Juan 14:3 - Tagbanwa

³ Ta it matuud nga paꞌaduꞌun aku nga buwaten kuy ikataꞌid mi duꞌun, matuud gasiꞌ nga paꞌuliꞌ aku naga situ ka pabayaꞌen ku na kamu. Sang tamiyan nay tumaꞌid duꞌun.

Juan 14:3 Iomraidhean Croise

Juan 12:26

Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 14:28

Isiyugid ku nang lagit imyu nga magliꞌid aku temed paꞌuliꞌ aku naga. In talagang pagmaꞌalen mi aku, sagyaan mi i panguliꞌ ku ngaytu duꞌut Amaꞌ, sabap subrang mataꞌas i Amaꞌ, subraꞌ paꞌ it aken.

Juan 14:4

Baw magkaꞌrutan mi nay dalan nga magpaꞌaduꞌun it aduꞌunan ku ngaytu.”

Juan 17:24

Baw itu gasiꞌ i ireg ku, Amaꞌ, nga kumpur ibinggay mut aken, makataꞌid sira gasiꞌ duꞌut pagtataꞌidan ku. Ka in duꞌun na, maltegan niray kabantugan ku nga ibinggay mut aken, ka talagang garing pat tagnaꞌ nga ega pay banwa, pagmaꞌa-maꞌalen mu na aku.

Mga Binwat 1:11

Miyampang i duwa ngayti, nga magꞌaat, “Kamung mga taga Galilea, unuka sigi pang yayaꞌngad mi duꞌun it langit? Si Jesus ngaytu nga gimnaring na situt imyu ka miyuliꞌ na duꞌun it langit, mabut nagay aldaw nga paꞌuliꞌ kanya siꞌ situt banwa. Baw in magꞌuꞌunu naltegan mi kanya nga nagpatibung, atkayan naga yan kanya in lumampud siꞌ.”

Roma 8:17

Baw ega lamang desang inanak ya na kita, in daꞌga siguradung may kabagiꞌan tami gasiꞌ it kagayenang ibgay ya kat muꞌsang mga anak ya kat pagdadarapaꞌen. Talagang kaꞌuyutan tami ni Cristo it mabagiꞌan it ituꞌun ngaytu. Masiguru tami i kagayenan ngaytu in sagkaꞌen tat masagyay nakem i mga kakuriꞌan nga magꞌabut it aten sabap it pagsunud ta it kanya, nga sikayan subuk magpaꞌuyu-uyut ta it mga siyagkaꞌan ya nga kakuriꞌan.

Filipos 1:23

Ka subung it magkawayni-wayni na i pikir ku. Sabap ire-ireg ku na i matay isaꞌun kapasagpun aku na duꞌun it ki Cristo, ka yay subrang magayen pat pangaꞌgenan ku ngaytu kayti.

2 Tesalonica 1:12

Ta simpri, in atkayan, daꞌga mabgayan mi it kabantugan i ngaran it Ampuꞌan tami nga si Jesus? Ta, kamu gasiꞌ, begayan gasiꞌ it kabantugan, uyun kat kaꞌildaw it Ampuꞌang Diyus tami baw Ampuꞌan nga si Jesu-Cristo.

2 Timoteo 2:12

Eeꞌ baꞌ, basta teꞌteꞌan ta kanya, siguradung magꞌadiꞌ ta nga iba ya in duꞌun nat kaꞌadiꞌan ya. Takaꞌ in beteꞌ payluwan ta na kanya kat adapan it mga taw, siguradung payluwan ya kita pagꞌabut it aldaw ngayang ipangukuman.

Hebreo 9:28

Ta, atkayan naga, kaꞌsa lamang gasiꞌ binwat si Cristo nga panalisi, isaꞌun matanggung ya i kasalaꞌan it katataawan. Baw paꞌuliꞌ naga kanya situ, takaꞌ ega na maat isaꞌun tumanggung it kasalaꞌan it taw, in daꞌga mamisiꞌ manat kumpur magpaꞌbut it kanya, ka timpu nat kakumplituwan it karibriyan nira.

Mga Ipiyalteg 3:21

In siyu-siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, begayan ku kanyat pudir nga katimbang ku na kat pagkaꞌadiꞌ ku. Subung nagat aken, ka inindaꞌeg ku nay muꞌsa ngaytu, aypaꞌ kayti duwa kami na magꞌAmaꞌ i magꞌadiꞌ kat pagkaꞌadiꞌ ya.