Juan 16:21 - Tagbanwa

²¹ Daꞌga baꞌ, in pagbusgan nay magbebteng, talagang ega na magaye-gayen i pikir ya, sabap naꞌbut nay uras nga maglabay i bilug ya it kakuriꞌan? Temed pagkapanganak ya, subuk nalipatan ya nay kakuriꞌan ya ngaytu. Masagya siꞌ kanya sabap duꞌut waꞌwaꞌ ngayti nga ipiyanganak ya.

Juan 16:21 Iomraidhean Croise

Genesis 3:16

Bawnga siyarunga ya siꞌ i babay ngayti baw inaat ya, “Padaklen kuy kakuriꞌan mut magpanganak. Kada manganak ka, rumuruꞌ kat dakulang sakit. Takaꞌ maski atkayan, dakulaꞌ nagay kayli mut asawa mu, baw pagsasakpen ya ikaw nga kanya i pagbayaꞌen mu.”

Galacia 4:27

Subung tut magsusurat ngayan duꞌun it kasuratan nga magꞌaat, “Sumagya ka, ikaw nga ega magpanganak nga babay. Ikaw nga ega nakalabay it panganak it maski kaꞌsa, ipaggaꞌu-gaꞌuy mu na i kasagyaan mu. Sabap maski piyablagan ka it asawa mu, subraꞌ pang dumakel i anak mu, subraꞌ paꞌ it kanya nga ega piyablagan it asawa ya.”

1 Tesalonica 5:3

Ka iyan nga aldaw, maamaatan yay kadakel, “Bilaꞌ, maꞌimbeng baytu kayti! Egaytuy kaꞌaribugaran ta.” Temed yay kalgan nira, abutun sira it ega basta-bastang kakuriꞌan. Talagang maski munu-unu sira, ega talagay mapalagyuwan nira, ka abutun sira nga subuk babay nga magbebteng nga biglang sintiꞌen yay saꞌgid.