Juan 15:15 - Tagbanwa

¹⁵ Ega na taꞌwagen ku kamu nga mga manigsirbi, sabap ega magkaꞌrutan it manigsirbi in unuy pagpikiren it agalen ya. Mga iba-iba nay panaꞌwag kut imyu kayti, sabap iyan muꞌsa nga mga bagay nga nagnegan ku duꞌun it Amaꞌ ku, ipiyagꞌaat ku nat imyu.

Juan 15:15 Iomraidhean Croise

Mateo 13:11

Katubag si Jesus, maat ya, “Talagang ipiyagꞌildaw it imyu nga maꞌrutan mi i patagu-taguꞌ nga kaꞌulugan it ipagpanulduꞌ ku pasar it kaꞌadiꞌan it Ampuꞌang Diyus. Temed sira, ega ipiyagꞌildaw ya it kanira.

Lucas 10:23

Nanarunga si Jesus duꞌut mga alagad ya baw kimnidem-kidem, nga magꞌaat, “Talagang magkasagya kamuy imyu sabap it magpasar kat mga mata mi i mga pagbuwaten ku.

Juan 12:26

Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 13:16

Kamatuudan tu nga kamatuudan i pagꞌaaten ku ngaytu, nga iyan manigsirbi, ega mataꞌas paꞌ kanya it agalen ya. Baw iyan nga tiyaꞌeg lamang, ega mataꞌas paꞌ it nagtaꞌeg it kanya.

Juan 15:20

Dedemdemen mi i ipiyagꞌaat ku ngaytut imyu nga egay manigsirbi nga mataꞌas pat agalen ya. In aku, pagpakuriꞌan nira, simpri kamu atkayan naga yan, pakuriꞌan nira gasiꞌ. In pagsunudun niray ipagpanulduꞌ ku, sunudun nira gasiꞌ yan i imyung mga ipagpanulduꞌ.

Juan 16:12

May beken paꞌ sana nga ipagkusugid kut imyu, temed it pagsesmeken kamu, ega paꞌ kaya mi nga sepsepen kayti.

Juan 17:26

Ipiyakilala ku na ikaw sinit kanira baw tamaran ku pay pakilala ngaytu isaꞌun, in magꞌuꞌunu pagmaꞌalen mu aku, atkayan nagay pagmaꞌal nira. Baw beken, isaꞌun aku nagay kaꞌibaan nirang pirmi kat Espiritu Santo nga pasarum duꞌut kanira.”

Juan 20:17

“Ega na daꞌan sumari kat sekel it aken, ka daꞌku paꞌ nakaꞌuliꞌ duꞌun it Amaꞌ. Iyan i buwaten mu kayti, paꞌaduꞌun kat mga alagad ku nga ipagpabetang ku na nga mga sulsug ku baw isugid mut kanira nga muliꞌ aku na duꞌun it Amaꞌ ku, nga Amaꞌ mi gasiꞌ, duꞌun it Ampuꞌang Diyus ku nga Ampuꞌang Diyus mi gasiꞌ.”

Juan 4:19

Maat i babay ngayti, “Agalen, prupitaꞌ ka baytu palan!

Juan 8:26

“Talagang dakulay maꞌaat ku baw mabetanganan kut ukuman kuntraꞌ it imyu. Temed it matuud i pagꞌaaten it nagtaꞌeg it aken baw in unuy magkagnegan ku nga pagꞌaaten ya, iyan i ipagsugid ku situt banwa ngaytu.”

Mga Binwat 20:27

Ka ega nay ipiyaꞌped ku. Ipiyagsugid ku nat imyu i muꞌsang pabetang-betang it Ampuꞌang Diyus nga ireg ya nga maꞌrutan it taw.

Roma 7:15

Talagang ega magkasagyaan ku i buwat ku. Sabap iyan mga magagayeng buwat nga ireg ku sana nga buwaten, ega naga iyan i pagbuwaten ku, in daꞌga in ari pay pagraꞌwayen ku, iyan paꞌ i magkabwat ku.

1 Corinto 2:16

Ka daꞌga baꞌ maat i inaat duꞌun it kasuratan it tagnaꞌ, “Siyu talaga i magkataꞌseb it pikir it Ampuꞌang Diyus, nga makapadisir it kanya?” Temed kita nga magpamayaꞌ, pagbaꞌguun nay pikiran tami nga ipagpasbung nat pikir ni Cristo.

