Juan 14:19 - Tagbanwa

¹⁹ Ega na maꞌlay nga timpu, daꞌku na maltegan it kadakel ngayting ega magpamayaꞌ it aken. Temed kamu, maltegan mi naga aku. Baw sabap it magꞌegen akut paꞌuliꞌ, siguradu nga kamu gasiꞌ, mabut nga magꞌegen kamu naga kat matuud nga kaꞌgenan nga egay kaskedan.

Juan 14:19 Iomraidhean Croise

Juan 16:16

“Dekeyeꞌ mana nga timpu,” maat paꞌ ni Jesus, “ega na maltegan mi aku. Magtaꞌlib siꞌ i dekeyeꞌ nga timpu, maltegan mi siꞌ akut sumaꞌup.”

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

Juan 7:33

Ta it atkayti, maat ni Jesus, “Maꞌiba-iba mi paꞌ aku it sang dekeyeꞌ nga timpu bawnga muliꞌ aku nayan duꞌun it nagtaꞌeg ngaytit aken it paꞌasitu.

Juan 11:25

Tubagen ni Jesus, maat ya, “Aku ngaytu i manigꞌegen it paꞌuliꞌ baw puꞌun it kaꞌgenan. Iyan magpamayaꞌ it aken, maski matay na kanya siguradung maꞌgen nagat paꞌuliꞌ.

1 Corinto 15:45

Ka magsusurat duꞌut kasuratan nga iyan uꞌna nga taw nga si Adan, giyuna baw binggayan it ginawa. Temed subraꞌ kaytu si Cristo, nga pangaran it kanya, sauryan nga Adan. Ka giyantiyan i bilug ya it panlangit nga bilug baw nagbaraꞌ kanya nga manigbegay it panlangit nga kaꞌgenan nga egay kaskedan.

Juan 16:22

Kamu, atkayan naga yan. Kayti masmek kamu, temed makitaan mi naga yan aku. Sikayan subrang-subraꞌ siꞌ i kasagyaan mi. Baw kasagyaan mi ngaytu, magꞌuꞌunay na, nga ega maꞌawaꞌ it maski siyu.

Roma 8:34

Aypaꞌ talagang ega na mapakay nga betanganan tami paꞌ it ukuman it maski siyu duꞌun it adapan it Ampuꞌang Diyus. Ka ipiyaturuꞌ ni Cristo Jesus i duguꞌ ya sabap it kasalaꞌan tami. Baw ega lamang iyan in daꞌga inggen kanyat paꞌuliꞌ, nga binggayan na kanyat ega basta-bastang kabantugan duꞌun it iwanang ayun it Ampuꞌang Diyus. Baw kayti pirmi ya kitang pagpanindegan duꞌun.

Roma 5:10

Sabap tagnaꞌ, mga kakuntraꞌ tami talaga it Ampuꞌang Diyus sabap it mga kasalaꞌan ta. Temed tiyanggap ya na kita nga subuk magagayeng iba-iba ya sabap it kamataynen it Anak ya nga si Jesus. Aypaꞌ in atkayay ildaw yat maski mga kakuntraꞌ ya, kayti, it mga iba-iba ya na kita, subraꞌ nang maribri ta kat panriga ya ka, lamang natay si Jesus, egen siꞌ kayti. Ipasiguru ya i karibriyan ta.

1 Corinto 15:20

Temed, yay matuud, talagang inggen naga si Cristo it paꞌuliꞌ. Kabilangan ni Cristo ngaytu, tagudaliꞌ nga yay uꞌnang pagkaygen, isunud mana i beken nga paray. Talagang magꞌabut tu kat ipiyagtirminu nga aldaw, nga egnen na i bilug it muꞌsang mga miyatay nga magpamayaꞌ it kanya, nga ituy bilang pangayeg it kanira.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 13:33

Mga pagmaꞌalen nga bilang mga anak ku, dekeyeꞌ mana nga timpu nga iba mi paꞌ aku. Tegelen mi akut tulus temed, subung it ipiyagꞌaat kut mga kabilug mi nagang mga Judio i iꞌaat kut imyu kayti, nga daꞌkamu makaꞌaduꞌun it aduꞌunan ku.

Juan 12:35

Maat siꞌ ni Jesus it kanira, “Dekeyeꞌ mana nga timpu nga maꞌiba-iba mi aku nga bilang tidaw nga magꞌeyag it imyu. Kaꞌilangan magpatulduꞌ kamu mintras magkaꞌyagan kamu paꞌ. Pasbung kamut taw nga magpanaw it maꞌyag paꞌ, nga ega magpadlem. Ka ega magkaturnuwan it magpanaw it madlem in ari magayen nga panawan ya.

Juan 8:21

Saꞌup siꞌ nga inaat ni Jesus it mga katataawan, “Talagang limꞌid aku. Tulusun mi yan aku it temegel, temed matay kamu lamang it ega napasinsiya i kasalaꞌan mi. Daꞌkamu talaga kaꞌaduꞌun it aduꞌunan ku.”

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Mga Binwat 10:41

Sabagay ega na muꞌsang taw i nakalteg it kanya. In daꞌga, kami na lamang nga, garing it tagnaꞌ, piniliꞌ it Ampuꞌang Diyus nga pamatuud it pagꞌegen ngaytu ni Jesus. Baw yay matuud, pagkaꞌgen ya, ega desang naltegan namen kanya, in daꞌga nagkaraꞌnen-karaꞌnen kami paꞌ.

Mga Ipiyalteg 20:4

Sunud sing naltegan ku, may mga araꞌdungan it magꞌadiꞌ. Binggayan it pudir nga mangukuman i mga mamagꞌaꞌdung duꞌun. Duꞌun gasiꞌ i mga kiyarurwa it mga inimatay sabap it pamatuud nira it ki Jesus baw pangadal nira it ampang it Ampuꞌang Diyus. Talagang daꞌsira simnamba it kumakaꞌen ngayting ramu-ramu. Subraꞌ nay ladawan ya, talagang daꞌsira simnamba. Daꞌsira gasiꞌ nagpaꞌimandaꞌan it markaꞌ it ramu-ramu ngayti duꞌut peges nira u alima nira. Inggen i iting mga taw ka maꞌiba sira ni Cristo nga magꞌadiꞌ it seledan ngaytit sang ribung taꞌun.