Juan 15:2 - Tagbanwa

² Pagsapiꞌen yay kada sanga ku nga ega magbuwaꞌ, baw pagꞌawanan ya gasiꞌ i kada sanga nga magbuwaꞌ isaꞌun subraꞌ nga dumakulaꞌ i buwaꞌ it pamayaꞌ kat pangaꞌgenan ya.

Juan 15:2 Iomraidhean Croise

Mateo 13:12

Iyan magpamayaꞌ nat inadalan ya situt aken, dungagan it Ampuꞌang Diyus i kasepsep ya seked magbastanti nay magkaꞌrutan ya. Temed iyan ega magpakimatuud it nagnegan ya ngaytu, awaꞌen nat Ampuꞌang Diyus i maski iyan nga nasepsepan ya na isaꞌun egay lapusan ya.

Mateo 13:33

May beken paꞌ nga alimbawa ni Jesus, nga magꞌaat, “Iyan kaꞌadiꞌan it Ampuꞌang Diyus, subung it ipagpaꞌalsa nga iriyagiꞌ it esang babay duꞌun it dakulang arina, isaꞌun magꞌalsa it magayen i sang iꞌilutuꞌan ngayti.”

Mateo 15:13

Katubag si Jesus, maat ya, “Talagang dutdutun i kada luwak nga ega Amaꞌ ku nga duꞌut langit i liminwak.

Mateo 21:19

May naltegan ya nga sang puꞌun nga igos duꞌun it tepad it dalan. Inlep ya, temed egay naltegan ya nga mga buwaꞌ, bulun nga daꞌun. Aypaꞌ ka inaat yay igos ngayti, “Daꞌka na muwaꞌ it seked kaꞌnu-kaꞌnu.” Ta, sakaling nalaꞌun na.

Mateo 25:29

Sabap iyan magkasarigan baw mapiyaꞌres, tumbasan kanyat dungagan i kaya yat kanya. Temed iyan ega magkasarigan baw garusan, maꞌilang talaga i maski yan sang dekeyeꞌ nga kaya yang lagi.

Mateo 3:10

Ka kayti, magbebreꞌ na i kapa duꞌun it gamut it magpupꞌun nga kayu, ka kada kayu nga ega magbuwaꞌ it magayen, pukanen bawnga idaꞌpug duꞌut apuy. Ta, magꞌadeꞌdeng na nga atkayan i panriga it imyu.

Mateo 3:12

Kanya ngaytu i mukuman it mga taw. Ka subung it pagseskelen ya i aꞌawꞌaw ya, nga iꞌawꞌaw ya it kuꞌut. Bulunun ya i legas ka idawaꞌ duꞌut lagkaw. Temed iyan kuꞌut ngaytu, idaꞌpug duꞌun it apuy nga ega magpugda-pugdaw seked it kaꞌnu-kaꞌnu.”

Mateo 7:19

Ta, kada luwak nga kayu nga magsarut, nga ega magayen i buwaꞌ ya, pukanen na lamang, ka idaꞌpug na lamang duꞌun it apuy.

Marcos 4:20

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, aypaꞌ ka magbuwaꞌ i pamayaꞌ nirat kanira, nga subung it mabuburun ngaytung kuwayen nga tagtutulung puluꞌ, tagꞌeꞌenem nga puluꞌ baw tagasang gatus i legas ya.”

Lucas 8:13

Iyan beken nga subung it mabatuun nga nasaꞌbugan, mga taw nga pagkagneg nirat ampang it Ampuꞌang Diyus, pamayaꞌnen nirang lagi it masagya. Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. Pagꞌabut it sukdan, mangindiꞌ nga lagi.

Juan 15:1

Ipiyasigi naga ni Jesus i panulduꞌ yat mga alagad ya ngayti, ka tupusun ya daꞌan i ipagkusugid yat kanira. Maat ya, “Aku i matuud nga subuk puꞌun baw tangkayan it luwak nga ubas, baw iyan Amaꞌ ku, kanya i Manigꞌarigra.

Juan 15:16

Ega maat kamu i miniliꞌ it aken. Akuy miniliꞌ it imyu, baw tiyaꞌeg ku kamu nga subuk muwaꞌ kamu it mga buwaꞌ nga maneꞌteꞌ. Aypaꞌ in unuy angutun mi duꞌun it Amaꞌ kat keseg it pakilagpit mit aken, ibgay ya talaga it imyu.

Juan 15:3

Kayti maꞌawan kamu na, ka ampang ku nga panulduꞌ kut imyu i nagꞌawan.

Juan 15:6

Iyan ega maneꞌteꞌ situt aken, ibuntal na ka ipablag subuk sanga nga siyapiꞌ. Ta, yang mga sanga, in patay na, rinutun baw idaꞌpug duꞌut apuy isaꞌun maꞌanteng.

