Juan 16:22 - Tagbanwa

²² Kamu, atkayan naga yan. Kayti masmek kamu, temed makitaan mi naga yan aku. Sikayan subrang-subraꞌ siꞌ i kasagyaan mi. Baw kasagyaan mi ngaytu, magꞌuꞌunay na, nga ega maꞌawaꞌ it maski siyu.

Juan 16:22 Iomraidhean Croise

Mateo 28:8

Pagkagneg na Maria ngayti, napanaw na sira. Nagragit iꞌlam baw sagya i kat nakem nira. Mamagpapalagyu sira nga naꞌaduꞌut mga alagad, nga manuturan it iti ngayti.

Lucas 10:42

Temed esa-esa lamang i talagang kaꞌilangan nga buwaten. Piniliꞌ ni Maria i subraꞌ ngaytu nga magayen, nga pagpagnegan yay panulduꞌ ku, baw ega naytu awaꞌen paꞌ situt kanya i piniliꞌ ya ngaytu.”

Lucas 16:25

Temed maat gay itiyubag ni Abraham, ‘Dunguꞌ, yay demdemen mu, pangaꞌgenan mu it duꞌun pat sinirungat langit, nga nagpasamunsayaꞌ ka na. Ki Lazaro ngaytu, dakulang kakuriꞌan i liyabay ya. Temed kayti, pagbanga-bangayen nat kanya sini. Ikaw siꞌ i maglabay it ega basta-bastang kakuriꞌan.

Lucas 19:26

Pagtubag ya, maat ya, ‘Matuud tuy iꞌaat ku ngaytut imyu, nga iyan magkasarigan baw mapiyaꞌres, tumbasan kanya nga dungagan i kaya yat kanya. Temed iyan ega magkasarigan baw garusan, maꞌilang talaga i maski sang dekeyeꞌ nga kaya yang lagi.

Lucas 24:41

Temed ta, it subraꞌ na kat nakem nira i kasagyaan baw kaliluꞌ ka barang si Jesus tu nga matuud, aypaꞌ ka subuk daꞌga paꞌ sira magkapamayaꞌ. Aypaꞌ iningkut sira ni Jesus, nga magꞌaat, “Unu, may situ paꞌ nga makaꞌen ku?”

Juan 14:1

Tiyulduꞌan siꞌ ni Jesus i mga alagad ya ngayti nga magꞌaat, “Ayaw kamu nat kasusa. Papaꞌgenen mi i pamayaꞌ mit Ampuꞌang Diyus. Papaꞌgenen mi gasiꞌ i pamayaꞌ mit aken.

Juan 14:19

Ega na maꞌlay nga timpu, daꞌku na maltegan it kadakel ngayting ega magpamayaꞌ it aken. Temed kamu, maltegan mi naga aku. Baw sabap it magꞌegen akut paꞌuliꞌ, siguradu nga kamu gasiꞌ, mabut nga magꞌegen kamu naga kat matuud nga kaꞌgenan nga egay kaskedan.

Juan 14:27

Kaꞌimbengan it nakem mi i ipasubli kut imyu. Iyan kaꞌimbengan nga ibgay ku ngaytu, ega nay kasbung. Ega subuk kaꞌimbengan nga magkabgay it banwa ngaytu nga ega magpaneꞌteꞌ. Aypaꞌ ayaw kamut kasusa. Daꞌkamu miꞌlam.

Juan 16:16

“Dekeyeꞌ mana nga timpu,” maat paꞌ ni Jesus, “ega na maltegan mi aku. Magtaꞌlib siꞌ i dekeyeꞌ nga timpu, maltegan mi siꞌ akut sumaꞌup.”

Juan 16:20

Matuud tuy iꞌaat ku ngaytut imyu, nga sumgaw kamu baw rumaꞌe-raꞌet nga banar i nakem mi, temed kadakel it mga kalaban ku, sumagya nga banar. Talagang ega basta-bastay kasmek mi, temed kasmek mi ngaytu, magbaraꞌ tu nga kasagyaan.

