Juan 17:21 - Tagbanwa

²¹ isaꞌun magꞌurunyun sirang muꞌsa. Subung nagat aten, Amaꞌ, nga nagꞌuyun ta nga banar, ikaw sinit aken, aku asat imu, sang kagina-ginawaan ta lamang. Pagꞌangutun ku nga urunyun sira kat kaꞌirgan mu, isaꞌun sira baw kita, subuk sang kabilu-bilugan na. Pagꞌangutun kuytu isaꞌun pamayaꞌnen it mga katataawan nga ikaw i nagtaꞌeg it aken.

Juan 17:21 Iomraidhean Croise

Marcos 3:24

Ka basta magkuntraꞌ-kuntraꞌen i mga sinakepan it esang kaꞌadiꞌan, siguradu nga ega maneꞌteꞌ i iyan nga kaꞌadiꞌan.

Juan 10:16

May mga tupa ku pang beken nga magpuyrat mga itu ngaytu nga kat antur na ngaytu. Kaꞌilangan ipaꞌuyut ku gasiꞌ sira it pagꞌaypeten ku. Pagnegan nira gasiꞌ i gaꞌmaran ku, isaꞌun sang siraan nat dati nga mga tupa, baw esa-esa gasiꞌ i manigꞌeper nira.

Juan 10:30

Ka aku baw Amaꞌ ku, sang kagina-ginawaan lamang.”

Juan 10:38

Temed in pagbuwaten kuy buwat ya ngaytu, maski ega pagpamayaꞌnen mi aku, kaꞌilangan nga pamayaꞌnen mi i mga pagbuwaten ku ngaytu ka sikayan mi matantuwan baw masiguru nga aku baw Amaꞌ ku, sang kagina-ginawaan kami.”

Juan 11:42

Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 13:32

Baw in sabap it aken, matanyag nay kabantugan it Ampuꞌang Diyus, kanya siꞌ i tumanyag it kabantugan ku nga Anak ya. Baw buwaten ya it kayti ngaytung lagi.

Juan 13:35

In magsigraras kamu, makilalaan it kadakel nga mga alagad ku kamu.”

Juan 17:11

Daꞌku na maꞌlay sinit sinirungat langit, ka muliꞌ aku na asat imu. Temed sira, sini pat banwa ngayni. Amaꞌ nga alaid kat muꞌsang kasalaꞌan, tatarimaen mu sira kat keseg it guna baw kabantugan mu nga itanyag mu sinit aken. Tatarimaen mu sira isaꞌun urunyun sirang pirmi, subung nagat aten.

Juan 17:18

In magꞌuꞌunu tiyaꞌeg mu aku nga manulduꞌ sinit kadakel it mga makasalaꞌan, atkayan naga pagtaꞌgen ku na sira, nga manulduꞌ naga duꞌut katataawan nga alaid pat imu.

Juan 17:20

“Baw ega lamang mga alagad ku ngayni i ipagpanalangin ku, in daꞌga pati iyan mga mamayaꞌ it aken sabap it pangadal nira,

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Mga Binwat 2:46

Baw buwat nirat aldaw-aldaw, mamagtingped sira duꞌun it piyakakamaꞌyagan it Templo. Adat nira gasiꞌ, mamagdugu-dugupun sirat pagkaraꞌnen it masagyay nakem nga egay antap nga ega magayen.

Mga Binwat 4:32

Ta kadakel ngaytit mga magpamayaꞌ, talagang mapaꞌgen i pagꞌurunyun baw pakiꞌiba-iba nira. Kamatuudan, ega na magkandi-kandiriyen sira. Ega mamagꞌitu-itungun sirat maski unu nga betang nira nga pagkaꞌilanganen it sulsug nira kat pamayaꞌ.

Roma 12:5

Ta kita, atkayan naga kayti. Dakel tami nga magpamayaꞌ it ki Cristo, temed kat pakilagpit tami it kanya ngaytu, subung ta nat sang kabilu-bilugan. Kada esat aten, subuk nagsugpa-sugpaten na, baw may kanya-kanyang kaꞌargan kat ikagayen it muꞌsa.

1 Corinto 1:10

Ta kayti, mga kasulsugan, paribasa it ituy ipagpaguru it aten it Ampuꞌan tami nga si Jesu-Cristo, pagꞌangutun ku nga banar nga magꞌurunyun kamung muꞌsa kat nakem, pagpikiren, baw pagꞌampangen, isaꞌun maꞌawaꞌ asat imyu i ega pagparag-paragen it pagpikiren.

1 Corinto 12:12

Ta, in panawun it pikiran tami i bilug it taw, daꞌga baꞌ maski dakel i buwat-buwat, esa-esa nagang bilug? Baw mga buwat-buwat ngaytu, sang kabilu-bilugan sira. Ta, atkayan naga si Cristo baw muꞌsang magpamayaꞌ it kanya.

1 Corinto 6:17

Temed iyan magpasakep na it Ampuꞌan, kalagpit ya na baw sang kanake-nakeman na sira.

Galacia 3:28

Aypaꞌ ega nay piyagbelagan it mga Judio baw ega Judio, uripen baw ega uripen, u lalaki baw babay. Ka basta maglalagpit nat ki Cristo Jesus, inesa-esa tami nang muꞌsa.

Filipos 1:27

Takaꞌ maski unuy magkabetangan ku sini, talagang ipagbenge-bengel kut imyu nga mangaꞌgenan kamu uyun kat Magayen ngaytung Baritaꞌ pasar it ki Cristo, isaꞌun kapaꞌasan akut imyu u daꞌga, nga mabaritaꞌan ku lamang, masiguru ku nga esa-esay kat nakem mi, nga urunyun kamu nga pagpanindegan mi i Magayen ngaytu nga Baritaꞌ.

1 Juan 1:3

Ipagpamatuud namen it imyu i naltegan namen baw nagnegan ngaytu, isaꞌun makapakiꞌiba-iba kamu gasit amen. Baw ega lamang iyan, in daꞌga sang tamiyan nay magpakiꞌiba-iba it Diyus Amaꞌ baw Anak ya nga si Jesu-Cristo.

1 Juan 5:7

Yay matuud, tulu talagay magpamatuud kaytu pasar it ki Jesu-Cristo, in siyu talaga kanya.