Juan 14:13 - Tagbanwa

¹³ Baw in unuy angutun mi kat keseg it pakilagpit mit aken, talagang buwaten ku yan, isaꞌun maltegan i kabantugan it Amaꞌ kat buwaten ku nga Anak ya.

Juan 14:13 Iomraidhean Croise

Mateo 21:22

Baw in unu-unuy ipanalangin mi nga angutun mi, matanggap mi yan, basta magpamayaꞌ kamu nga matuud.”

Mateo 7:7

“Temegel kamu it mangut duꞌun it Ampuꞌang Diyus, ka siguradu yan nga begayan kamu. Tegel-tegelan mit tumulus duꞌut kanya i pagkaꞌilanganen mi, ka tabangen ya kamu nga maparagan mi. Paꞌungaꞌ-ungaꞌ kamu it pasleden kat adapan ya, ka talagang sumambung kanya.

Marcos 11:24

Aypaꞌ ituy ipagꞌaat kut imyu, maski unuy angutun mi nga ipagpanalangin, kat nakem mi nga subuk natanggap mi na ka siguradu talaga nga matanggap mi yan.

Lucas 11:9

Aypaꞌ ituy ipagꞌaat kut imyu. Temegel kamu it mangut duꞌun it Ampuꞌang Diyus, ka siguradu yan nga begayan ya kamu. Tegel-tegelan mit tumulus duꞌut kanya i pagkaꞌilanganen mi, ka tabangen ya kamu nga maparagan mi. Paꞌungaꞌ-ungaꞌ kamu it pasleden kat adapan ya, ka talagang sumambung kanya.

Juan 10:30

Ka aku baw Amaꞌ ku, sang kagina-ginawaan lamang.”

Juan 12:44

Igiyaꞌuy na ni Jesus nga magꞌaat, “Iyan mamayaꞌ baw magsarig it aken, ega lamang aku i pagpamayaꞌnen baw pagsarigan ya, in daꞌga pati kanya nga nagtaꞌeg it aken it paꞌasitu.

Juan 13:31

Pagkagaring ni Judas ngayti, miyampang siꞌ si Jesus. Maat ya, “Naꞌbut na nga matanyag nay kabantugan ku, aku nga Taga Langit nga Ipiyanganak it Taw, baw sabap it aken, matanyag gasiꞌ i kabantugan it Ampuꞌang Diyus.

Juan 14:14

Maski unuy angutun mi situt aken kat keseg it pakilagpit mit aken, siguradung buwaten ku.”

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 15:16

Ega maat kamu i miniliꞌ it aken. Akuy miniliꞌ it imyu, baw tiyaꞌeg ku kamu nga subuk muwaꞌ kamu it mga buwaꞌ nga maneꞌteꞌ. Aypaꞌ in unuy angutun mi duꞌun it Amaꞌ kat keseg it pakilagpit mit aken, ibgay ya talaga it imyu.

Juan 15:7

In maneꞌteꞌ kamu situt aken baw maneꞌteꞌ gasiꞌ i ampang ku asat imyu, nga pirmi mi nga pagsunudun, marway in unuy angutun mi duꞌut Ampuꞌang Diyus. Talagang ibgay it imyu.

Juan 16:23

Ega na kaꞌilangan pang mingkut kamut aken it iyang aldaw, ka nasepsepan mi na. Kamatuudan talagaytu nga iꞌaat kut imyu, nga in unu-unu nga angutun mi duꞌun it Amaꞌ kat keseg it pakilagpit mit aken, siguradung ibgay yat imyu.

Juan 16:26

Kat aldaw ngayang iyanꞌen, mangut kamu duꞌut kanya kat keseg it pakilagpit mit aken. Ega na maat kaꞌilangan pang ipanalangin ku kamu duꞌun it Amaꞌ. Diritsu nay panalangin mi duꞌun it kanya.

Juan 16:7

Temed matuud nagaytu i ipagsugid kut imyu, nga pagliꞌid ku ngaytu, ikagayen mi naga, sabap ega paꞌasitut imyu i Manigtabang in ega limꞌid aku. Temed in magliꞌid aku, taꞌgen ku kanya nga paꞌasitut imyu.

Juan 4:10

Mampang siꞌ si Jesus, maat yat babay ngayti, “In beteꞌ naꞌrutan mu lamang in magꞌuꞌunuy kadakulat ildaw nga ibgay it Ampuꞌang Diyus, baw in nakilalaan mu na in siyuy magꞌaat ngaytut imu, ‘Paꞌimnun aku,’ ikaw nay mangut situt aken isaꞌun mabgayan ka it egen nga danum nga magkabgay it kaꞌgenan.”

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 5:19

Ta it atkayti, inaat ni Jesus i mga Judio ngayti, “Kamatuudan tuy pagꞌaaten ku ngaytut imyu, nga egay magkabwat it Anak in kat sadili ya na lamang, in daꞌga iyan i pagbuwaten ya, iyan nga magkaltegan ya nga pagbuwaten it Amaꞌ. Iyan pagbuwaten it Amaꞌ ya, simpri iyan naga i buwaten ya.

