Juan 14:12 - Tagbanwa

¹² Ituy kamatuudan nga isugid kut imyu, iyan magpamayaꞌ it aken, kat pagsarig yat aken mabwat ya gasiꞌ tu i mga pagbuwaten ku ngaytu. Baw subraꞌ paꞌ sikaytuy mabwat ya, sabap paꞌaduꞌun aku nay aken it Amaꞌ.

Juan 14:12 Iomraidhean Croise

Mateo 21:21

Mampang si Jesus, maat ya, “Dedemdemen mi tu. In talagang matuud i pamayaꞌ mit Ampuꞌang Diyus, nga ega alab-alaben, mabwat mi gasiꞌ i binwat kut igos ngaytu. Ega lamang yan desang iyan ngayan, in aaten mi i itu nga mungsuꞌ, ‘Limꞌid ka asan, pasugba ka duꞌun it dagat,’ magbaraꞌ yan i inampang mi ngayan.

Marcos 11:13

Nalawag ya duꞌun it ega naga alaid i sang puꞌun nga igos nga maluꞌgum. Inlep ya ka letganan ya in may buwaꞌ, ka adat it igos, magbayat magpandaꞌun i pamuwaꞌ ya. Arit ega, daꞌun nga bulun, beken it ega paꞌ timpu it pabubwaꞌ it igos. Nandaꞌun lamang.

Marcos 16:17

Baw mamuyaan kat mga magpamayaꞌ i atkaytu na nga mga tandaꞌanan. May maꞌimugaw nira nga mga maraꞌe-raꞌet kat keseg it ngaran ku. May mga kaꞌampang it ega kanira nga ampang.

Juan 14:28

Isiyugid ku nang lagit imyu nga magliꞌid aku temed paꞌuliꞌ aku naga. In talagang pagmaꞌalen mi aku, sagyaan mi i panguliꞌ ku ngaytu duꞌut Amaꞌ, sabap subrang mataꞌas i Amaꞌ, subraꞌ paꞌ it aken.

Juan 16:7

Temed matuud nagaytu i ipagsugid kut imyu, nga pagliꞌid ku ngaytu, ikagayen mi naga, sabap ega paꞌasitut imyu i Manigtabang in ega limꞌid aku. Temed in magliꞌid aku, taꞌgen ku kanya nga paꞌasitut imyu.

Juan 4:37

Ka sikaytu, matuud i pagsambatanen nga belag i manigꞌuma baw belag gasiꞌ i manigkayeg.

Juan 5:20

Sabap talagang pagmaꞌalen it Amaꞌ i Anak. Aypaꞌ ipagpalteg yat kanya i muꞌsa nga pagbuwaten ya. May mataꞌas paꞌ sikayan nga mga pagbuwaten nga ipalteg it Amaꞌ nga buwaten nat Anak isaꞌun maliluꞌ kamu.

Juan 7:33

Ta it atkayti, maat ni Jesus, “Maꞌiba-iba mi paꞌ aku it sang dekeyeꞌ nga timpu bawnga muliꞌ aku nayan duꞌun it nagtaꞌeg ngaytit aken it paꞌasitu.

Juan 7:39

Pagpapuntuꞌan it ampang ya ngayti, Espiritu Santo nga pasarum duꞌut kumpur mamayaꞌ baw sumarig nat kanya. Lamang iti nga timpu, ega paꞌ magsasarum kat bilug it mga taw. Ega paꞌ tiyaꞌeg kanyat pasarum ka ega paꞌ nakaꞌuliꞌ si Jesus duꞌut langit nga tumanggap it kabantugan nga areg it Amaꞌ ya.

Mga Binwat 10:46

Ka kamatuudan, magkagnegan nira nga mamagꞌampang na na Cornelio ngayti it belag-belag nga mga ampang nga ega naꞌadalan nira baw mamagbantug na it Ampuꞌang Diyus. Ta, it atkayti na, maat ni Pedro it mga kaꞌibaan yang mga Judio,

Mga Binwat 16:18

Ega lamang kaꞌsa i buwat yat atkayti, in daꞌga aldaw-aldaw. Aypaꞌ, iyan naskedan na si Pablo, siyarunga ya baw inaat i maraꞌe-raꞌet ngayti nga magsasarum duꞌun it babay ngayti, “Pagsekaten ta ikaw kat ngaran ni Jesu-Cristo nga limꞌid ka na asat kanya.” Pagkaꞌampang kayti ni Pablo, nagliꞌid nga lagi i maraꞌe-raꞌet ngayti.

