Juan 15:14 - Tagbanwa

¹⁴ Kamu i magayen nga iba-iba ku in pagsunudun mi i ipagꞌurdin ku.

Juan 15:14 Iomraidhean Croise

2 Mga Adiꞌ 18:6

Talagang mapaꞌgen i pamayaꞌ ya it AMPUꞌANG DIYUS. Ega nangindiꞌ kanya, baw papaꞌres i pagsunud yat mga urdin nga ipiyaskel it AMPUꞌANG DIYUS it ki Moises.

Exodo 7:6

Muꞌsa ngayti nga inaat it AMPUꞌANG DIYUS, siyunud nga muꞌsa na Moises, duwa ni Aaron.

Mateo 12:50

Sabap in siyu-siyu nga magsunud nga banar it kaꞌirgan it Amaꞌ ku nga duꞌun it langit, sira i bilang inaꞌ ku baw mga sulsug ku.”

Lucas 12:4

Ipagsugid kut imyu, mga pagmaꞌaleng iba-iba ku, nga ega iꞌlaman mi i subung mi nga taw, ka bilug mi lamang i kaya nirang imatayen. Pagkaꞌanu nira kayan, ega nay mabwat nirang subraꞌ paꞌ sikayan.

Juan 13:17

In magkasepsepan mi i itung mga bagay, basta buwaten mi lamang makasagya kamu yan.”

Juan 14:15

“In matuud nga pagmaꞌalen mi aku, simpri sunudun mi i mga urdin ku.

Juan 14:21

Iyan magꞌintindi it mga urdin ku baw pagsunudun yay mga itu ngaytu, iyan i may pagmaꞌal it aken. Iyan magmaꞌal it aken, maꞌalen gasiꞌ kanya it Amaꞌ ku. Maꞌalen ku naga gasiꞌ kanya baw talagang pakilala aku nang banar it kanya.”

Juan 14:28

Isiyugid ku nang lagit imyu nga magliꞌid aku temed paꞌuliꞌ aku naga. In talagang pagmaꞌalen mi aku, sagyaan mi i panguliꞌ ku ngaytu duꞌut Amaꞌ, sabap subrang mataꞌas i Amaꞌ, subraꞌ paꞌ it aken.

Juan 2:5

Inaat it inaꞌ ngayti ni Jesus i mga manigtarakan, “Iyan buwaten mi i kumpur iꞌaat yat imyu nga buwaten.”

Santiago 2:23

Aypaꞌ iyan binwat ya ngayti i ipagpamatuud it kasuratan ngayan nga magꞌaat, “Piyamayaꞌ ni Abraham i inaat it Ampuꞌang Diyus. Aypaꞌ ka ipiyabetang kanya it Ampuꞌang Diyus nga taw nga mataldeng kat panleteg ya.” Baw panaꞌwag it kanya, Magayen nga iba-iba it Ampuꞌang Diyus.

1 Juan 5:3

Ituytu i paꞌaaten nga pagmaꞌal tat Ampuꞌang Diyus, masunud tami it mga urdin ya. Ka mga urdin ya ngaytu, ega nagaytu subraꞌ nga mabeꞌgat.