Juan 15:8

Matanyag i kabantugan it Amaꞌ ku in tarubwaꞌ baw magpanggayen i buwaꞌ it pamayaꞌ kat pangaꞌgenan mi. In atkayan, kamatuudan nga alagad ku kamu.

Juan 17:12

Mintras iba nira aku, pagtatarimaen ku sira kat keseg it guna mu nga ibinggay mut aken. Inarigraan ku sirat magayen, aypaꞌ maski esa, egay naꞌilang, puyrat iyan taw nga tiyulus yay ikaꞌilang ya, ka pagtuman lamang gasiꞌ it magbebtang duꞌun it kasuratan.

Roma 11:17

Ipasigi ku paꞌ i alimbawa ku ngaytut kayu. Iyan bangsa ngaytu nga Israel i subuk kayu nga magbuwaꞌ nga pagꞌaꞌasikasuun it Ampuꞌang Diyus. Iyan mga bangsat taw nga ega Judio i subuk kayu nga magbuwaꞌ, temed kayu kat talun. Egay nagluwak, egay magꞌasikasu. Ta, kayti, paribasay kadaklan it mga Judio, ega magkilala it kamatuudang dalan it karibriyan, dakel nang sanga it kanirang kayu i siyapak nat Ampuꞌang Diyus. Temed kamu, subuk ipiyasanga ya lamang duꞌut kayu ngayting nasapakan. Aypaꞌ nakaꞌuyut kamu nat amen nga mga Judio nga ega dimnaꞌga it ki Cristo. Ta, kabilangan ya, sang kakayu-kayuwan tami na ngaytung magbuwaꞌ nga pagꞌaꞌasikasuun it Ampuꞌang Diyus.

Roma 11:22

Sikaytu talagang matantuwan tami i kadakulat ildaw it Ampuꞌang Diyus baw kabeꞌgat gasiꞌ it pangukuman ya. Mga Judio ngayting nagpategas it kanya, nakaparag na talaga it pangukuman ya ngaytu, ka siyapak sira. Temed kamu ngaytu, naparagan mi na i kaꞌildaw ya nga egay kasbung. Talagang ipasigi yay ildaw ya ngaytut imyu in pasigi nga magayen i pasakep mit kanya. Temed in mangindiꞌ kamu, sapaken kamu nagay imyu.

Roma 8:28

Talagang magkaꞌrutan tami nga, muꞌsang mga bagay nga magkalabayan it mga may pagmaꞌal nga matuud it Ampuꞌang Diyus, pagpabaraꞌen ya nga kat ikagayen nira, sira nga ipiyapinpin ya uyun kat pabetang-betang ya.

1 Corinto 13:1

Maski na maat magkaꞌampang aku nat belag-belag nga ampang it taw situt sinirungat langit, it maski ega naꞌadalan ku, u maski ampang na it mga anghil, in talagang ega pay raras ku it masigkataw ku, iyan nga mga ampang ku, egay kapulusan. Subung na lamang it tingeg it mga sarabagen nga pagsabagen it sardak nga sabag.

Tito 2:14

Nangganti kanyat aten isaꞌun iribri ya kita kat pagsakep it karaꞌe-raꞌetan, baw isaꞌun mabwat ya kita nga limpiyuꞌ na nga naꞌawaꞌ nay kasalaꞌan tami. Binwat yaytu isaꞌun mabwat ya kita nga kanya talaga nga mga taawan, nga maꞌireg nga banar muwat it mga buwat nga magagayen.

Hebreo 12:15

Asikasuun mi i pamayaꞌ it esa may esa isaꞌun egay maski siyu it imyu nga subuk magkatuduꞌ kat ildaw ngaytu it Ampuꞌang Diyus. Ka in may atkayan, yay tumaban it kanya it mangindiꞌ. Ka kabilangan it taw nga atkaytuy buwat ya, dikut nga kaꞌiꞌilu i buwaꞌ. Ta, in pataꞌnan lamang kanya nga kemseg simpri, dakel i matindakan nga maguluy ulu nira, ka subuk maꞌilu it kaꞌiꞌilu ya.

1 Juan 2:19

Mga magpakikuntraꞌ ngaytu, maski kaꞌuyutan ta nagat tagnaꞌ, temed daꞌsira magpaꞌuyun it aten it kamatuudan nga paꞌuyun. Ka in talagang magpaꞌuyun sirat aten, simpri maneꞌteꞌ yan sirang kaꞌiba-iba ta. Temed it nagpablag sira, simpri maꞌyag nga ega na kaꞌuyutan tami i maski siyu it kanira.

Mga Ipiyalteg 3:19

Kumpur pagmaꞌalen ku, pagpadisiran ku sirat magayen. Pagsabatan kuy mga kamaliꞌ nga pagbuwaten nira baw pagtaldengen ku sira. Aypaꞌ kaꞌilangan tingled i nakem mi. Singuliꞌan mi baw indiꞌan mi nay kasalaꞌan mi it kayti nga lagi.