Juan 14:16 - Tagbanwa

¹⁶ Upakaten kuy Amaꞌ ku nga begayan ya kamu it Manigtabang nga bilang ganti ku, nga kanyay kaꞌiba-iba mi nga pirmi seked it kaꞌnu-kaꞌnu.

Juan 14:16 Iomraidhean Croise

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Juan 14:14

Maski unuy angutun mi situt aken kat keseg it pakilagpit mit aken, siguradung buwaten ku.”

Juan 14:18

Ega tananan ku kamu nga subuk ilu-ilu. Paꞌuliꞌ aku naga situt imyu.

Juan 14:26

Temed iyan Manigtabang ngayting Espiritu Santo nga taꞌgen it Amaꞌ nga bilang gumanti it aken, kanya nay paꞌyag it imyu it muꞌsang mga bagay baw pademdem it imyu it muꞌsang inaat ku.

Juan 15:26

Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 16:22

Kamu, atkayan naga yan. Kayti masmek kamu, temed makitaan mi naga yan aku. Sikayan subrang-subraꞌ siꞌ i kasagyaan mi. Baw kasagyaan mi ngaytu, magꞌuꞌunay na, nga ega maꞌawaꞌ it maski siyu.

Juan 17:15

Ega ipagpanalangin ku nga awaꞌen mu sira sinit banwa ngayni, in daꞌga tatarimaen mu sira, isaꞌun daꞌsira daꞌgen ni Satanas ngayting gimpuꞌun it karaꞌe-raꞌetan.

Juan 17:20

“Baw ega lamang mga alagad ku ngayni i ipagpanalangin ku, in daꞌga pati iyan mga mamayaꞌ it aken sabap it pangadal nira,

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 7:39

Pagpapuntuꞌan it ampang ya ngayti, Espiritu Santo nga pasarum duꞌut kumpur mamayaꞌ baw sumarig nat kanya. Lamang iti nga timpu, ega paꞌ magsasarum kat bilug it mga taw. Ega paꞌ tiyaꞌeg kanyat pasarum ka ega paꞌ nakaꞌuliꞌ si Jesus duꞌut langit nga tumanggap it kabantugan nga areg it Amaꞌ ya.

Mga Binwat 1:4

Kaꞌsa nga tingped i mga apustul ngayti, ipiyagꞌurdin ni Jesus nga daꞌsira daꞌan limꞌid duꞌun it Jerusalem. Maat ya, “Iyan elaten mi i isiyanggup ngayan it Amaꞌ, nga isiyugid ku ngayat imyu.

Mga Binwat 13:52

Temed, sira nga nagpakimatuud it panulduꞌ nira baw nagpasakep it Ampuꞌan, dakulaꞌ nang kasagyaan nira baw magsasarum nay Espiritu Santo kat bilug nirang muꞌsa.

Mga Binwat 9:31

Ta, kat iting timpu, ega nay ipagkagulu it mga magpamayaꞌ duꞌun it muꞌsang mga rugar nga sakep it Judea, Galilea baw duꞌut Samaria. Pagtabangen sirang pirmi it Espiritu Santo, aypaꞌ ka nagmapaꞌgen i pamayaꞌ nira, baw kat pangaꞌgenan nira, paggalangen nira it may iꞌlam i Ampuꞌan. Baw kat tabang it Espiritu Santo, magdudungag-dudungag i kadakel nira.

Roma 14:17

Sabap kaꞌadiꞌan ngaytu it Ampuꞌang Diyus, ega iyan i pagpaꞌiguꞌan, in unuy pagkaꞌnen baw pagꞌimnun tami, in daꞌga iyan pangaꞌgenan nga mataldeng, maꞌimbeng nga pakiꞌiba-iba it masigkataw, baw kasagyaan it nakem nga begay it Espiritu Santo.

