Juan 16:13 - Tagbanwa

¹³ Temed pagꞌabut it Espiritu Santo ngaytung Manigpaꞌrut it kamatuudan, kanya i tumabang it imyu isaꞌun masepsepan mi nga banar i muꞌsa nga kamatuudan. Ega yan manadili kanyat mampang, in daꞌga yay isugid yat imyu, in unuy magkagnegan ya duꞌun it Amaꞌ. Baw ipaꞌyag ya gasiꞌ it imyu i mga bagay nga magꞌaꞌabut.

Juan 16:13 Iomraidhean Croise

Isaias 11:2

Pasarum duꞌun it kanya i Espiritu Santo it AMPUꞌANG DIYUS, nga yay tumaban it kanya it kasepsep it muꞌsang bagay. Kat keseg gasiꞌ it Espiritu Santo ngaytu, kumaꞌrut kanya nga banar, paꞌiguꞌ-iguꞌ kanya it magayen, baw magmaꞌiseg i nakem ya kat pagsarunga it katengdanan ya it may kamatuudan nga galang nga may iꞌlam ya it AMPUꞌANG DIYUS.

Joel 2:28

“Mabut i aldaw,” maat it AMPUꞌANG DIYUS, “nga ildawan ku nay muꞌsang taw, nga masaruman na sira it Espiritu Santo ku. Bawnga kat panakem yat kanira, mampang i mga anak mi, babay, lalaki, it ipagpaꞌrut ku it katataawan. May ipanakem kut magugurang mi nga tagaynepen nirat magꞌigaꞌ. Baw iyan mangaꞌwaꞌen mi, may ipanakem kut kanira nga, lamang magsusulag, subung it pagtagaynepen nira.

Juan 12:49

Sabap egay pagꞌampangen ku nga pagsadiliyen ku lamang, in daꞌga iyan Amaꞌ nga nagtaꞌeg it aken it paꞌasitu, iyan i magꞌaat in unuy ampangen ku baw ipaꞌyag ku.

Juan 14:17

Espiritu Santo i paꞌaaten ku ngaytu. Kanya i manigpaꞌrut it imyu it kamatuudan. Iyan kadaklan nga ega magpamayaꞌ it aken, ega makanira i tabang it Espiritu Santo ngaytu, ka ega pagkilalaen nira baw egay kasepsep nira pasar it kanya. Temed kilala mit imyu, ka magpatepad-tepad nat imyu baw mabut i aldaw nga pasarum na kanya asat bilug mi.

Juan 14:26

Temed iyan Manigtabang ngayting Espiritu Santo nga taꞌgen it Amaꞌ nga bilang gumanti it aken, kanya nay paꞌyag it imyu it muꞌsang mga bagay baw pademdem it imyu it muꞌsang inaat ku.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 15:26

Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 16:12

May beken paꞌ sana nga ipagkusugid kut imyu, temed it pagsesmeken kamu, ega paꞌ kaya mi nga sepsepen kayti.

Juan 3:32

Lamang ipagpamatuud ya nay mga naltegan baw nagnegan ya, subuk egay magpamayaꞌ it ipagpamatuud ya ngaytu.

Juan 8:38

Ipagsugid ku i mga naltegan ku duꞌut Amaꞌ ku. Atkayan nagay imyu, pagbuwaten mi i in unu-unu nga nagnegan mi duꞌut amaꞌ mi.”

Mga Binwat 11:28

Kaꞌsang aldaw nga tingped i mga magpamayaꞌ duꞌun, timnindeg i sang kataawan ngayting prupitaꞌ nga pagpangaranat ki Agabo. Kat panakem it Espiritu Santo isiyugid ya nga mabut it muꞌsang banwa i dakulang getem. (Miyabut tu nga matuud it iyan si Claudio pay Impiradur.)

Mga Binwat 20:23

Iyan lamang i magkaꞌrutan ku, iyan ipiyamatuud it Espiritu Santo it aken kat kada siyudad nga naꞌbut ku, nga magꞌelat it aken i pirisuwan baw beken pang kakuriꞌan.

