Juan 15:18 - Tagbanwa

¹⁸ “Talagang isgan kamu nat kadakel nga ega magpamayat aken, temed dedemdemen mi tu nga aku, inisgan aku it kadakel ngayti parabir inisgan nira kamu.

Juan 15:18 Iomraidhean Croise

Isaias 53:3

Tiyeger-teger kanya it mga taw baw diyaꞌga. Talagang dakulay magkasmekan ya baw dakulaꞌ gasiꞌ i pasakit it taw it kanya. Egay maski nagpatiklib it semyek duꞌut kanya it seyek nga may sanguꞌ. Talagang tinibabaꞌ ta kanya, nga ipiyabetang ta nga egay kakapulusan.

Mateo 10:22

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ i pamayaꞌ yat aken seked naꞌbut nay umur, siguradung maribri yan kanya.

Mateo 24:9

Talagang isgan kamu it kadakel sabap it pamayaꞌ mit aken. Idimanda kamu isaꞌun mapakuriꞌan baw maꞌimatay.

Mateo 5:11

Magkasagya kamu in pagsawayen kamu it beken, in pagpakuriꞌan baw pagꞌampangan kamu it muꞌsang maraꞌe-raꞌet nga pamuwat-buwat nirat imyu sabap it magpamayaꞌ baw magsarig kamu nat aken.

Marcos 13:13

Talagang isgan kamu it muꞌsang taw sabap it pamayaꞌ mit aken. Temed in siyu-siyuy maneꞌteꞌ nga pamayaꞌ seked naꞌbut nay umur, siguradung maribri yan kanya.

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 16:1

Mga bagay ngaytung ituꞌun, ipagsugid kuytung lagi it imyu isaꞌun ega subuk makakleb kamu it mga mabetangan mi, nga kumurang i pamayaꞌ mit aken.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 3:20

Iyan magbuwat ngaytut karaꞌe-raꞌetan, talagang ega ireg yay tidaw ngaytu. Ega ireg yang patpad ka maꞌyagan i buwat ya nga maraꞌe-raꞌet.

Juan 7:7

Kamu, ega yan mapakay nga isgan it katataawan. Temed aku, pagꞌisgan nira, sabap it ipagpaliꞌwan ku i mga buwat nira nga mararaꞌe-raꞌet.

Mga Binwat 14:22

Duꞌut kada rugar ngayti, pagpaksegen nira i nakem it mga magpamayaꞌ baw ipagbenge-bengel nirat kanira nga, sana, teꞌteꞌan i pamayaꞌ nirat Ampuꞌan maski pakuriꞌan. “Ka simpri,” maat nira, “kaꞌilangan, dakel i malabayan ta nga kakuriꞌan parabir mabut tami duꞌun it kaꞌadiꞌan it Ampuꞌang Diyus nga duꞌun it langit.”

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.

Santiago 4:4

Kamung mga taw, subung kamut pagꞌaꞌasawaeng babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Unu, ega magkaꞌrutan mi nga basta iyan i ragaen mi, mga bagay situt banwa ngaytu, pagkuntraꞌen mi i Ampuꞌang Diyus? Yay matuud, in siyu-siyu nga pagtemden ya nga ega kaꞌirgan it Ampuꞌang Diyus in daꞌga mga kaꞌiꞌirgan situt banwa i ragaen ya, egay beken, magkasiguru ya i sadili ya nga kakuntraꞌ it Ampuꞌang Diyus.

1 Juan 3:1

Panawun lamang it pikiran mi in sang unuy kadakulat raras it Diyus Amaꞌ it aten. Dakulaꞌ nga banar i raras ya ngaytu, ka ipagpabetang ya na kita nga mga anak ya. Ta kayti, atkayan na nga matuud, nga mga anak tami na it Ampuꞌang Diyus. Temed ta, kadaklan it taw situt banwa, ega magkilala sira it Ampuꞌang Diyus, aypaꞌ ka simpri, ega gasiꞌ pagkilalaen nira kita nga mga inanak ya.

1 Juan 3:13

Mga sulsug ku kat pamayaꞌ, ega mi paliluꞌan in pagꞌisgan kamu it beken nga taw situt sinirungat langit, sira ngayang ega magpamayaꞌ it ki Jesu-Cristo.

1 Juan 3:3

Aypaꞌ in siyuy may itung kasiguruwan, magpaꞌres kanyang pirmi nga mangaꞌgenan it alaid kat kasalaꞌan, sabap si Jesu-Cristo ngaytu, talagang alaid kat muꞌsang kasalaꞌan.