Juan 7:37

Iyan kiyaꞌpusang aldaw nga kamataan it pistaꞌ, timnindeg si Jesus baw nanggaꞌmaran it dadakulaꞌ, nga magꞌaat, “Patpad sinit aken i kumpur pagbaꞌnekan ka minum.

1 Corinto 14:13

Aypaꞌ ka iyan i magayen, iyan binggayan ngaytut kakayaan nga magkaꞌrut kanya mampang it belag-belag nga ampang nga ega naꞌadalan, kaꞌilangan manalangin nga begayan gasiꞌ kanya it kakayaan nga makapaꞌyag yay pagꞌaaten ya kat ampang ngaytu.

Efeso 2:18

Ka sabap it ki Cristo ngaytu, surubung tami na kayti nga pagtanggapen it Diyus Amaꞌ in magpatpad tami duꞌun it kanya kat tabang it Espiritu Santo nga magsasarum situt bilug tami nga muꞌsa.

Efeso 3:12

Sabap it pakilagpit tami it ki Cristo ngaytu, nga ituy liꞌwan it pamayaꞌ tat kanya, magkaꞌadap tami na duꞌut Ampuꞌang Diyus ka ega nay maski unu nga lesa. Magkadiritsu ta na duꞌut kanya i maski unu nga kusugiden it masagyay nakem tami nga ega nay pagpangangaliꞌan.

Efeso 3:14

Aypaꞌ, sabap it ega basta-basta ngaytung ildaw it Ampuꞌang Diyus nga Amaꞌ tami, talagang ipagpanluud ku na duꞌun it kanya,

Filipos 4:13

Iyan muꞌsa ngaytu, magkabwat ku sabap it keseg nga ipagꞌildaw ni Cristo it aken.

Colosas 3:17

Ta, uliꞌan-uliꞌan it muꞌsa ngaytu, inturun mi nga muꞌsang pagbuwaten baw pagꞌampangen mi, kat ikasagya baw ikabantug it Ampuꞌan nga si Jesus, mga buwat baw ampang nga bagay it mga taw nga maglalagpit nat kanya. Baw pirmi nga pagpasalamatan mi duꞌut Diyus Amaꞌ i kadakulat kagayenan nga naꞌimyu na sabap it binwat ni Jesus ngaytu.

Hebreo 13:15

Aypaꞌ kayti, paribasay si Jesus ngaytu i egay kasbung nga Piyakamataꞌas nga Sasirduti tami, kaꞌilangan magbantug tami it Ampuꞌang Diyus it egay kaskedan. Yay ipagsamba nga pasalamat nga bagay it mga taw nga magpasakep nga matuud it kanya, ega maat mga ramu-ramu nga ipagpanalisi.

Hebreo 4:15

Itu, Ega ngaytu Basta-basta nga Sasirduti tami, magkasanguꞌan ya kitang banar kat mga kalubayan ta nga magtaban it aten duꞌut kasalaꞌan, sabap kanya, naglabay nagat muꞌsang mga sukdan nga magꞌabut it aten nga taw. Temed kanya, ega nagkasalaꞌan.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

Santiago 1:5

Temed in may asan it imyu nga abutun it kurang i kasepsep it in unuy magayeng buwaten, kaꞌilangan mangut kanya duꞌun it Ampuꞌang Diyus, ka siguradu nga begayan kanya, ega maat dalaꞌan ya. Ka maꞌatag i Ampuꞌang Diyus. Pagbegayan yay kumpur magꞌangut it kasepsep ngaytu.

Santiago 5:16

Aypaꞌ in may nabwat mi nga kasalaꞌan duꞌun it masigkataw mi, kaꞌilangan aminen mi duꞌun it kanya nga magꞌangut it pasinsiyaen. Bawnga magsigpanalangin kamu isaꞌun pagayenen kamu it Ampuꞌan. Ka talagang may paglapusan it panalangin it taw nga mataldeng kat panleteg it Ampuꞌang Diyus, nga dakulaꞌ nga banar i magkabwat it panalangin ngaytu.

1 Pedro 2:5

Ta it magpasakep kamu na duꞌut kanya, ibinggay yat imyu nga nabaꞌgu i pangaꞌgenan mi, baw kabilangan mi gasit imyu, mga lininuꞌ nagang batu nga paggamiten it Ampuꞌan nga buwat-buwat it ipagpatindeg ya nga papagsambaan nga balay it Ampuꞌang Diyus. Pagbuwaten ya gasiꞌ kamu nga subuk mga sasirduti nga nasiguru na nga kat Ampuꞌang Diyus. Takaꞌ imyu nga ipagsamba, pagsirbi baw pagbantug mi it kanya, nga pagsagyaan ya sabap it binwat ni Jesu-Cristo.

1 Juan 3:22

Ta sikayan, unu-unuy angutun ta duꞌun it kanya, siguradung matanggap ta, sabap pagsunudun tay mga urdin ya baw pagbuwaten tay pagsagyaan ya.

1 Juan 5:14

Baw ega na kaꞌilangan magꞌaliꞌ-aliꞌ ta pat madap duꞌun it kanya ka pagsisiguruun ta nga, maski unuy angutun ta nga uyun kat kaꞌirgan ya, talagang sumambung kanya.