Juan 15:21 - Tagbanwa

²¹ Temed paribasay ega magkakilalaan nira i nagtaꞌeg it aken it paꞌasitu, aypaꞌ pakuriꞌan nira yan kamu sabap it pamayaꞌ mit aken.

Juan 15:21 Iomraidhean Croise

Mateo 10:18

Talagang sabap it pagsunud mit aken, ipaꞌadap kamu yan duꞌun it mga gubirnadur baw duꞌun it mga adiꞌ. Ta pamatuud kamu yan it Magayeng Baritaꞌ duꞌun it adapan nira baw duꞌun it mga taw nga ega Judio.

Mateo 10:22

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ i pamayaꞌ yat aken seked naꞌbut nay umur, siguradung maribri yan kanya.

Mateo 10:39

Ka iyan magraras nga banar it kaꞌgenan ya, maꞌlam nagaytu it kanya, temed iyan temeꞌteꞌ it aken maski maat ikagtas na it ginawa ya, makanya talagay kaꞌgenan nga ega basta-basta.”

Mateo 24:9

Talagang isgan kamu it kadakel sabap it pamayaꞌ mit aken. Idimanda kamu isaꞌun mapakuriꞌan baw maꞌimatay.

Mateo 5:11

Magkasagya kamu in pagsawayen kamu it beken, in pagpakuriꞌan baw pagꞌampangan kamu it muꞌsang maraꞌe-raꞌet nga pamuwat-buwat nirat imyu sabap it magpamayaꞌ baw magsarig kamu nat aken.

Marcos 13:13

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ nga pamayaꞌ seked naꞌbut nay umur, siguradung maribri yan kanya.

Lucas 21:12

Temed parabir magꞌabut i muꞌsa ngaytu, sariyen kamu yan it dakep baw pakuriꞌan kamu, nga panabanen nira duꞌun it papagsambaan ka ukumanan baw pasakitan kamu yan duꞌun, baw ipapirisu paꞌ. Baw sabap lamang it pagsunud mit aken, ipaꞌadap kamu nayan duꞌun it mga adiꞌ baw duꞌun it mga gubirnadur.

Lucas 21:17

Talagang isgan kamu it muꞌsang taw sabap it pamayaꞌ mit aken.

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 15:24

In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 16:3

Talagang buwaten niraytu sabap it ega magkakilalaan nira aku, atnagay Amaꞌ.

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

Juan 8:54

Tumubag siꞌ si Jesus, maat ya, “In sadili ku i pagbantugun ku, talagang egay kapulusan kayan. Temed iyan Amaꞌ ku, kanya naga nga pagꞌaaten mi nga Ampuꞌang Diyus mi, kanya bay magpabantug it aken.

Juan 8:55

Talagang ega magkakilalaan mi kanya. Temed aku, kilalang-kilala ku kanya. Ka in aaten ku nga ega kilala ku kanya, maꞌambut aku nga subung it imyu nga maꞌambut. Temed iyan i matuud it kilala ku kanya. Pagsunudun baw pagpanindegan ku i kumpur pagꞌaaten ya.

Mga Binwat 17:23

Ka, iyan magpanaw-panaw aku nga magpanleteg-leteg it mga tiyaw-taw nga pagsambaen mi situ, may napsagan ku nga pagsusuratan it magꞌaat, ‘Pabatuꞌ it diyus nga ega paꞌ kilala tami.’ Ta kayti, yanaytuy ipagpangadal ku ngaytut imyu, itiꞌen ngayting Diyus nga maat pagsambaen mi, lamang ega paꞌ magkakilalaan mi.

Mga Binwat 26:9

Temed tagnaꞌ, atkayan naga i aken nga magkapikir sabap it ki Jesus nga maat it beken, inggen it paꞌuliꞌ. Tanud ku magayen kat panleteg it Ampuꞌang Diyus in talagang paꞌresan kut pakikuntraꞌ i pamayaꞌ it ki Jesus ngayti nga taga Nazaret.