Mga Binwat 27:24

Maat i inaat it anghil ngayti, ‘Ayaw kat iꞌlam, Pablo, ka kaꞌilangan nga makaꞌadap ka nagat Impiradur duꞌun it Roma, aypaꞌ daꞌka maꞌilang. Baw tiyubag gasiꞌ i panalangin mu nga, mga kaꞌibaan mut magsasakay, egay maꞌilang nga maski siyut kanira.’

2 Tesalonica 2:12

Ipabetang na sirat atkaytu ka nakasiguru nay panriga kat muꞌsa nga, imbis nga pamayaꞌnen niray kamatuudan, karaꞌe-raꞌetan gay kiyayliyan.

2 Tesalonica 2:3

Asi-asi paꞌ it imyu, maski unuy ipagpaliꞌwan nira, inturun mi nga daꞌkamu mateꞌag-teꞌag. Ka yay matuud, ega basta-basta matuman i pamaꞌuliꞌ ngaytu it Ampuꞌan in ega paꞌ naꞌbut nga, Ampuꞌang Diyus, kuntraꞌen nat katataawan it kamatuudan nga pakikuntraꞌ, baw mandungwat na i magngangaran it Gimpuꞌun it Kasutilan, nga pagꞌaꞌargan na nga lagi it Ampuꞌang Diyus it panriga nga egay kaskedan.

Hebreo 1:1

Iyan timpu paꞌ it mga kagiyaringanan tami, iyan mga kusugiden it Ampuꞌang Diyus it kanira, ipiyaꞌampang yat mga prupitaꞌ kat belag-belag nga timpu baw belag-belag gasiꞌ nga pabetang-betang ya.

1 Juan 2:20

Temed kamu, inildawan kamu na nga pagsasaruman kamu nat Espiritu Santo. Aypaꞌ ka magkatantuwan mi na i kamatuudan.

1 Juan 2:27

Temed kamu, piyapasaruman kamu na ni Cristo it Espiritu Santo. Aypaꞌ it may magsasarum na asat imyu nga Espiritu Santo ngaytu, ega na kaꞌilangan nga tulduꞌan kamu pat beken pasar it in unuy kamatuudan. Ka kanya na ngayan i magtulduꞌ it imyu it muꞌsang bagay, baw egay tulduꞌ ya nga daꞌga matuud. Aypaꞌ sunudun mi i tulduꞌ ngaytu it Espiritu Santo, baw teꞌteꞌan mi si Jesu-Cristo.

1 Juan 4:6

Temed kita, sakep ta nat Ampuꞌang Diyus. Baw in siyuy magkilala it Ampuꞌang Diyus, iyan i magpagneg it aten. Iyan ega sakep it Ampuꞌang Diyus, ega magpagneg kanyat aten. Sikayan ta maꞌrutan i kamatuudang ampang nga garing duꞌun it Espiritu Santo baw kaꞌambutang ampang nga garing duꞌun it ki Satanas.

1 Juan 5:6

Si Jesu-Cristo ngaytu, kanyay limnampud situt denaꞌ. Biyawtis kanya duꞌun it danum. Ipiyaturuꞌ i duguꞌ ya kat kamataynen ya. Talagang ega lamang desang nagpabawtis kanya duꞌun it danum, in daꞌga ipiyaturuꞌ ya naga gasiꞌ i duguꞌ ya. Baw yay magpamatuud kaytu, Espiritu Santo, sabap purus kamatuudan i ipagpaliꞌwan it Espiritu Santo ngaytu.

Mga Ipiyalteg 1:1

Itung mga magsusurat nga magbebtang situt kasuratan ngaytu, mga bagay nga ipiyaꞌrut it Ampuꞌang Diyus it ki Jesu-Cristo pasar it ipiyabetang-betang nga mabut asat pagdadarapaꞌen, ka ipalteg ya nat mga magsirbi it kanya. Muꞌsa ngaytu ipiyalteg nga matuud ni Jesu-Cristo it ki Juan nga manigsirbi ya, ka may tiyaꞌeg yang anghil ya nga palteg kaytu.

Mga Ipiyalteg 1:19

Aypaꞌ isurat muy mga bagay nga naltegan mu na baw mga bagay nga maltegan mu paꞌ, nga pagpaꞌulugan it muꞌsa ngaytu, mga nagꞌabut na kayti baw iyan mga magꞌabut paꞌ asan it pagdadarapaꞌen.