Juan 15:4 - Tagbanwa

⁴ Teꞌteꞌan mi aku. Teꞌteꞌan ku naga kamu. Ka ega magkabwaꞌ i sanga it esa-esa ya lamang in daꞌga magpupꞌun duꞌun it begtek. Kamu, atkayan naga. Daꞌkamu magtarubwaꞌ in daꞌga maneꞌteꞌ kamu situt aken.

Juan 15:4 Iomraidhean Croise

Mateo 12:33

Simpri ipabetang mi nga magayen nga kayu in magayen i buwaꞌ ya, maraꞌe-raꞌet in maraꞌe-raꞌet i buwaꞌ ya. Sabap daꞌga baꞌ kat buwaꞌ magkakilalaan in magayen u daꞌga?

Lucas 8:15

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Juan 14:20

Maꞌrutan mi yan it iyang aldaw nga aku baw Amaꞌ ku, sang kagina-ginawaan kami, baw aku baw kamu, ega nay beblagan tami.

Juan 17:23

nga aku baw sira, ega nay beblagan sabap it pasarum duꞌut kanira nga Espiritu Santo, ka ikaw baw aku, sang kagina-ginawaan ta lamang. Sana buwaten mu sira nga magꞌuyun-uyunun nga banar, ka sikaytu makilalaan it mga katataawan ngayni nga ikaw i nagtaꞌeg it aken, baw sira pagmaꞌalen mu, subung gasiꞌ it pagmaꞌal mut aken.

Juan 6:56

Iyan magkaꞌen it isi ku baw magꞌinum it duguꞌ ku, kabilangan ya, sang kabilu-bilugan kami na.

Juan 8:31

Inaat ni Jesus i mga Judio ngayti nga namayaꞌ it kanya, “In pasigi pagsunud mit mga ipagtulduꞌ ku ngaytu, yay matuud, alagad ku nayan kamu.

Mga Binwat 11:23

Pagꞌabut ya duꞌun, natantuwan ya i kadakulat ildaw it Ampuꞌang Diyus kat mga taw ngayti. Aypaꞌ ka masagya kanyang banar. Bawnga tiyulduꞌan ya sira nga kaꞌilangan teꞌteꞌan nira i Ampuꞌan it tingled i nakem.

Mga Binwat 14:22

Duꞌut kada rugar ngayti, pagpaksegen nira i nakem it mga magpamayaꞌ baw ipagbenge-bengel nirat kanira nga, sana, teꞌteꞌan i pamayaꞌ nirat Ampuꞌan maski pakuriꞌan. “Ka simpri,” maat nira, “kaꞌilangan, dakel i malabayan ta nga kakuriꞌan parabir mabut tami duꞌun it kaꞌadiꞌan it Ampuꞌang Diyus nga duꞌun it langit.”

2 Corinto 13:5

Magayen, paruriyen mi i sadili mi, in kamatuudan i pamayaꞌ mi it ki Cristo. Tanudun mi kat sadili mi. Unu, ega magkatanudan mi nga tiyakenaꞌan kamu na ni Cristo Jesus, magpuyra lamang in daꞌkamu paꞌ namayaꞌ it kamatuudan?

Galacia 2:20

Ta kayti, maski egen aku paꞌ ngaytu, pagkilalaen ku nga subung it ega na akuy egen in daꞌga si Cristo na i egen kat bilug ku. Ka ega na aken nga kaꞌirgan i pagsunudun ku, in daꞌga kaꞌirgan ya na. Aypaꞌ mintras situ aku pat banwa, magpangaꞌgenan aku kat keseg it pamayaꞌ baw pagsarig ku it kanya nga Anak it Ampuꞌang Diyus, kanya nga nagpagtas it ginawa ya kat kadakulat raras ya it aken.

Efeso 3:17

Baw gasiꞌ nga, sabap it pagsarig baw pamayaꞌ mi ngaytu, manakenaꞌ si Cristo asan it nakem mi. Ipagpanalangin ku gasiꞌ nga subuk maggagamut baw magrurugsuk i kararas baw pagmaꞌal mi,

Filipos 1:11

Baw mamuyaan kat pangaꞌgenan mi nga mataldeng i adat mi, kat ikabantug it Ampuꞌang Diyus. Temed kagayen ngaytu it adat mi, mapakay lamang tu kat tabang ni Jesu-Cristo.

Colosas 1:23

Temed gasiꞌ, kaꞌilangan nga maneꞌteꞌ kamu kat pamayaꞌ mi isaꞌun mapaꞌgen baw magꞌuꞌunay talaga, nga ega magꞌugad it maski sang dekeyeꞌ i kasiguruwan mi it tumbas nga ipagsanggup it Magayeng Baritaꞌ. Magayeng Baritaꞌ ngaytu, yanagay ipiyangadal asat imyu it tagnaꞌ, baw kayti ipiyangadal gasiꞌ kat belag-belag nga bangsa it taw situt sinirungat langit. Kat pabetang-betang it Ampuꞌan binwat ya aku, aku nga si Pablo, nga esang manigsirbi ya kat pangadal it ituꞌun ngaytu.

Colosas 1:27

Ituy tagu-taguꞌ nga pabetang-betang nga ipiyaꞌrut ya na, nga mga bangsa it taw nga ega Judio i maꞌildawan ya it daꞌna masugid nga kagayenan. Eeꞌ baꞌ, mapakay na nga kamu na i pagtatakenaꞌan na ni Cristo, nga ituy puꞌun-sabap it kasiguruwan mi it kagayenang tumbas kat pagdadarapaꞌen.

Colosas 2:6

Ta kayti it tiyanggap mi na nga Ampuꞌan mi na si Cristo Jesus, kaꞌilangan mangaꞌgenan kamu uyun kat pangaꞌgenan it mga taw nga maglalagpit nat kanya.

1 Tesalonica 3:5

Aypaꞌ ka, iyan daꞌku na magkabaraꞌan, piyapanaw ku si Timoteo nga paꞌasan it imyu, isaꞌun masiguru ku nga banar in maꞌunu nay pamayaꞌ mi kayti. Abaa, magregen aku baꞌ ka barang narayak kamu nat manigpaneꞌag-teꞌag nga si Satanas. Ka in beteꞌ atkayan na, daꞌga limiꞌwan nga salaud nay paꞌres namen ngayan asat imyu?

Hebreo 10:39

Temed kita, ega uyut duꞌut mga magpangindiꞌ ngayti nga maꞌilang kat pagdadarapaꞌen, ka aten, teꞌteꞌ i pamayaꞌ baw pagsarig tat Ampuꞌang Diyus. Aypaꞌ, kita, maribri ta talagay aten.

1 Juan 2:6

Aypaꞌ iyan magꞌaat nga, “Pagteꞌteꞌan ku na si Jesu-Cristo, nga talagang maglalagpit aku nat kanya,” kaꞌilangan mangaꞌgenan kanya it subuk pangaꞌgenan ni Jesu-Cristo ngaytu, iyan situ paꞌ kanyat sinirungat langit.

2 Juan 1:9

Iyan ega magpaneꞌteꞌ kat panulduꞌ ni Cristo, ka magpasaꞌli ga, talagang alaid kanya duꞌun it Ampuꞌang Diyus. Takaꞌ in siyu-siyuy magpaneꞌteꞌ kat panulduꞌ ngaytu ni Cristo, talagang pagteꞌteꞌan kanya it Diyus Amaꞌ baw Anak.