Juan 16:5 - Tagbanwa

⁵ Inaat paꞌ ni Jesus, “Kayti, muliꞌ aku na duꞌun it nagtaꞌeg it aken, temed egay maski esat imyu nga magꞌingkut sabap it uliꞌan ku ngaytu.

Juan 16:5 Iomraidhean Croise

Juan 13:3

Urut talaga ni Jesus nga ibinggay nat kanya it Amaꞌ i muꞌsang pudir. Baw urut ya nga kanya, egay beken nga giyaringan ya, duꞌun it Ampuꞌang Diyus, baw duꞌun nagat Ampuꞌang Diyus i uliꞌan ya.

Juan 13:36

“Ay ari aduꞌunan mu, Ampuꞌan?” ingkut ni Simon Pedro. Tubagen ni Jesus, maat ya, “Duꞌun it aduꞌunan ku daꞌka kabayaꞌ it aken kayti, temed tumundug ka naga yan it aken asat malangbusan.”

Juan 14:28

Isiyugid ku nang lagit imyu nga magliꞌid aku temed paꞌuliꞌ aku naga. In talagang pagmaꞌalen mi aku, sagyaan mi i panguliꞌ ku ngaytu duꞌut Amaꞌ, sabap subrang mataꞌas i Amaꞌ, subraꞌ paꞌ it aken.

Juan 16:10

Pasar it kataldengan, itanyag yat kanira nga mataldeng aku naga, kamatuudan, muliꞌ aku na duꞌun it Amaꞌ ku. Ega nayan malte-maltegan mi aku.

Juan 16:16

“Dekeyeꞌ mana nga timpu,” maat paꞌ ni Jesus, “ega na maltegan mi aku. Magtaꞌlib siꞌ i dekeyeꞌ nga timpu, maltegan mi siꞌ akut sumaꞌup.”

Juan 16:17

Mamagreteng-reteng i beken nga mga alagad ya ngayti. Maat nira, “Unu bay pagꞌaaten ya ngaytu? Unuka inaat ya nga, ‘Dekeyeꞌ mana nga timpu, ega na maltegan mi aku, bawnga dekeyeꞌ siꞌ nga timpu maltegan siꞌ it sumaꞌup’? Baw maat ya gasiꞌ ngayan, ‘Sabap muliꞌ aku na duꞌut Amaꞌ.’”

Juan 16:28

Talagang garing aku duꞌut Amaꞌ bawnga limnampud aku nga naꞌasitut banwa ngaytu. Ta kayti, limꞌid aku na situt sinirungat langit ka muliꞌ aku na duꞌun it Amaꞌ.”

Juan 17:13

Temed kayti, magꞌuꞌuliꞌ aku na asat imu, baw ipagsugid ku nang lagi i mga itu ngaytung bagay mintras sini aku pat banwa ngayni isaꞌun, kadakulaꞌat kasagyaan ku, makanira it egay kurang ya.

Juan 17:4

Ipiyalteg ku na sinit sinirungat langit i kabantugan mu ka nakumplitu ku nay kumpur ipagpabwat mut aken.

Juan 6:62

Magꞌuꞌunu yan in maltegan mi nga patibung siꞌ i Taga Langit nga Ipiyanganak it Taw ka muliꞌ na duꞌun it giyaringan ya?

Juan 7:33

Ta it atkayti, maat ni Jesus, “Maꞌiba-iba mi paꞌ aku it sang dekeyeꞌ nga timpu bawnga muliꞌ aku nayan duꞌun it nagtaꞌeg ngaytit aken it paꞌasitu.

Hebreo 1:3

Duꞌun it Anak ya subuk magsingkar i kabantugan it Ampuꞌang Diyus sabap in magꞌuꞌunu i Ampuꞌang Diyus, atkayan nagay Anak ya ngaytu. Kat keseg it ampang it Anak ya ngaytu, kanya na i magꞌaꞌalima baw magtaban it muꞌsang bagay. Pagkabwat yat panlimpiyuꞌ it kasalaꞌan it taw, miyadung na kanya duꞌun it iwanang ayun it landaw nga gunaan nga Ampuꞌang Diyus nga duꞌun it langit.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.