Juan 17:15 - Tagbanwa

¹⁵ Ega ipagpanalangin ku nga awaꞌen mu sira sinit banwa ngayni, in daꞌga tatarimaen mu sira, isaꞌun daꞌsira daꞌgen ni Satanas ngayting gimpuꞌun it karaꞌe-raꞌetan.

Juan 17:15 Iomraidhean Croise

Mateo 5:37

Yay magayen nga ampangen mi, in eeꞌ, eeꞌ. In ega, ega. Tamaꞌ naga yan basta kamatuudan, ka maraꞌe-raꞌet nay maski unu nga idungag mu nga pangibet, sabap si Satanas na i garing.”

Mateo 6:13

Baw pagꞌangutun namen asat imu nga ega naga ipaꞌintulut mu nga masukdanan kami it subraꞌ na, in daꞌga iribri mu kami nga pirmi it ki Satanas. Sabap ikaw i may pagkaꞌadiꞌ baw guna nga egay kasbung, baw kabantugan nga egay katupusan it seked kaꞌnu-kaꞌnu. Kamatuudan tu!’

Lucas 11:4

Pasinsiyaen mu naga i mga kasalaꞌan namen, ka pasinsiyaen namen naga gasiꞌ i mga magkasalaꞌan sinit amen. Baw pagꞌangutun namen asat imu nga ega naga ipaꞌintulut mu nga masukdanan kami it subraꞌ na.’”

Lucas 22:32

Temed ta, ipiyanalangin ku naga, Simon, nga ega kapangindiꞌ ka it pamayaꞌ mut aken. Bawnga in kasinguliꞌ ka na baw makaꞌuliꞌnang kemseg i pamayaꞌ mut aken, paksegen mu i pamayaꞌ it mga kaꞌibaan mu ngaytu nga mga sulsug mu kat pamayaꞌ.”

Galacia 1:4

kanya nga isiyalisi yay bilug ya kat aten nga mga kasalaꞌan isaꞌun mabilwat ya kita kat pamegbeg it karaꞌe-raꞌetan nga magsasakep it banwa kat timpu ngaytu. Binwat ya ngaytu, pabetang-betang nagat Ampuꞌang Diyus nga Amaꞌ tami.

2 Tesalonica 3:3

Temed talagang daꞌtami pagpabaya-bayaꞌan it Ampuꞌang Diyus. Papaꞌgenen ya kamu baw tarimaen ya kamu isaꞌun daꞌkamu daꞌgen ni Satanas.

2 Timoteo 4:8

Aypaꞌ kayti, sabap it pandaꞌeg ku ngaytu, may magꞌaꞌareg na nga tumbas nga ibgay it aken it Ampuꞌan kat aldaw ngayting ipangukuman ya. Ka kanya, mataldeng talaga nga manigꞌukuman. Baw ega lamang maat aku i begayan yat tumbas ngaytu, in daꞌga kat puꞌsaytu nga maꞌlat nga banar it pamaꞌuliꞌ ya ngayan situ.

1 Juan 5:18

Talagang magkaꞌrutan ta na nga iyan mga bilang ipiyanganak nat Ampuꞌang Diyus, ega na maat magpasigi pat muwat it kasalaꞌan, sabap pagtatarimaen na sira ni Jesu-Cristo ngayting Anak it Ampuꞌang Diyus. Ega na mapakay nga sakpen siꞌ ni Satanas.

1 Juan 5:19

Magkaꞌrutan ta nga kita, mga anak nat Ampuꞌang Diyus. Temed si Satanas pay magsasakep situt sinirungat langit.