Juan 16:1 - Tagbanwa

¹ Mga bagay ngaytung ituꞌun, ipagsugid kuytung lagi it imyu isaꞌun ega subuk makakleb kamu it mga mabetangan mi, nga kumurang i pamayaꞌ mit aken.

Juan 16:1 Iomraidhean Croise

Mateo 11:6

Talagang magkasagya nga banar i taw nga ega magduwa-duway pikir sabap it aken.”

Mateo 13:21

Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. In abutun it kakuriꞌan u pakuriꞌan sira sabap it pamayaꞌ nira ngaytut ampang it Ampuꞌang Diyus, mangindiꞌ sira nga lagi.

Mateo 13:57

Talagang ega pagkilalaen nira kanya. Aypaꞌ ka maat ni Jesus it kanira, “Iyan prupitaꞌ, paggalangen baw pagꞌistimaren kanyat magayen maski ari kanya, puyra kat sadili ya nga lansangan baw kat sadili yang pamalay-balay.”

Mateo 24:10

Kat timpu ngayan, dakel nayan nga mangindiꞌ it pamayaꞌ nirat aken baw mamagkuntra-kuntraꞌen na. Ilangen nat esa may esa i masigkataw ya.

Juan 15:11

Ipiyagsugid kut imyu i itu nga mga bagay isaꞌun mabagiꞌan kamu it magꞌuꞌunay nga kasagyaan ku, baw sumagya kamut kasagyaan nga egay kakurangan.

Juan 16:4

Ipagsugid ku naytung lagit imyu isaꞌun pagꞌabut it timpu nga buwaten nira na, mademdeman mi nga nakasugid ku nang lagit imyu. Kaꞌlay ngaytu, ega paytu ipagsugi-sugid kut imyu i itu nga mga bagay, ka kaꞌiba-iba mi paꞌ aku.”

Roma 14:21

Aypaꞌ magayen, ayaw ka na lamang it kaꞌen it alimbawa karniꞌ, u beteꞌ minum it irimnun, u maski baꞌ unu nga buwat nga ipagkasalaꞌan it sulsug mu kat pamayaꞌ.

Filipos 1:10

isaꞌun magkatantuwan mi in unuy magayen baw daꞌga, nga iyan i piliꞌen mi nga pirmi, purus magayen. Ta daꞌga in atkayan, pagpaꞌuliꞌ ni Cristo, limpiyuꞌ kamu kat panleteg ya nga egay maski unu nga maꞌiway ya?

1 Pedro 2:8

Baw natuman gasiꞌ i inaat nga, kabilangan ya, “Subuk batu nga pirming magkasampukan baw kakekleban it mga taw.” Magkasampuk sira ka iyan i ipiyabetang-betang it Ampuꞌang Diyus, sabap it daꞌsira magpamayaꞌ it ampang ya ngaytu nga Magayeng Baritaꞌ.