Juan 17:17 - Tagbanwa

¹⁷ Kat keseg it ampang mu nga purus kamatuudan, baꞌguun muy adat nira nga mamlag na kat adat it mga taw nga makasalaꞌan. Ka mga ampang mu, talagang kamatuudan.

Juan 17:17 Iomraidhean Croise

Lucas 8:11

Ituy ireg sugiden it alimbawa ngayan, maat ya. “Iyan isiyaꞌbug nga lulwaken, ampang it Ampuꞌang Diyus.

Lucas 8:15

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Juan 15:3

Kayti maꞌawan kamu na, ka ampang ku nga panulduꞌ kut imyu i nagꞌawan.

Juan 17:19

Baw sabap it kanira, ipasiguru ku nay sadili ku nga sunudun kung banar i muꞌsang kaꞌirgan mu, isaꞌun masiguru gasiꞌ sira nga imu nang matuud, nga alaid na kat kasalaꞌan.”

Juan 8:32

Makilalaan mi nayang banar i kamatuudan, baw iyan kamatuudan ngaytu, itu na i paliꞌwan it imyu.”

Juan 8:40

Ka ungaytu ga, masyaduy kuꞌimatay mit aken, it ipagsugid ku lamang i kamatuudan nga nagnegan ku duꞌut Ampuꞌang Diyus. Ega yan atkayan i ki Abraham nga buwat.

Mga Binwat 15:9

Iti na ngayti i esang kamatuudan nga kitang mga Judio baw sira nga ega Judio, nagsuru-surubungun na i leteg it Ampuꞌang Diyus. Ka sabap it pamayaꞌ baw pagsarig nirat ki Jesus, biyaꞌgu ya na i adat nira baw ipiyasinsiya nay kasalaꞌan nira.

2 Corinto 3:18

Ta, it kayti nga naꞌawaꞌ na i subuk ipiyayumyum it rupa tami, magkamuyaan ta na i kabantugan it Ampuꞌan, temed ega paꞌ subung it kabantugan ya nga maltegan kat pagdadarapaꞌen. Kabilangan it magkamuyaan kayti, subung paꞌ it magkaltegan duꞌut ega maꞌyag nga salamin. Baw paribasay subuk pirmi tami nga magkamuyaan i kabantugan ya, kat guna it Espiritu Santo nga ipiyapasarum it Ampuꞌan, magsisigi na nga magkabaꞌgu i adat tami, nga magpasbung tami nang muꞌsa it kanya kat kabantugan ya ngaytu.

Efeso 4:21

Ka talagang nabaritaꞌan kamu pasar it kanya baw tiyulduꞌan kamu nagat magayen it kamatuudan nga garing duꞌut kanya. (Pagsisiguruun ta nga, basta kanya i garing, purus kamatuudan.)

Efeso 5:26

Binwat yaytu isaꞌun mapakay nga tanggapen sirat Ampuꞌang Diyus sabap it nalimpiyuꞌ na sira kat panleteg ya duꞌun it pagbawtis nira baw kat pagneg baw pamayaꞌ nira it ampang ya.

2 Tesalonica 2:13

Temed dapat kami nga pirming magpasalamat duꞌun it Ampuꞌang Diyus sabap it imyu, mga sulsug namen kat pamayaꞌ nga mga pagrarasan it Ampuꞌan. Sabap, garing it ega pay banwa, napiliꞌ kamung lagi it Ampuꞌang Diyus nga, kat keseg it Espiritu Santo, maribri kamu baw ipapinpin nga mga mataldeng nga taawan ya sabap it pamayaꞌ mi it kamatuudan ngaytu.

Santiago 1:21

Aypaꞌ iyan i magayen, indiꞌan mi nay muꞌsang buwat nga mararaꞌway baw adat mi nga maraꞌe-raꞌet. Bawnga mapiyalulus kamu nga pasakep it Ampuꞌang Diyus baw pagpagnegan mit magayen i ampang ya, ka iyan i ikaribri mi.