Juan 15:25 - Tagbanwa

²⁵ Temed nagꞌabut tu isaꞌun lamang matuman i magbebtang duꞌun it kasuratan nira ngayang ampang it Ampuꞌang Diyus nga magꞌaat, ‘Pagꞌisgan nira aku maski egay binwat ku nga dapat isgan.’

Juan 15:25 Iomraidhean Croise

Mateo 10:8

Pagayenen mi i mga magsarut baw egnen mi i maski patay na. Pagayenen mi i mga babangbangen baw pangimugawun mi i mga mararaꞌe-raꞌet kat pagpapulpugun nira. Ta it tiyanggap mi i atkaytung ildaw it egay babayad, ipamgay mi gasiꞌ i tabang mi it ega kaꞌman bayadan.

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Juan 10:34

Timnubag si Jesus, “Daꞌga baꞌ magsusurat naga duꞌun it mga kaꞌurdinan mi ngayang magꞌaat, ‘Inaat ku nga mga diyus kamu.’

Juan 13:18

Inaat paꞌ ni Jesus, “Egaytu kamu nga muꞌsa i pagpaꞌiguꞌan ku it pagꞌaaten ku ngaytu nga makasagya kamu, sabap magkakilalaan ku in unu nga mga taw i mga piniliꞌ ku. Temed atkaytuytu i piniliꞌ ku ka isaꞌun matuman i magbebtang duꞌun it kasuratang ampang it Ampuꞌang Diyus nga magꞌaat, ‘Karaꞌe-raꞌetan i itiyumbas it aken it taw nga siyakep kut pangaꞌen ku.’

Juan 19:36

Nagꞌabut tuy mga itu isaꞌun nga matuman i magbebtang duꞌun it kasuratan nga magꞌaat, “Egay mabariꞌ nga maski sangbat nga tuꞌlang ya.”

Roma 3:19

Baw magkaꞌrutan ta na nga unu-unu nga pagsugiden it ampang ngaytut Ampuꞌang Diyus, ega lamang mga taw nga ega Judio i pagpaꞌiguꞌan in daꞌga mga Judio gasiꞌ, ka siray uꞌna-uꞌnang pagsasakpan it mga urdin ya. Aypaꞌ ega nay makadaꞌawa it maski siyu in mangukuman na i Ampuꞌang Diyus ngaytu. Limiꞌwan talaga nga mapakay nga betanganan ya it ukuman i muꞌsang taw.

Roma 3:24

Temed maski atkaytu na, ipagꞌildaw nat Ampuꞌang Diyus kat mga taw i kataldengan ngaytu kat panleteg ya. Ka duꞌun it kamataynen ni Cristo Jesus ipiyagribri ya na i katataawan kat panriga it Ampuꞌang Diyus sabap it mga kasalaꞌan nira.

2 Corinto 11:7

Ta, paribasay daꞌku naga nagpatangdan pagpangadal ku ngayan asan it imyu it Magayen ngaytung Baritaꞌ, barang ipagpaliꞌwan it beken nga binwat kuy atkayan sabap egay kapulusan it ipagpangadal ku. Temed ega. Nagpatimawaꞌ aku isaꞌun makabetang kamu it mataꞌas ka mga taawan nat Ampuꞌang Diyus. Ta, unu, maꞌaat nga kasalaꞌan kuytu?

Galacia 2:21

Talagang ega mabaliwalaꞌ ku i ildaw ngaytut Ampuꞌang Diyus. Ka in taw, magkaꞌawaꞌan it kasalaꞌan duꞌun it pagsunud it kaꞌurdinan, daꞌga egay kapulusan it kamataynen ngaytu ni Cristo?” Yay inaat kut kana Pedro duꞌut Antioquia.

2 Tesalonica 3:8

Ega maat pagkaꞌnen namen na lamang it ega pagbayadan i ipagbegay it amen. In daꞌga, talagang delem-aldaw magpaꞌres kami isaꞌun daꞌkami mabwat nga kasasawan it maski siyu asat imyu.

Mga Ipiyalteg 21:6

Baw maat pay beken nga inaat yat aken, “Kayti natuman naytung muꞌsa. Ka akuy uꞌna it muꞌsa baw aku naga i kat sinauryan. Aku i gimnuna it muꞌsa baw kat pudir ku i kaꞌbusan ya. In siyu nga pagbaꞌnekan, siguradu nga begayan ku kanyat danum nga egay bayad nga garing duꞌun it tumbud nga magbegay it kaꞌgenan.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.