Juan 16:17 - Tagbanwa

¹⁷ Mamagreteng-reteng i beken nga mga alagad ya ngayti. Maat nira, “Unu bay pagꞌaaten ya ngaytu? Unuka inaat ya nga, ‘Dekeyeꞌ mana nga timpu, ega na maltegan mi aku, bawnga dekeyeꞌ siꞌ nga timpu maltegan siꞌ it sumaꞌup’? Baw maat ya gasiꞌ ngayan, ‘Sabap muliꞌ aku na duꞌut Amaꞌ.’”

Juan 16:17 Iomraidhean Croise

Marcos 9:10

Siyunud it mga alagad i ipiyagbenge-bengel ngaytit kanira, temed yay buwat nirang tulu, ingku-ingkutun in unuy kaꞌulugan it paꞌaaten ya ngayting pagꞌegen it paꞌuliꞌ.

Marcos 9:32

Ega nasepsepan it mga alagad i kaꞌulugan it inaat ngayti ni Jesus, temed daꞌsira miningkut ka mamagꞌaliꞌ.

Lucas 18:34

Temed iti nga mga inampang ni Jesus, ega nasepsepan it mga alagad ya ngayti ka subuk ipagtaguꞌ paꞌ it kanira i pagpaꞌulugan. Talagang daꞌsira tiyaꞌseb in unuy paꞌaaten ya kayti.

Lucas 9:45

Temed ega nasepsepan it mga alagad i kaꞌulugan it inaat ngayti ni Jesus, sabap subuk ipagtaguꞌ paꞌ it kanira. Magpangangaliꞌ gasiꞌ sira mingkut it kanya it in unuy ireg sugiden kayti.

Juan 12:16

Egaytu nasepsepan nga lagi it mga alagad ngayti ni Jesus nga pagtuman it magsusurat ngayti i itiꞌen. Temed pagꞌegen ni Jesus it paꞌuliꞌ, yapay kasepsep nirat iti nga magbebtang duꞌut kasuratan, nga palan egay beken nga pagpaꞌiguꞌan, kanya na ngayti, baw nagꞌabut nga muꞌsa it kanya.

Juan 14:22

Iningkut kanya ni Judas (ega si Judas Iscariote ngayti), “Ampuꞌan,” maat ya, “unuka kami lamang i pakilalaan mung banar? Unuka ega kapuꞌsaan it taw situt banwa?”

Juan 14:5

Pagkagneg ni Tomas, miningkut, “Ampuꞌan, ega magkaꞌrutan namen in ari paꞌaduꞌunan mu. Magꞌuꞌunu maꞌrutan namen i dalan?”

Juan 16:1

Mga bagay ngaytung ituꞌun, ipagsugid kuytung lagi it imyu isaꞌun ega subuk makakleb kamu it mga mabetangan mi, nga kumurang i pamayaꞌ mit aken.

Juan 16:16

“Dekeyeꞌ mana nga timpu,” maat paꞌ ni Jesus, “ega na maltegan mi aku. Magtaꞌlib siꞌ i dekeyeꞌ nga timpu, maltegan mi siꞌ akut sumaꞌup.”

Juan 16:18

Sigi nga reteng-reteng nira nga magꞌaat, “Unuytuy ireg sugiden it dekeyeꞌ manang timpu? Ega magkasepsepan taytu.”

Juan 16:19

Namuyaan ni Jesus nga kuꞌingkut sirat kanya, aypaꞌ inaat ya sira, “Subung it magꞌingku-ingkutun kamu sabap duꞌut inaat ku ngayti nga dekeyeꞌ manang timpu daꞌku na maltegan mi, baw magtaꞌlib gasiꞌ i dekeyeng timpu, maltegan mi siꞌ akut sumaꞌup.

Juan 16:5

Inaat paꞌ ni Jesus, “Kayti, muliꞌ aku na duꞌun it nagtaꞌeg it aken, temed egay maski esat imyu nga magꞌingkut sabap it uliꞌan ku ngaytu.