Juan 15:24 - Tagbanwa

²⁴ In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 15:24 Iomraidhean Croise

Exodo 20:5

Kuydaw mu masalyaan it panluudan nga sambaen i mga iyan ngayan, ka aku nga AMPUꞌANG DIYUS mu, maꞌimun. Talagang rigaen ku i muꞌsa nga pablag it aken, pati mga anak nira seked it ikaꞌpat nga tungtung-inapuꞌ.

Mateo 11:5

nga magkalteg nay mga beleg, mamagkapanaw na i mga pilay, mindek nay bangbang it mga babangbangen, mamagkagneg nay mga bengel, mamagꞌegen it paꞌuliꞌ i maski patay na, baw ipagpangadal duꞌun it mga raꞌyat i Magayen ngaytu nga Baritaꞌ.

Mateo 21:32

Sabap naꞌasitu nat imyu si Juan ngayan nga magpamawtis baw ipiyatantu yat imyu i mataldeng nga pangaꞌgenan. Takaꞌ ega pagpamayaꞌnen mi kanya. Temed piyamayaꞌ kanya it mga manigpabayad ngayti it barayadan baw mga babay nga ipagpanulus i bilug. Namuyaan mi nagay namayaꞌ na sira, temed daꞌkamu namayaꞌ it panulduꞌ ya.”

Mateo 9:33

Inimugaw ni Jesus i maraꞌe-raꞌet ngayti bawnga sakaling nakaꞌampang nay buyun ngayti. Naliluꞌ i mga taw nga namagkalteg kayti. Maamaatan sira, “Talagang garing paꞌ it tagnaꞌ, egay namuyaan tami situt Israel nga atkaytu.”

Marcos 2:12

Egay beken, timnindeg na i taw ngayti, pinirisiꞌen ya na i pagliliꞌtidan ya ngayti bawnga napanaw na, nga pagleltegan it kadakel. Namagkaliluꞌ sira nga muꞌsa baw biyantug niray Ampuꞌang Diyus, ka maat nira, “Talagang ega pay namuyaan tami nga atkaytu ngaytu!”

Lucas 24:19

“Unu makang mga bagay?” maat i ingkut ni Jesus. Katubag i duwa ngayti, “Iyan baꞌ, pasar ngayan it ki Jesus nga taga Nazaret. Esa kanya nga prupitaꞌ, nga ega babasta-bastaen kat buwat baw kat pangangampangan ya kat panleteg it Ampuꞌang Diyus baw kat muꞌsang mga taw gasiꞌ.

Juan 10:32

Egay beken inaat sira ni Jesus, “Dakel nga mga magagayeng buwat nga garing duꞌut Amaꞌ nga ipagpalteg kut imyu. Ta ariyen kat mga buwat ngaytu i ega magkapakay mi, aypaꞌ ka pagkubatuun mi aku?”

Juan 10:37

In beteꞌ ega pagbuwaten kuy buwat it Amaꞌ ku, ega mi aku pamayaꞌnen.

Juan 12:10

Aypaꞌ ka pagpikiren gasiꞌ it mga pagbayaꞌen it mga sasirduti nga pati si Lazaro, imatayen.

Juan 12:45

Baw iyan magleteg it aken, magkaltegan ya nay nagtaꞌeg ngayti it aken.

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 15:21

Temed paribasay ega magkakilalaan nira i nagtaꞌeg it aken it paꞌasitu, aypaꞌ pakuriꞌan nira yan kamu sabap it pamayaꞌ mit aken.

Juan 15:22

In daꞌga naꞌasitu aku baw nangadal it kanira, egay turubagen nira sabap it pandaꞌga nirat aken. Temed kayti, ega nay makadaꞌawa nira sabap it kasalaꞌan nira ngaytu.

Juan 15:23

Iyan magꞌiseg it aken, pagꞌisgan nira gasiꞌ i Amaꞌ ku.

Juan 16:9

Itanyag ya nga kasalaꞌan nira talaga i daꞌsira magpamayaꞌ it aken.

Juan 3:2

Kaꞌsang delem nanungbalay kanya duꞌut ki Jesus. Maat ya, “Manigtulduꞌ, magkaꞌrutan namen nga esa ka nga Manigtulduꞌ nga ipiyatindeg it Ampuꞌang Diyus, sabap egay magkabwat it mga kalililuꞌang bagay nga subuk imu nga pamagbuwaten, in daꞌga pagtabangen kanyat Ampuꞌang Diyus.”

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 6:36

Temed daꞌga baꞌ inaat ku na it imyu, unu pay daꞌawa mi it naltegan mi na aku, temed it ega magpamayaꞌ kamut aken?

Juan 7:31

Temed dakel naga sira nga magpakimatuud it kanya. Maamaatan sira, “Unu sadaw, in paꞌasitu na ngayan i Cristo ngayang paꞌaaten, makabwat kanya it mga tandaꞌanan nga kalililuꞌang bagay nga subraꞌ paꞌ it magkabwat it itung taw?”

Juan 9:32

Ka garing paꞌ it amulaꞌ pay banwa, ega pay nakapagayen it beleg nga sekad ya, kayti mana.

Juan 9:41

Tiyubag sira ni Jesus, nga magꞌaat, “In beteꞌ uyut kamu nagat mga beleg ngayan, maꞌawaꞌ i kasalaꞌan mi nga ipagkaꞌukuman it imyu. Temed it paꞌaaten mi nga magkalteg kamut magayen, aypaꞌ ka asan pat imyu i kasalaꞌan mi.”

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Roma 1:30

Mga mapiyangguꞌyas na, magpakitabug nat Ampuꞌang Diyus, mapiyanregda-regda, mapiyataꞌas-taꞌas baw mapiyatuꞌgud na. Pirmi na sirang magꞌimbintu it karaꞌe-raꞌetan nga ega paꞌ nabwat it beken. Masutil sirat mga giyaringan nira,

2 Timoteo 3:4

Mapiyangilang nayan sira it masigkataw nira, ega talaga magkasabatan, mapiyasubraꞌ-subraꞌ na. Baw ta yanayan, maꞌireg sirang banar it kasasagyaan it bilug, ega na maat Ampuꞌang Diyus i pagkayliyan nira.

Santiago 4:4

Kamung mga taw, subung kamut pagꞌaꞌasawaeng babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Unu, ega magkaꞌrutan mi nga basta iyan i ragaen mi, mga bagay situt banwa ngaytu, pagkuntraꞌen mi i Ampuꞌang Diyus? Yay matuud, in siyu-siyu nga pagtemden ya nga ega kaꞌirgan it Ampuꞌang Diyus in daꞌga mga kaꞌiꞌirgan situt banwa i ragaen ya, egay beken, magkasiguru ya i sadili ya nga kakuntraꞌ it Ampuꞌang Diyus.