Mga Binwat 19:12

Kamatuudan, basta may nakapadiꞌkit it bilug ya nga lages u pagsambutun nga rambay, nga yanay ipadiꞌkit gasiꞌ duꞌun it mga magsarut, magpedek i sarut nira, u limꞌid i magpapulpug nga maraꞌe-raꞌet.

Mga Binwat 2:33

Kayti, binggayan na si Jesus it ega basta-bastang kataꞌasan duꞌun nat iwanang ayun it Diyus Amaꞌ. Baw tiyanggap na ni Jesus i isiyanggup it Diyus Amaꞌ nga pasaruman i bilug namen it Espiritu Santo. Ta, mga itu nga magkaltegan baw magkagnegan mi na ngaytu kayti, sabap tu it piyapasaruman kami ni Jesus it Espiritu Santo.

Mga Binwat 2:41

Ta, egay beken, iyan namayaꞌ it inampang ya ngayti, nagpabawtis na sira. Iting aldaw, tulung ribu i kadakel it nakadungag kat mga magpamayaꞌ it ki Cristo.

Mga Binwat 4:16

Maamaatan sira, “Unuytuy magayeng buwaten tamit itung mga taw? Ka matanyag naytu kat muꞌsang mga taga Jerusalem nga nakabwat sirat esang tandaꞌanan nga kalililuꞌang bagay. Simpri, ega maꞌaat ta nga ambut lamang yan.

Mga Binwat 4:33

Baw mga apustul ngayti, kat keseg it ega basta-bastang kakayaan nga ipiyagꞌildaw it kanira, magpasiging ipagpamatuud niray pagꞌegen ngaytit paꞌuliꞌ it Ampuꞌan nga si Jesus. Baw puꞌsa sira ngayti nga magpamayaꞌ, talagang pagꞌildawan sirang muꞌsa it Ampuꞌang Diyus nga pagtabangen ya sira.

Mga Binwat 4:4

Temed, dakel nagay mga namagkagneg ngayti nga namayaꞌ it panulduꞌ na Pedro. Aypaꞌ lalaki lamang i bilangen, nakaꞌbut nat limang ribu i kadakel it mga magpamayaꞌ.

Mga Binwat 5:15

Ta paribasay dakel nay piyagayen it mga apustul, buwat it mga taw duꞌun, pagtabanen nira i mga magsarut, nga duꞌun nagat pagliliꞌtidan nira nga ikamen, ka ipagduꞌun it tepad it mga karsadaꞌ it siyudad ngayti. Pagꞌiꞌinawaren nira nga in duꞌun i panawan ni Pedro, maꞌlungan lamang i mga magsarut ngaytit aninu ya, gumayen na sira.

Mga Binwat 6:7

Ta, subraꞌ na nga nasarunga nira i panulduꞌ nirat ampang it Ampuꞌang Diyus. Kamatuudan, talagang dimnakel nang banar i mga magpamayaꞌ duꞌut Jerusalem. Pati mga sasirduti dakel na gasing namayaꞌ.

Mga Binwat 8:7

Ka dakel nga mga maraꞌe-raꞌet nga magpapulpug it taw i inimugaw ya, nga magpangurisang i magliꞌid. Baw dakel gasiꞌ i piyagayen ni Felipe nga may patay nga bagit bilug baw mga pilay.

Mga Binwat 9:34

Pagkalteg ni Pedro it pilay ngayti, inaat ya, “Eneas, kayti nga lagi, pagpagayenen ka na ni Jesu-Cristo. Magbangun ka na baw lulunun mu nay pagliliꞌtidan mu ngayan.” Pagkaꞌampang ni Pedro kayti, nagbangun na nga matuud i pilay ngayti, dayun it nakatindeg.

Mga Binwat 9:40

Bawnga inaat sira ni Pedro nga duꞌun na daꞌan sirat liꞌwan. Iyan esa-esa ya mana, nanluud kanya ka nanalangin. Pagkatupus it panalangin ya, siyarunga yay miyatay ngayti baw miyampang. Maat ya, “Tabita, magbangun ka.” Egay beken, nagmukrat nga lagi si Tabita ngayti. Pagkalteg yat ki Pedro, nagbangun na kanya.

Roma 15:19

Kat ega basta-bastang tabang it Espiritu Santo dakel i nabwat kung kalililuꞌang bagay nga tandaꞌanan it matuud i ipagpanulduꞌ ku. Talagang alalaid nang mga banwa i napangadalan kut Magayen ngaytung Baritaꞌ pasar it Manriribri nga si Cristo. Garing duꞌut Jerusalem simingked duꞌut Ilirico subuk egay naribayan ku nga rugar.