Juan 16:24 - Tagbanwa

²⁴ Seked kayti, ega pay pagꞌangutun mi kat keseg it pakilagpit mit aken. Mangut kamu. Siguradung ibgay it imyu baw sikayan makasagya kamung banar.

Juan 16:24 Iomraidhean Croise

Genesis 32:9

Bawnga binwat ni Jacob, nanalangin. Maat ya, “AMPUꞌANG DIYUS it apuꞌ ku nga si Abraham baw amaꞌ ku nga si Isaac, magꞌangut akung banar it tabang mu, ka panaw ku ngayni, aat mu nagat aken, nga muliꞌ aku na duꞌun it aken nga banwa baw mga kaduguꞌan ku, ka tatarimaen mu naga aku.

1 Mga Adiꞌ 18:36

Desang kabali nang alaid, nga uras na it pagbuwat it ipagsamba duꞌut AMPUꞌANG DIYUS, timnindeg si Elias duꞌut sarungaan it papangantengan ngaytit ipagsamba bawnga nanalangin. Maat ya, “AMPUꞌANG DIYUS ni Abraham, ni Isaac baw ni Jacob, ipatantu mu talaga kayti nga ikaw talagay matuud nga Ampuꞌang Diyus it Israel baw aku ngayni, manigsirbi mu. Binwat kuyni i atkayni ka yay taꞌeg mu it aken.

Mateo 6:9

Atkaytu i magayen nga panalangin mi. ‘Amaꞌ namen nga kat langit, bantugun baw kilalaen nga ega babasta-bastaen i ngaran mu.

Juan 14:1

Tiyulduꞌan siꞌ ni Jesus i mga alagad ya ngayti nga magꞌaat, “Ayaw kamu nat kasusa. Papaꞌgenen mi i pamayaꞌ mit Ampuꞌang Diyus. Papaꞌgenen mi gasiꞌ i pamayaꞌ mit aken.

Juan 14:14

Maski unuy angutun mi situt aken kat keseg it pakilagpit mit aken, siguradung buwaten ku.”

Juan 15:11

Ipiyagsugid kut imyu i itu nga mga bagay isaꞌun mabagiꞌan kamu it magꞌuꞌunay nga kasagyaan ku, baw sumagya kamut kasagyaan nga egay kakurangan.

Juan 16:23

Ega na kaꞌilangan pang mingkut kamut aken it iyang aldaw, ka nasepsepan mi na. Kamatuudan talagaytu nga iꞌaat kut imyu, nga in unu-unu nga angutun mi duꞌun it Amaꞌ kat keseg it pakilagpit mit aken, siguradung ibgay yat imyu.

Juan 3:29

Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

2 Tesalonica 1:2

Ipagpanalangin namen nga sana asat imyu nga pirmi i ildaw baw kaꞌimbengan it nakem nga ipagbegay it Diyus Amaꞌ baw Ampuꞌan nga si Jesu-Cristo.

2 Juan 1:12

Sana dakulaꞌ pang kusugiden ku, temed ega na isurat ku. Ka ireg ku baꞌ sana, kapaꞌasan akut imyu. Masugi-sugid ku kamu it nagꞌada-adapen tami isaꞌun makasagya tami it kasagyaan nga egay kakurangan.