Juan 14:1 - Tagbanwa

¹ Tiyulduꞌan siꞌ ni Jesus i mga alagad ya ngayti nga magꞌaat, “Ayaw kamu nat kasusa. Papaꞌgenen mi i pamayaꞌ mit Ampuꞌang Diyus. Papaꞌgenen mi gasiꞌ i pamayaꞌ mit aken.

Juan 14:1 Iomraidhean Croise

Juan 11:33

Talagang rimnaꞌe-raꞌet i nakem ni Jesus baw nanrusarem i rupa ya, pagkalteg yat ki Maria ngayti nga magsugaw baw mga Judio ngayting kaꞌibaan ya nga mamagsugaw gasiꞌ.

Juan 12:27

Kayti subung it ega magkabara-baraꞌ aku. Ta unu, aaten ku nga, ‘Amaꞌ, iribri mu aku kat kakuriꞌan ngaytu nga labayen ku’? Temed ega aaten kuy atkayan, sabap egay beken nga enged ku situ in daꞌga isaꞌun labayen ku i kakuriꞌan ngaytu nga ituꞌun.”

Juan 12:44

Igiyaꞌuy na ni Jesus nga magꞌaat, “Iyan mamayaꞌ baw magsarig it aken, ega lamang aku i pagpamayaꞌnen baw pagsarigan ya, in daꞌga pati kanya nga nagtaꞌeg it aken it paꞌasitu.

Juan 13:19

Ipagꞌaat ku naytung lagi it imyu it ega paꞌ nagꞌabut, isaꞌun in magꞌabut na, pakimatuud kamu nga in siyu aku talaga.

Juan 16:24

Seked kayti, ega pay pagꞌangutun mi kat keseg it pakilagpit mit aken. Mangut kamu. Siguradung ibgay it imyu baw sikayan makasagya kamung banar.

Juan 16:3

Talagang buwaten niraytu sabap it ega magkakilalaan nira aku, atnagay Amaꞌ.

Juan 16:6

Ta it kayti nga ipagsugid ku nat imyu, ereꞌeret na nga raꞌe-raꞌet it nakem mi.

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

2 Corinto 2:7

Pasinsiyaen mi na kanya baw inu-inuun na, isaꞌun ega subuk malmes kanya kat kadakulat kasmek ya nga subraꞌ na.

Efeso 1:15

Aypaꞌ ka, garing it nabaritaꞌan ku i pasar it pagsarig baw pamayaꞌ mi it Ampuꞌan nga si Jesu-Cristo, baw iyan raras mi it mga sulsug mi kat pamayaꞌ,

2 Tesalonica 2:2

Beteꞌ ayaw kamut patarantaꞌ u palibeg it pikiran mi it baritaꞌ nga maat, naꞌbut nay ipaꞌuliꞌ ngayan it Ampuꞌan. Eeꞌ baꞌ, ega pamayaꞌnen mi, maski may magꞌaat nga, baritaꞌ ngaytu, ipiyanakem it kanya, u panulduꞌ tu nga nagnegan ya u nabasa duꞌun it esang surat nga kunuꞌ garing sinit amen.

1 Pedro 1:21

Ta kayti, sabap it binwat ngaytu ni Cristo nga panribri, pagpakimatuudun baw pagsarigan mi nay Ampuꞌang Diyus, kanya nga minggen it kanya it paꞌuliꞌ baw minggay it kanya it ega basta-bastang kabantugan. Nakasiguru na kayti i pagsarig baw inawar mi, nga duꞌun na it Ampuꞌang Diyus.