Juan 13:8 - Tagbanwa

⁸ Maat siꞌ ni Pedro ngayti, “Talagang subung bat ega bagay nga paꞌugasan ku it imu i aꞌay ku.” Maat siꞌ ni Jesus, “Temed in ega malimpiyuꞌ ku ikaw, siguradung daꞌka na alagad ku. Egay kabagiꞌan mu nga gumaring situt aken.”

Juan 13:8 Iomraidhean Croise

Genesis 42:38

Temed maat ni Jacob, “Ega bayan ipabayaꞌ kut imyu i iyang anak ku, ka ungayan, si Jose nga langgung ya, patay na. Kanya mana ngaytuy pagpalwasan kut nakem ku. Ka atkaytu na ngaytung kagurang ku, in magated kanya kat panawan mi ngayan, talagang pagsisiguruun ku nga kasmek ku, patayan ku lamang, ega na maꞌawaꞌ kat nakem ku.”

1 Mga Adiꞌ 12:16

Pagkamuya it kadakel ngaytit taga nurti nga mga Israelita it atkayti gay itiyubag it kanira it adiꞌ, miyampang sira nga magꞌaat, “Bilaꞌ, in atkayan, awaꞌen tami na kat nakem tami si David ngayti nga anak ni Jesse baw mga kaꞌanakan ya ngaytu. Muliꞌ tami nay aten nga bangsa it Israel, pataꞌnan nga magꞌadiꞌ si Roboam ngayan kat sadili ya nga pamalay-balay.” Aypaꞌ miyuliꞌ na sira nga matuud.

Zacarias 13:1

Maat pay paꞌugdun it AMPUꞌANG DIYUS, “Kat aldaw ngayan, paburusun kuy tumbud nga ipaglimpiyuꞌ it kasalaꞌan baw karaꞌe-raꞌetan it muꞌsang mga kaduguꞌ-duguꞌan ni David, baw mga magtataꞌid duꞌun it Jerusalem.”

Mateo 16:22

Pagkagneg ni Pedro, inambayan ya si Jesus. Maat ya, “Ayaw baꞌ, Ampuꞌan! Talagang ega atkayan sana i iꞌintulut nga mabetangan mu!”

Mateo 21:29

‘Bilaꞌ, maggarus aku,’ tubag ya. Temed nagbaꞌgu nagay pikir ya. Naꞌaduꞌun naga kanya nga minwat.

Mateo 26:33

Mampang si Pedro, maat ya, “Maski kumurang i pamayaꞌ nira nga muꞌsa it imu, temed aku, ega tananan ku ikaw seked it kaꞌnu-kaꞌnu.”

Mateo 26:35

Temed magsusubraꞌ ga si Pedro, maat ya, “Maski baꞌ imatayen aku nga iba mu, ega talaga ipaylu ku ikaw!” Atkayti nagay inampang it muꞌsa ngayting beken nga mga alagad.

Juan 13:6

Iyan naꞌbut ya na si Simon Pedro, maat ni Simon Pedro ngayti, “Ampuꞌan, unuka atkayan nga ikaw i mugas it mga aꞌay ku?”

Juan 13:9

Pagkagneg ni Pedro kayti, miyampang siꞌ kanya nga magꞌaat, “In atkayan palan, Ampuꞌan, magayen ku ega lamang desang aꞌay kuy ugasan mu. Pati alima baw ulu ku, ugasan mu naga gasiꞌ.”

Juan 3:5

Timnubag si Jesus, “Kamatuudan tuy iꞌaat ku ngaytut imu. Egay makaꞌuyut duꞌun it kaꞌadiꞌan it Ampuꞌang Diyus in daꞌga kanya lamang nga ipiyanganak it danum baw Espiritu Santo.

Mga Binwat 22:16

Bawnga inaat ya siꞌ aku, ‘Ta, unu pay pagꞌelaten? Timindeg ka na baw pabawtis. Manalangin ka duꞌun it Ampuꞌang Diyus nga mangut it pasinsiyaen i mga kasalaꞌan mu.’

