Juan 15:27 - Tagbanwa

²⁷ Baw kamu, kaꞌilangan nga ipamatuud mi gasiꞌ aku, sabap garing it pagpapuꞌun it buwat ku ngaytu nga magpangadal, kaꞌiba-iba ku na kamu.

Juan 15:27 Iomraidhean Croise

Marcos 1:1

Itu, magsugid tu it Magayen nga Baritaꞌ pasar it ki Jesu-Cristo, nga kanya i Anak it Ampuꞌang Diyus.

Lucas 24:48

Kamu na i pamatuud it itu nga mga bagay, sabap nagpasar tu nga muꞌsa kat mata mi.

Juan 19:35

Iyan nakalteg kaytu i magpamatuud isaꞌun mamayaꞌ kamung banar. Matuud tuy ipagpamatuud ya ngaytu. Talagang magkaꞌrutan ya nga kamatuudan i ipagsugid ya ngaytu.

Juan 21:24

Ta, itu nagang alagad nga dimnasun ngaytit kana Jesus duwa ni Pedro, magpamatuud kanya it muꞌsa ngaytu pasar it ki Jesus. Kanya naga gasiꞌ i simnurat it mga itu ngaytu. Talagang magkaꞌrutan namen nga matuud tuy ipagpamatuud ya ngaytu.

Mga Binwat 1:8

Temed yay matuud, pagpasarum it Espiritu Santo kat bilug mi, maꞌimyu nay ega basta-bastang kakayaan. Baw pamatuud kamu na sabap it aken, ega lamang situt Jerusalem in daꞌga duꞌun it muꞌsang rugar nga sakep it Judea baw Samaria, baw kat paꞌari-aring rugar nga situt sinirungat langit.”

Mga Binwat 13:31

Kamatuudan, seledat pira-pirang aldaw, pirmi kanya nga magpakikita it mga magbaya-bayaꞌ it kanya, sira nga miyayaꞌ it kanya garing duꞌun it Galilea seked duꞌun it Jerusalem. Ta, sira na ngaytu i magpamatuud kat kadakel pasar it kanya.

Mga Binwat 18:5

Bawnga iyan namagꞌabut nay itinggun ya ngayting na Silas, duwa ni Timoteo, nga ipiyagtuduꞌ ya duꞌun it Macedonia, siyarunga ya nang banar i panulduꞌ it ampang it Ampuꞌang Diyus. Ipagpamatuud yat mga Judio duꞌun nga si Jesus talagay Cristo ngayting Manriribring Adiꞌ nga isiyanggup it Ampuꞌang Diyus.

Mga Binwat 23:11

Pagdelem nagpakikita it ki Pablo ngayti i Ampuꞌan ka miyaat it kanya, “Pakalalaki ka, ka in magꞌuꞌunuy nagpamatuud ka pasar it aken situt Jerusalem, atkayan naga i kaꞌilangan nga buwaten mu duꞌun it Roma.”

Mga Binwat 3:15

Baliswaꞌ talagay binwat mi ka, si Jesus ngayti, kanya i puꞌun it kaꞌgenan ta, temed kamataynen i itiyumbas mit kanya. Takaꞌ inggen kanyat Ampuꞌang Diyus it paꞌuliꞌ, baw magpamatuud kami kaytu, ka pagkaꞌgen ya ngaytit paꞌuliꞌ, nakitaan namen naga kanya.

Mga Binwat 4:20

Kami ngaytu, maꞌyag it amen in ari kaꞌilangan nameng buwaten, ka ega mapakay nga ega ipanuturan namen i kumpur naltegan nameng binwat ni Jesus baw muꞌsang ipiyanulduꞌ yat amen.”

Mga Binwat 4:33

Baw mga apustul ngayti, kat keseg it ega basta-bastang kakayaan nga ipiyagꞌildaw it kanira, magpasiging ipagpamatuud niray pagꞌegen ngaytit paꞌuliꞌ it Ampuꞌan nga si Jesus. Baw puꞌsa sira ngayti nga magpamayaꞌ, talagang pagꞌildawan sirang muꞌsa it Ampuꞌang Diyus nga pagtabangen ya sira.

1 Pedro 5:1

Ta kayti, kamu nga mga magpamaalaꞌ it mga magpamayaꞌ asan it imyung rugar, may ireg ku nga sugiden it imyu. Ka aku, esa gasing manigpamaalaꞌ, baw manigpamatuud sabap it mga kakuriꞌan nga nalabayan ni Cristo nga nagpasar kat mata ku. Esa aku nagang may kaꞌuyutan it kagayenan ya nga ipatanyag ya kat pagdadarapaꞌen.

1 Pedro 5:12

Kat tabang ni Silas nakasurat kuy surat ku ngaytu nga pataban ku asat imyu. Si Silas ngaytu, esang sulsug tami kat pamayaꞌ nga talagang magkasarigan kung banar. Sana maski pira lamang ngaytu nga tagaꞌ i mga sugi-sugid ku kat surat ku ngaytu, ireg ku talaga nga kemseg i nakem mi kat pagsunud mit ki Cristo. Baw ipagpamatuud ku nga kamatuudan talagay muꞌsang paꞌyag ku ngaytu pasar it ildaw it Ampuꞌang Diyus. Aypaꞌ maneꞌteꞌ kamu kat ildaw ya ngaytu.

1 Juan 4:14

Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.

Mga Ipiyalteg 1:2

Talagang pamatuud tu ni Juan it muꞌsa nga naltegan ya nga ipiyalteg it kanya nga ampang it Ampuꞌang Diyus nga ipiyamatuud ni Jesu-Cristo.

Mga Ipiyalteg 1:9

Talagang aku nga si Juan, sulsug mi kat pamayaꞌ baw kaꞌibaan mi naga it pagpakuriꞌan sabap it pamayaꞌ tami it ki Jesus. Baw esa aku nagang sinakepan it kaꞌadiꞌan ya, baw kasubung mi it temeꞌteꞌ it pagsunud it ki Jesus ngaytu. Idiyuꞌlung aku duꞌun it pulaw nga pagpangaranat Patmos, ka yay ukuman it aken sabap it pangadal kut ampang it Ampuꞌang Diyus baw pamatuud kut mga bagay pasar it ki Jesus.