Juan 16:6

Ta it kayti nga ipagsugid ku nat imyu, ereꞌeret na nga raꞌe-raꞌet it nakem mi.

Juan 21:7

Inaat si Pedro it alagad ngayti nga pagmaꞌalen ni Jesus, “Ampuꞌan bayan! Egay belag, talagang kanya!” Pagkagneg ni Simon Pedro ngayti, nagpakay kanya ka pagꞌaꞌawaꞌen yay pakayan ya. Bawnga nanugpa na duꞌut danum.

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Mga Binwat 13:52

Temed, sira nga nagpakimatuud it panulduꞌ nira baw nagpasakep it Ampuꞌan, dakulaꞌ nang kasagyaan nira baw magsasarum nay Espiritu Santo kat bilug nirang muꞌsa.

Mga Binwat 16:25

Iyan maglubu-lubuk nay delem, siging panalangin baw pagkantaꞌ na Pablo nga magbantug sira it Ampuꞌang Diyus. Pagpapagnegan sira it mga pirisung beken.

Mga Binwat 2:46

Baw buwat nirat aldaw-aldaw, mamagtingped sira duꞌun it piyakakamaꞌyagan it Templo. Adat nira gasiꞌ, mamagdugu-dugupun sirat pagkaraꞌnen it masagyay nakem nga egay antap nga ega magayen.

Mga Binwat 5:41

Ta it atkayti i nabetangan it mga apustul, masagyang-masagya sirang gimnaring duꞌun it Sanedrin ngayti, ka binggayan sirat Ampuꞌang Diyus it galang, ka piyalabay ya sira it kaꞌeꞌyaꞌan sabap it pakilagpit nirat ki Jesus.

2 Corinto 6:10

Talagang kasesmekan na nga buwat, takaꞌ daꞌga magꞌuꞌunay i kasagyaan namen? Subuk makuriꞌ kami na nga makuriꞌ temed dakel i magkapamanggad namen it kamanggadan nga egay kaꞌawaꞌan. Situt banwa egay sadili nameng kusas takaꞌ ipiyasiguru nat amen i muꞌsang kagayenan nga duꞌut langit.

2 Tesalonica 2:16

Ipagpanalangin namen nga sana tabangen kamu nga pirmi it Ampuꞌan tami nga si Jesu-Cristo baw Amaꞌ tami nga Ampuꞌang Diyus. Dakulay raras ya it aten, baw kat dangan ya it aten, binggayan ya kita it ipagkasagya it nakem nga ega magꞌugad-ugad seked it kaꞌnu-kaꞌnu baw nakaꞌunay nga kasiguruwan it kagayenan kat pagdadarapaꞌen.

Hebreo 10:34

Ega iniꞌlaman mi nga tabangen i in siyu it imyu i pagpipirisuun, baw iyan nga nalabayan mi nga inagaw i mga kusas mi masasagya kamu ga. Sabap urut mi na nga subraꞌ paꞌ nga magayen baw magpaneꞌteꞌ i kamanggadan nga magꞌaꞌareg it imyu kat pagdadarapaꞌen.

Hebreo 6:18

Basta simnanggup i Ampuꞌang Diyus baw nanumpa paꞌ kanya, talagang siguradu i pagtuman ka ega mapakay nga mambut kanya. Aypaꞌ piyasagya nang banar i nakem tami, kita nga nagpaꞌimbeng duꞌut kanya, isaꞌun inawaren tat nakaꞌunay nga inawar i kagayenang isiyanggup ya.

1 Pedro 1:8

Sabagay ega talaga naltegan mi si Jesu-Cristo ngaytu. Temed lamang ega naltegan mi, pagmaꞌalen mi na kanya. Baw pagpamayaꞌnen mi gasiꞌ, maski ega magkaltegan mi kanya. Aypaꞌ ka maski kayti paꞌ ngaytu, ega na masugid i ega basta-bastang kasagyaan kat nakem mi.