Juan 15:26 - Tagbanwa

²⁶ Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 15:26 Iomraidhean Croise

Lucas 24:49

Baw talagang taꞌgen ku nga paꞌasitu i Espiritu Santo nga isiyanggup it Amaꞌ ku. Temed iyan elaten mi kanya situt Jerusalem. Ayaw kamut liꞌid situ mintras ega paꞌ piyasaruman kamu, nga natanggap mi nay ega basta-bastang kakayaan nga gumaring duꞌun it Ampuꞌang Diyus nga duꞌut langit.”

Juan 14:26

Temed iyan Manigtabang ngayting Espiritu Santo nga taꞌgen it Amaꞌ nga bilang gumanti it aken, kanya nay paꞌyag it imyu it muꞌsang mga bagay baw pademdem it imyu it muꞌsang inaat ku.

Juan 16:7

Temed matuud nagaytu i ipagsugid kut imyu, nga pagliꞌid ku ngaytu, ikagayen mi naga, sabap ega paꞌasitut imyu i Manigtabang in ega limꞌid aku. Temed in magliꞌid aku, taꞌgen ku kanya nga paꞌasitut imyu.

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Mga Binwat 1:4

Kaꞌsa nga tingped i mga apustul ngayti, ipiyagꞌurdin ni Jesus nga daꞌsira daꞌan limꞌid duꞌun it Jerusalem. Maat ya, “Iyan elaten mi i isiyanggup ngayan it Amaꞌ, nga isiyugid ku ngayat imyu.

Mga Binwat 15:8

Pagkagneg nira, namagpamayaꞌ. Paribasay namuyaan it Ampuꞌang Diyus nga matuud i pamayaꞌ nira ngayti, ka magkaꞌrutan yay kat nakem it muꞌsang taw, piyapasaruman ya sira it Espiritu Santo, subung nagat binwat yat aten. Duꞌun ipiyalteg yat kadakel nga tiyanggap ya na sira ngayti.

Mga Binwat 5:32

Ta kami ngaytu, talagang magpamatuud kami nga kamatuudan i muꞌsa ngaytu. Baw magpamatuud naga i Espiritu Santo nga ipagpasarum it Ampuꞌang Diyus kat mga magsunud it kanya.”

1 Corinto 1:6

Sikayan natantuwan nga banar it nakem mi i kamatuudan ngaytu pasar it ki Cristo.

Hebreo 2:4

Pati Ampuꞌang Diyus, ipiyagpamatuud ya gasiꞌ i panulduꞌ nira kat dakel-dakel nga mga tandaꞌanan nga kalililuꞌang bagay nga ipiyabwat yat kanira, baw kat mga kakayaan gasiꞌ nga begay it Espiritu Santo kat in siyu-siyu i ireg it Ampuꞌang Diyus ngaytu.

Mga Ipiyalteg 22:1

Ipiyalteg gasit aken it anghil i magburus nga danum nga magbegay it kaꞌgenan. Talagang maliꞌgaw nga maliꞌgaw subung nat pirmirang salamin. Magtumbud ti duꞌun it araꞌdungan it Ampuꞌang Diyus baw paꞌaaten ngaytung Uꞌuybun it Tupa kat pagkaꞌadiꞌ nira.