Juan 16:2 - Tagbanwa

² Siguradu yang awaꞌen i pagkaJudio mi. Mabut i timpu nga in siyu-siyuy mimatay it imyu, kat pasepsep ya, tanud ya magayeng ipagsirbi duꞌun it Ampuꞌang Diyus i pagbuwaten ya ngayti.

Juan 16:2 Iomraidhean Croise

Mateo 10:28

Ayaw kamut iꞌlam it taw nga magꞌimatay it bilug, temed ega magkaꞌimatay it kiyarurwa. Iyan talagay iꞌlaman mi, Ampuꞌang Diyus, nga kanya i magkaranggaꞌ it kiyarurwa baw bilug duꞌun it apuy nga ega magpamu-pamugdaw.

Mateo 24:9

Talagang isgan kamu it kadakel sabap it pamayaꞌ mit aken. Idimanda kamu isaꞌun mapakuriꞌan baw maꞌimatay.

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 12:42

Takaꞌ maski atkayti na, maski mga pagbayaꞌen it mga Judio, dakel na nga namayaꞌ it ki Jesus ngayti. Temed pataguꞌ-taguꞌ lamang i pamayaꞌ nira, ega pagꞌaminen nira, ka magpaꞌelak sirat mga Pariseo, ka barang awaꞌen sira duꞌun it papagsambaan, nga ega na uyut it pagkaJudio.

Juan 16:25

Iyan mga itu ngaytu, ipiyagꞌaat kut imyu it paꞌalimbawa lamang. Temed mabut i timpu nga ega na atkaytuy pakisugi-sugid kut imyu. Raparan na nga isugid kut imyu i pasar it Amaꞌ.

Juan 16:32

Temed ta, mabut yan i uras, kayti na ngaytu, nga matari-tariwanak kamu. Manganya-kanya kamu nayan it uliꞌ duꞌut kanyang pagꞌiꞌistaran. Tananan mi nayan aku. Takaꞌ ega naga yan kaꞌesa-esa aku ka iba ku nagay Amaꞌ ku.

Juan 4:21

Tiyubag kanya ni Jesus, maat ya, “Sana Edeꞌ, pamayaꞌnen muy iꞌaat ku ngaytu. Magꞌaꞌabut nay timpu nga sambaen mi i Diyus Amaꞌ it ega lamang situt mungsuꞌ ngaytu u duꞌun it Jerusalem.

Juan 4:23

Temed magꞌaꞌabut nay timpu, kayti na ngaytu, nga iyan mga maratuudan i pagsamba nirat Diyus Amaꞌ, sumamba na sirat tingled i nakem baw uyun kat kamatuudan nga garing duꞌut kanya, sabap itu talagay kaꞌirgan it Amaꞌ kat mga magsamba it kanya.

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Juan 9:34

Kaꞌampang siꞌ i mga Pariseo ngayti, maat nira, “Ipiyanganak ka nga makasalaꞌan nga banar. Kayti ikaw pay manulduꞌ it amen!” Pagkaꞌampang nira kayti, inimugaw na nira.

Mga Binwat 5:33

Ta, pagkagneg it mga pagbayaꞌen ngayti, timnalaluꞌ nga banar i iseg nira. Ireg nira nang pangimatayen i mga apustul ngayti.

Mga Binwat 7:56

“Aruy”, maat ya, “letganan mi ti! Magkaltegan ku, inabri i langit. Waytiꞌen magtitindeg duꞌun it iwanan nga ayun it Diyus Amaꞌ si Jesus ngayting taga langit nga ipiyanganak it taw!”

1 Corinto 4:13

Malulway nga mga sugi-sugid i ipagbeles namen it iyan mga magpanranggaꞌ it amen. Talagang seked kayti, kabetangan namen, subung it basura nga ipagbuntal nga pagsigniꞌan na it katataawan.

Filipos 3:6

Ka kamatuudan, kat keseg it pagsunud ku it rilihiyun nameng mga Judio, tagnaꞌ pagtiꞌsen ku nga banar i mga magpamayaꞌ it Ampuꞌan. Ta in kat kasunud it mga urdin ni Moises, ega talagay magkaꞌiway it aken.

Mga Ipiyalteg 6:9

Bawnga ikalima siꞌ ngayti nga papaꞌnget i iniriꞌ it paꞌaaten ngayting Uꞌuybun It Tupa. Sakaliꞌ nga naltegan ku duꞌun it sirib it papangantengan i mga kiyarurwa it iyan mga inimatay sabap it pamatuud nira it ampang it Ampuꞌang Diyus baw panindeg nirat kamatuudan ya ngaytu.

Mga Pagbayaꞌen 6:30

Egay beken, inaduꞌun nira si Joas. Pagꞌabut nira maat nira, “Ipaliꞌwan mu sinit amen i anak mu nga si Gedeon ka imatayen namen, ka riyanggaꞌ ya i papagsambaan it ki Baal baw piyukan ya pay piyakaꞌarigi nga ladawan ni Astarot nga kaꞌumid ya.”