1 Corinto 6:11

Iyan katꞌesa may atkayan naga yan asat imyu. Temed kayti, linimpiyuꞌ kamu na kat mga kasalaꞌan mi, baw ipiyasiguru kamu na duꞌun it Ampuꞌang Diyus nga mga taawan ya na. Ipagpabetang ya na kamu nga ega nay kakasalaꞌan kat panleteg ya. Muꞌsa ngaytu, kat keseg it binwat it Ampuꞌan nga si Jesu-Cristo baw guna it Espiritu Santo it Ampuꞌang Diyus nga ipiyapasarum ya situt bilug ta.

Efeso 5:26

Binwat yaytu isaꞌun mapakay nga tanggapen sirat Ampuꞌang Diyus sabap it nalimpiyuꞌ na sira kat panleteg ya duꞌun it pagbawtis nira baw kat pagneg baw pamayaꞌ nira it ampang ya.

Colosas 2:18

Ayaw kamut pabuyug-buyug it mga taw nga magsugid nga daꞌkamu maribri ka daꞌkamuy imyu magsamba it mga anghil baw daꞌkamu mapiyababaꞌ nga subung kunuꞌ it kanira. Ipagpaliꞌwan nira nga subraꞌ paꞌ sira it imyu sabap it dakel-dakel i subuk pagtagaynepen nira kunuꞌ nga mga bagay. Temed egay kamatuudan, magpatuꞌgud lamang sira ka pagpadisiran paꞌ sira it singkadan nirang nakem nga makasalaꞌan.

Colosas 2:23

In letganan ta lamang, kaꞌaat ka kamatuudan i itung mga pangadal sabap iyan mga magsunud kaytu, kat panleteg it beken, masiyambaen baw mapiyababaꞌ sirang banar, baw pagpakuriꞌan nay pati bilug nira. Takaꞌ ega nagay kapulusan it itung mga bagay ka yanagang magtaban it aten it pagsumbayaꞌ it mga singkadan tang kaꞌiꞌirgan nga maraꞌe-raꞌet.

Tito 3:5

Ka ipiyagribri ya kita, ega sabap it may nabwat tami nga mataldeng kat panleteg ya, in daꞌga sabap it kadakulat ildaw ya. Ipiyagribri ya kita, nga subuk ipiyanganak tami sit sumaꞌup kat buwat it Espiritu Santo nga panlimpiyuꞌ baw pagbaꞌgu it mga adat ta.

Hebreo 10:22

Aypaꞌ ka ayaw ta nat pangangaliꞌ, in daꞌga madap tami na duꞌun it adapan it Ampuꞌang Diyus it ega lugud-lugud lamang, in daꞌga kamatuudan, baw mapaꞌgen i pagsarig baw pamayaꞌ tami it kanya. Sabap yanay magdadaꞌeg kat nakem tami, nga limpiyuꞌ tami na kat muꞌsang kasalaꞌan, ka subuk piniꞌtikan ni Jesus it duguꞌ ya, baw subuk inugasan ya na kita it danum nga ega basta-basta.

Mga Ipiyalteg 1:5

Kanya ngaytung si Jesu-Cristo, purus kamatuudan i kumpur ipagpamatuud ya. Iti, inggen kanyat Ampuꞌang Diyus it paꞌuliꞌ. Talagang kanya i piyakamataꞌas kat muꞌsang egnen paꞌ it paꞌuliꞌ. Baw kanya ngaytu i magbebegbeg it maski siyung magsasakep nga subuk mga adiꞌ situt sinirungat langit. Sana bantugun tami si Jesu-Cristo, nga magraras talaga it aten. Sabap kat kamataynen ya, nga ipiyaturuꞌ yay duguꞌ ya, ipiyaliꞌwan ya na kita kat panguripen it kasalaꞌan.

Mga Ipiyalteg 7:14

Katubag aku, maat ku, “Tabing galang it imu, taꞌway. Ega magkaꞌrutan ku in ari piyamaggaringan kayan. Siguru ikaw yan i magꞌuꞌrut.” Maat ya siꞌ it aken, “Sira ngayan, iyan i nakalabay it dakulaꞌ talagang kakuriꞌan, temed maski atkayan, daꞌsira nangindiꞌ, naneꞌteꞌ i pamayaꞌ nira. Talagang linimpiyuꞌ nira baw piyaputiꞌ it duguꞌ it paꞌaaten ngaytung Uꞌuybun It Tupa i mga pakayan nira ngayan.