Juan 15:11 - Tagbanwa

¹¹ Ipiyagsugid kut imyu i itu nga mga bagay isaꞌun mabagiꞌan kamu it magꞌuꞌunay nga kasagyaan ku, baw sumagya kamut kasagyaan nga egay kakurangan.

Juan 15:11 Iomraidhean Croise

Isaias 53:11

Maat it Ampuꞌang Diyus, “Pagkatupus it kakuriꞌan, magantiyan siꞌ it kasagyaan, sabap matantuwan ya nga ega desang kaꞌuruꞌ-uruꞌan i siyagkaꞌan ya nga kakuriꞌan. Kat kamatuudan nga pagkilala it aken it manigsirbi ku ngaytu nga mataldeng, dakel nga taw i buwaten ya nga mataldeng kat panleteg ku. Sabap tanggungun ya i mga kasalaꞌan nira.

Lucas 15:23

Dali-daliꞌen mi gasit misiꞌ i piyatabaꞌan ngayan nga uꞌuybun it bakaꞌ ka karniꞌen, ka magkaraꞌnen tami baw magkasagyaan.

Lucas 15:32

Temed kayti, simpri dapat tami nga magkasagyaan ka sulsug mu ngaytu, kabilangan ya natay na temed subuk naꞌgen naga it paꞌuliꞌ. Subung gasiꞌ it naꞌlam kanya temed naparagan naga.’”

Lucas 15:5

Ta, pagkaparag ya, magsasagya nga ulakbayen ya nat muliꞌ.

Lucas 15:9

Ta, pagkaparag ya, pangimbitaren yay mga iba-iba ya baw mga kamalay ya. ‘Sigi,’ maat ya, ‘paragiꞌ kamu it kasagyaan ku, ka naparagan ku nagay naꞌlam ku ngayan nga pirak ku.’

Juan 16:24

Seked kayti, ega pay pagꞌangutun mi kat keseg it pakilagpit mit aken. Mangut kamu. Siguradung ibgay it imyu baw sikayan makasagya kamung banar.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 17:13

Temed kayti, magꞌuꞌuliꞌ aku na asat imu, baw ipagsugid ku nang lagi i mga itu ngaytung bagay mintras sini aku pat banwa ngayni isaꞌun, kadakulaꞌat kasagyaan ku, makanira it egay kurang ya.

Juan 3:29

Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

Roma 15:13

Sana, Ampuꞌang Diyus ngaytu nga puꞌun it kasiguruwan it pagꞌiꞌinawaren tami, ildawan ya kamu it kasagyaan nga egay kaskedan baw kaꞌimbengan it nakem sabap it pamayaꞌ baw pagsarig mit kanya isaꞌun, kat keseg it Espiritu Santo, subrang makaꞌunay i kasiguruwan mit kagayenan nga maꞌimyu kat pagdadarapaꞌen.

2 Corinto 1:24

Ega maat ipagpatindeg namen nga mga agalen mi kami nga dapat mi nga sunudun kat pamayaꞌ mi. Ka pamayaꞌ mi ngaytu, nakaꞌunay na duꞌun it ki Cristo. Ireg namen lamang talaga nga tumabang it imyu isaꞌun masagya kamung banar kat pangaꞌgenan nga bagay it kamatuudang pamayaꞌ.

Efeso 5:18

Raꞌwayen mi nay adat nga palangu, ka iyan i magtaban it imyu kat pangaꞌgenang ega nay kaꞌayusan. Kaꞌilangan ega na irimnun i magbebegbeg baw magpanakem it imyu, in daꞌga Espiritu Santo na.

Filipos 1:25

Magkaꞌrutan ku naga yan. Aypaꞌ ka pagsisiguruun ku nga paꞌlayen aku naga, nga iba mi paꞌ situt banwa ngaytu, isaꞌun matabangan ku kamu it ikseg it pamayaꞌ baw pagsarig mi it Ampuꞌan, baw isaꞌun magsisigi i kasagyaan mi kat pamayaꞌ mi ngaytu.

1 Tesalonica 5:16

Magmasagya kamu nga pirmi,

1 Pedro 1:8

Sabagay ega talaga naltegan mi si Jesu-Cristo ngaytu. Temed lamang ega naltegan mi, pagmaꞌalen mi na kanya. Baw pagpamayaꞌnen mi gasiꞌ, maski ega magkaltegan mi kanya. Aypaꞌ ka maski kayti paꞌ ngaytu, ega na masugid i ega basta-bastang kasagyaan kat nakem mi.

1 Juan 1:4

Ipagsurat namen i mga itu ngaytu isaꞌun makasagya tami it kasagyaan nga egay kakurangan.

2 Juan 1:12

Sana dakulaꞌ pang kusugiden ku, temed ega na isurat ku. Ka ireg ku baꞌ sana, kapaꞌasan akut imyu. Masugi-sugid ku kamu it nagꞌada-adapen tami isaꞌun makasagya tami it kasagyaan nga egay kakurangan.