Mga Binwat 3:17

Ta kayti, mga kasulsugan, magkaꞌrutan ku nga ega natantuwan mi, pati mga pagbayaꞌen ta, nga in siyu talaga si Jesus, aypaꞌ ka binwat mi i karaꞌe-raꞌetan ngaytu.

Mga Binwat 4:17

Simpri ega ireg ta nga subraꞌ pang dumakel i makaꞌrut kaytu, aypaꞌ yay magayen, igpitan tami sira nga ega na salyaen nirat ipanulduꞌ kat maski siyu i pasar it ki Jesus ngayti.”

Mga Binwat 5:41

Ta it atkayti i nabetangan it mga apustul, masagyang-masagya sirang gimnaring duꞌun it Sanedrin ngayti, ka binggayan sirat Ampuꞌang Diyus it galang, ka piyalabay ya sira it kaꞌeꞌyaꞌan sabap it pakilagpit nirat ki Jesus.

Mga Binwat 9:14

Baw enged ya gasiꞌ ngaytu situt Damasco, atkayan naga. Piyaꞌintulutan kanyat mga pagbayaꞌen it sasirduti nga pandakpen yay muꞌsang magsamba baw magpanalangin asan it imu.”

Mga Binwat 9:16

Baw yay matuud, ipatantu kut kanya nga kanya siꞌ i lumabay it dakel-dakel nga kakuriꞌan sabap it pagsirbi yat aken.”

Roma 1:28

Ta, it ipiyabetang na nira nga egay kakapulusan it kamatuudan pasar it Ampuꞌang Diyus, egay beken piyabayaꞌan ya na sira kat pikiran nga maraꞌway, nga yay tumaban it kanira kat mga pagbuwaten nga purus na gasiꞌ mararaꞌway.

1 Corinto 15:34

Ipatarunus mi na i pikiran mi baw indiꞌan mi na i buwat it kasalaꞌan. Ka iyan beken asat imyu, egay kamatuudan nga pagkilala it Ampuꞌang Diyus. Ikaꞌeyaꞌ mi talagaytu.

1 Corinto 2:8

Itung mga bagay, talagang ega nasepsepan it maski siyu nga punuꞌan it banwa ngaytu. Ka in beteꞌ nasepsepan nira, simpri ega iriyansang nira duꞌut krus i mabantug nga Ampuꞌan.

2 Tesalonica 1:8

Uyut nagat pangabut ya i magdidigalang nga apuy, baw rigaen yat kamatuudan i kumpur ega magkilala it Ampuꞌang Diyus baw ega magpamayaꞌ it Magayen ngaytung Baritaꞌ pasar it Ampuꞌan tami ngaytu nga si Jesus.

1 Juan 3:1

Panawun lamang it pikiran mi in sang unuy kadakulat raras it Diyus Amaꞌ it aten. Dakulaꞌ nga banar i raras ya ngaytu, ka ipagpabetang ya na kita nga mga anak ya. Ta kayti, atkayan na nga matuud, nga mga anak tami na it Ampuꞌang Diyus. Temed ta, kadaklan it taw situt banwa, ega magkilala sira it Ampuꞌang Diyus, aypaꞌ ka simpri, ega gasiꞌ pagkilalaen nira kita nga mga inanak ya.

3 Juan 1:7

Sabap panaw nira, mangadal pasar it ki Jesu-Cristo, baw ega naga magtanggap sirat maski unu nga tabang nga begay it mga taw nga ega magpamayaꞌ it ipagpangadal nira ngaytu.

Mga Ipiyalteg 2:3

Magkaꞌrutan ku gasiꞌ nga teꞌteꞌ kamu kat pamayaꞌ baw pagsagkaꞌen mi it magayen i nakem in pagpakuriꞌan kamu sabap it pamayaꞌ mi ngaytut aken. Daꞌkamu magkaskedan.