyalteg 21:14

Baw may sang puluꞌ baw duwa gasing batu i batu nga papaꞌgen it kutaꞌ it siyudad ngayti. Magsusurat gasiꞌ duꞌun i mga ngaran it sang puluꞌ may duwang apustul it paꞌaaten ngaytung Uꞌuybun It Tupa.