Juan 14:9 - Tagbanwa

⁹ Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 14:9 Iomraidhean Croise

Genesis 26:9

Egay beken, ipiyapisiꞌ ni Abimelec si Isaac. Pagꞌabut ni Isaac, maat ni Abimelec, “Talagang asawa mu palan! Unuka panugid mu situt amen, sulsug mu?” Katubag si Isaac, maat ya, “Pagbuwaten ku bay atkayan ka magꞌiꞌlam aku, ka barang imatayen aku sabap it kanya.”

Marcos 9:19

Pagkagneg ni Jesus, maat ya, “Kamung mga taw kayti, kurang talagay pamayaꞌ mi. Kaꞌnu mana baytuy ipamayaꞌ mi nga banar it naꞌlay na nga kaꞌiba-iba mi aku? Seked it kaꞌnu kaꞌilangan nga pagsagkaꞌen kuy adat mi ngaytu? Ipaꞌasini mi nat aken i waꞌwaꞌ ngayan.”

Lucas 12:56

Kamung mga magbete-beteꞌ nga magpamayaꞌ it Ampuꞌang Diyus, pagꞌiꞌimandaꞌanan mi na i tandaꞌanan situt banwa baw duꞌun it langit. Ta unuka ega magkaꞌimandaꞌanan mi i mga tandaꞌanan it kayting timpu?

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 10:30

Ka aku baw Amaꞌ ku, sang kagina-ginawaan lamang.”

Juan 12:45

Baw iyan magleteg it aken, magkaltegan ya nay nagtaꞌeg ngayti it aken.

Juan 14:20

Maꞌrutan mi yan it iyang aldaw nga aku baw Amaꞌ ku, sang kagina-ginawaan kami, baw aku baw kamu, ega nay beblagan tami.

Juan 14:7

In beteꞌ natantuwan mi na nga in siyu aku nga matuud, siguradu nga makilalaan mi gasiꞌ i Amaꞌ ku. Garing kayti, kilala mi na kanya baw subung na gasiꞌ it naltegan mi na kanya.”

Juan 8:19

Pagkagneg it mga taw ngayti, miningkut sira nga magꞌaat, “Ay ari bayan i Amaꞌ mu ngayan? Ari pagꞌaꞌanuꞌan ya?” Tumubag si Jesus, maat ya, “Yay matuud, it ega naga kilala mi aku, simpri ega naga kilala mi i Amaꞌ ku. In beteꞌ magkakilalaan mi na aku, simpri makilalaan mi naga gasiꞌ kanya.”

1 Corinto 15:12

Ta kayti, it ipagpangadal namen nga, si Cristo, nagꞌegen it paꞌuliꞌ, ta unuka pagꞌaaten it beken asat imyu nga ega egnen it paꞌuliꞌ kat pagdadarapaꞌen i bilug it mga miyatay?

Filipos 2:6

Ka maski kanya, Ampuꞌang Diyus nga matuud, temed ega talaga kiyayliyan ya i kabantugan baw pudir it pagkaDiyus ya ngaytu.

Colosas 1:15

Duꞌut ki Cristo ngayti ipiyalteg nat aten in magꞌuꞌunu i Ampuꞌang Diyus nga ega magkaltegan. Baw may kataꞌasan ya nga subrat kataꞌasan it muꞌsang mga giyunang bagay nga may ginawa, subung nagat kataꞌasan it panganay nga anak kat mga ariꞌ ya.

Hebreo 1:3

Duꞌun it Anak ya subuk magsingkar i kabantugan it Ampuꞌang Diyus sabap in magꞌuꞌunu i Ampuꞌang Diyus, atkayan nagay Anak ya ngaytu. Kat keseg it ampang it Anak ya ngaytu, kanya na i magꞌaꞌalima baw magtaban it muꞌsang bagay. Pagkabwat yat panlimpiyuꞌ it kasalaꞌan it taw, miyadung na kanya duꞌun it iwanang ayun it landaw nga gunaan nga Ampuꞌang Diyus nga duꞌun it langit.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.