Roma 15:13

Sana, Ampuꞌang Diyus ngaytu nga puꞌun it kasiguruwan it pagꞌiꞌinawaren tami, ildawan ya kamu it kasagyaan nga egay kaskedan baw kaꞌimbengan it nakem sabap it pamayaꞌ baw pagsarig mit kanya isaꞌun, kat keseg it Espiritu Santo, subrang makaꞌunay i kasiguruwan mit kagayenan nga maꞌimyu kat pagdadarapaꞌen.

Roma 5:5

Talagang egaytu desang kaꞌuruꞌ-uruꞌan i pagꞌiꞌinawaren ta ngaytu sabap natantuwan ta na nga pagrarasan tang banar it Ampuꞌang Diyus. Ipiyatantu naytut aten it Espiritu Santo nga ipiyapasarum ya situt bilug ta.

Roma 8:34

Aypaꞌ talagang ega na mapakay nga betanganan tami paꞌ it ukuman it maski siyu duꞌun it adapan it Ampuꞌang Diyus. Ka ipiyaturuꞌ ni Cristo Jesus i duguꞌ ya sabap it kasalaꞌan tami. Baw ega lamang iyan in daꞌga inggen kanyat paꞌuliꞌ, nga binggayan na kanyat ega basta-bastang kabantugan duꞌun it iwanang ayun it Ampuꞌang Diyus. Baw kayti pirmi ya kitang pagpanindegan duꞌun.

Galacia 5:22

Temed in magpasakep i taw kat pamegbeg it Espiritu Santo itu may itu i liꞌwan ya, kamatuudang raras it masigkataw, magꞌuꞌunay nga kasagyaan baw kaꞌimbengan it nakem, masagkaꞌ it kakuriꞌan it magayen i nakem, maꞌildaw, magayen i adat, magkasarigan nga banar,

Filipos 2:1

Ta unu, pakilagpit mit ki Cristo, magkabgay it imyu it pagkesgan it nakem mi? Unu, magkapasagya it imyu i kadakulat raras ya ngaytu? Unu, pagsasaruman baw pagtabangen kamu na nga matuud it Espiritu Santo? Unu, magkaꞌildaw kamu, nga may magpangbit na kat nakem mi nga kutabang kamu it beken?

2 Tesalonica 2:16

Ipagpanalangin namen nga sana tabangen kamu nga pirmi it Ampuꞌan tami nga si Jesu-Cristo baw Amaꞌ tami nga Ampuꞌang Diyus. Dakulay raras ya it aten, baw kat dangan ya it aten, binggayan ya kita it ipagkasagya it nakem nga ega magꞌugad-ugad seked it kaꞌnu-kaꞌnu baw nakaꞌunay nga kasiguruwan it kagayenan kat pagdadarapaꞌen.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

1 Juan 2:1

Kamu nga bilang mga anak ku, ipagsurat kuytuy itung mga bagay asat imyu isaꞌun baꞌ daꞌkamu na magkasalaꞌan. Takaꞌ, sumang kaꞌanu, magkabwat ta naga it kasalaꞌan, temed dedemdemen tami nga may magpanindeg it aten duꞌun it Diyus Amaꞌ. Si Jesu-Cristo, nga kanya talagay mataldeng, kanyay magpanindeg ngaytut aten.

1 Juan 2:27

Temed kamu, piyapasaruman kamu na ni Cristo it Espiritu Santo. Aypaꞌ it may magsasarum na asat imyu nga Espiritu Santo ngaytu, ega na kaꞌilangan nga tulduꞌan kamu pat beken pasar it in unuy kamatuudan. Ka kanya na ngayan i magtulduꞌ it imyu it muꞌsang bagay, baw egay tulduꞌ ya nga daꞌga matuud. Aypaꞌ sunudun mi i tulduꞌ ngaytu it Espiritu Santo, baw teꞌteꞌan mi si Jesu-Cristo.

2 Juan 1:2

Pagmaꞌalen namen kamu sabap nakagamut na kat nakem tami i kamatuudan ngaytu, nga egaytu mablag situt aten seked it kaꞌnu-kaꞌnu.