Galacia 4:6

Ta it paribasay mga anak ya na kita, aypaꞌ piyapasaruman ya gasiꞌ kita it Espiritu Santo, iyan Espiritu Santo nga ipiyangadal baw isiyanggup it Anak ya nga si Jesus. Aypaꞌ, kat panakem it Espiritu Santo ngaytu, mayaꞌngan nay dilaꞌ tami it tumaꞌwag it Ampuꞌang Diyus it Amaꞌ.

Efeso 1:9

Ka kayti, paribasa it ituy kaꞌirgan ya, ipiyaꞌrut ya na i pabetang-betang ya nga, kaꞌlay ngaytu, ipagtagu-taguꞌ ya paꞌ, iyan pabetang-betang nga ipatuman ya duꞌun it ki Cristo.

Efeso 3:5

Itung paꞌiguꞌ-iguꞌ, ega ipiyaꞌrut it Ampuꞌang Diyus kat mga taw it tagnang mga timpu temed kayti, kat tabang it Espiritu Santo nga ipiyapasarum ya duꞌun it bilug nira, ipiyatantu ya na kat mga piniliꞌ ya nga apustul baw prupitaꞌ.

Colosas 1:26

Ka kaꞌlay ngaytu it pira-pira nang pagꞌanak-anak it taw, may subuk itiyagu-taguꞌ it Ampuꞌang Diyus nga ega ipiyaꞌrut yang banar. Temed kayti ngaytu, ipiyaꞌrut ya na kat mga piniliꞌ ya nga taawan ya.

Filemon 1:16

Baw kayti, ega na desang uripen mu kanya in daꞌga maꞌal na nga sulsug mu kat pamayaꞌ. Talagang maꞌal nga maꞌal kanyat aken, temed pagmaꞌal ku ngaytu, simpri subraꞌ pay imu nga pagmaꞌal ka uripen mu kanya baw sulsug mu na kat pamayaꞌ it Ampuꞌan.

Santiago 1:1

Aku nga si Santiago, nga manigsirbi it Ampuꞌang Diyus baw Ampuꞌan nga si Jesu-Cristo, i tagsurat kaytu. Ipagpaꞌabut ku i aken nga pangumusta kat muꞌsang piniliꞌ it Ampuꞌang Diyus nga taawan ya, nga natari-tariwanak na kat paꞌari-aring rugar.

Santiago 2:23

Aypaꞌ iyan binwat ya ngayti i ipagpamatuud it kasuratan ngayan nga magꞌaat, “Piyamayaꞌ ni Abraham i inaat it Ampuꞌang Diyus. Aypaꞌ ka ipiyabetang kanya it Ampuꞌang Diyus nga taw nga mataldeng kat panleteg ya.” Baw panaꞌwag it kanya, Magayen nga iba-iba it Ampuꞌang Diyus.

1 Pedro 1:11

Ka ireg nirang ireg matantuwan in kaꞌnung timpu baw in magꞌuꞌunu-unuytu magꞌabut i mga bagay nga ipiyagpasugid it kanira it Espiritu Santo ni Cristo. Sabap egay beken nga pagpaꞌiguꞌan it mga ipiyagpasugid ngayti, mga malabayan ni Cristo nga kakuriꞌan bawnga kabantugan nga liꞌwan ya.

2 Pedro 1:1

Aku nagang si Simon Pedro, nga manigsirbi baw apustul ni Jesu-Cristo, i garing kaytu. Pagsuratan ku kamung muꞌsa nga kasubung namen nga magpamayaꞌ baw magsarig it ki Jesu-Cristo. Kanyay Ampuꞌang Diyus baw Manriribri tami. Baw paribasay egay pagbidaꞌen ya, surubung tami nga inildawan ya it pamayaꞌ ngaytu.

Judas 1:1

Aku nga si Judas nga manigsirbi ni Jesu-Cristo baw sulsug ni Santiago i tagsurat kaytu. Pagsuratan ku kamu, nga mga ipiyapinpin it Diyus Amaꞌ isaꞌun mataawan ya na baw talagang pagrarasan ya, kamu nga pagtatarimaen nga pirmi ni Jesu-Cristo baw piyanakman nga pasakep it kanya.

Mga Ipiyalteg 1:1

Itung mga magsusurat nga magbebtang situt kasuratan ngaytu, mga bagay nga ipiyaꞌrut it Ampuꞌang Diyus it ki Jesu-Cristo pasar it ipiyabetang-betang nga mabut asat pagdadarapaꞌen, ka ipalteg ya nat mga magsirbi it kanya. Muꞌsa ngaytu ipiyalteg nga matuud ni Jesu-Cristo it ki Juan nga manigsirbi ya, ka may tiyaꞌeg yang anghil ya nga palteg kaytu.