Juan 14:11 - Tagbanwa

¹¹ Kaꞌilangan pamayaꞌnen mi nga aku baw Amaꞌ ku, sang kagina-ginawaan kami. In beteꞌ daꞌkamu magpamayaꞌ it mga pagsugiden ku ngaytu, temed sabap it mga buwat nga pagbuwaten ku kaꞌilangan nga pamayaꞌnen mi.

Juan 14:11 Iomraidhean Croise

Juan 10:25

Katubag si Jesus, maat ya, “Unu pay paꞌaaten mi it nakasugid ku nat imyu? Salaꞌ mi mana it ega pagpanangden mi. Iyan mga pagbuwaten ku kat ngaran it Amaꞌ ku, yanay magpamatuud pasar it aken.

Juan 10:32

Egay beken inaat sira ni Jesus, “Dakel nga mga magagayeng buwat nga garing duꞌut Amaꞌ nga ipagpalteg kut imyu. Ta ariyen kat mga buwat ngaytu i ega magkapakay mi, aypaꞌ ka pagkubatuun mi aku?”

Juan 10:38

Temed in pagbuwaten kuy buwat ya ngaytu, maski ega pagpamayaꞌnen mi aku, kaꞌilangan nga pamayaꞌnen mi i mga pagbuwaten ku ngaytu ka sikayan mi matantuwan baw masiguru nga aku baw Amaꞌ ku, sang kagina-ginawaan kami.”

Juan 14:10

Unu, daꞌka magpamayaꞌ nga aku baw Amaꞌ ku, sang kagina-ginawaan kami? Iyan mga pagꞌampangen ku ngaytu nga ipagꞌaat kut imyu, egaytu pagsadiliyen ku na lamang, in daꞌga iyan Amaꞌ nga kasagpun kut ginawa ku, iyan i magbuwat it mga buwaten ya ngaytu.

Juan 14:20

Maꞌrutan mi yan it iyang aldaw nga aku baw Amaꞌ ku, sang kagina-ginawaan kami, baw aku baw kamu, ega nay beblagan tami.

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Hebreo 2:4

Pati Ampuꞌang Diyus, ipiyagpamatuud ya gasiꞌ i panulduꞌ nira kat dakel-dakel nga mga tandaꞌanan nga kalililuꞌang bagay nga ipiyabwat yat kanira, baw kat mga kakayaan gasiꞌ nga begay it Espiritu Santo kat in siyu-siyu i ireg it Ampuꞌang Diyus ngaytu.