Juan 16:8 - Tagbanwa

⁸ Pagꞌabut it Espiritu Santo nga Manigtabang ngaytu, itanyag ya nga kamaliꞌ i pasepsep it mga taw nga ega magpamayat aken. Kamaliꞌ i pasepsep nira pasar it kasalaꞌan, kataldengan baw pangukuman it Ampuꞌang Diyus sabap it kasalaꞌan.

Juan 16:8 Iomraidhean Croise

Juan 16:7

Temed matuud nagaytu i ipagsugid kut imyu, nga pagliꞌid ku ngaytu, ikagayen mi naga, sabap ega paꞌasitut imyu i Manigtabang in ega limꞌid aku. Temed in magliꞌid aku, taꞌgen ku kanya nga paꞌasitut imyu.

Juan 16:9

Itanyag ya nga kasalaꞌan nira talaga i daꞌsira magpamayaꞌ it aken.

Juan 8:46

Ka siyu it imyu i magkamatuud nga nagkasalaꞌan aku? In talagang kamatuudan i pagꞌaaten ku, unuka ega pagpamayaꞌnen mi aku?

Juan 8:9

Pagkagneg it mga magꞌingkut ngaytit ki Jesus, namagtekas-tekas na sira. Uꞌnay mga magugurang, bawnga mga mangaꞌwaꞌen seked ega nay naꞌped it kanira duꞌun, si Jesus mana baw babay ngayti nga magtitindeg naga duꞌut adapan it katataawan.

Mga Binwat 2:37

Ta, pagkagneg it mga taw it inaat ngayti ni Pedro, dakulang eter-eter it seled nira ka tindek talagay nakem nira. Aypaꞌ iningkut nira si Pedro baw beken ngayting mga apustul. Maat nira, “Ta bilaꞌ, in atkayan, mga sulsug, unu nay buwaten namen?”

1 Corinto 14:24

Temed imbis nga magꞌampang it belag-belag nga ampang nga ega magkasepsepan, magtuturan kamu it ipagpaꞌrut it Ampuꞌang Diyus kat ampang nga magkasepsepan it muꞌsa, daꞌga matanudan it mga miyabut ngayti nga may turubagen nira duꞌut Ampuꞌang Diyus ka makasalaꞌan sira?

Judas 1:15

Betanganan ya nat ukuman i muꞌsang katataawan. Rigaen yay muꞌsa nga ega magkilala it kanya, sabap it muꞌsang mga binwat nirang karaꞌe-raꞌetan, nga binwat nira it alaid talaga kat nakem nira i kaꞌirgan it Ampuꞌang Diyus. Baw rigaen ya sira ngayti nga egay iꞌlam it kanya, sabap it muꞌsang mga inampang nira nga tibabaꞌ it kanya.”