Juan 13:5 - Tagbanwa

⁵ Bawnga timinggis kanya it danum duꞌun it palangganaꞌ. Pagkatgis ya, kiyayaꞌmatan yat mugas i mga aꞌay it mga alagad ya ngayti, baw pagtarapuwan ya nat tuwalya ngayti nga tiyapis ya.

Juan 13:5 Iomraidhean Croise

Genesis 18:4

Situ kamu na daꞌan it siꞌrung it kayu ngaytu, magpaꞌna. Mamisiꞌ aku daꞌan it danum nga iꞌugas it aꞌay mi.

Genesis 19:2

Bawnga maat ya, “In mapakay it imyu nga mga agalen ku, patuluy kamu daꞌan duꞌut amen. Mangugas kamu it mga aꞌay mi baw ta, duꞌun na gasiꞌ bayan it amen i igaꞌan mi. Aldaw mana siꞌ i ipanaw mi.” “Ayaw kat pasasaw,” maat nira. “Situ kami lamang it liꞌwan paꞌaldaw.”

Genesis 43:24

Piyasled ya na sira nga muꞌsa duꞌut balay ni Jose ngayti. Binggayan sirat danum nga iꞌugas nirat aꞌay nira, baw piyakaꞌen i mga asno nira ngayti.

Isaias 1:16

Kaꞌilangan baꞌguun mi siꞌ i adat mi. Indiꞌan mi na i maraꞌe-raꞌet ngaytu nga mga pagbuwaten mi. Medek kamu na it buwat it ega magayen.

Zacarias 13:1

Maat pay paꞌugdun it AMPUꞌANG DIYUS, “Kat aldaw ngayan, paburusun kuy tumbud nga ipaglimpiyuꞌ it kasalaꞌan baw karaꞌe-raꞌetan it muꞌsang mga kaduguꞌ-duguꞌan ni David, baw mga magtataꞌid duꞌun it Jerusalem.”

Lucas 7:38

Pagꞌabut ya duꞌun, nagpatpad kanya duꞌut talikudan ni Jesus. Ta it magsugaw kanya, naꞌemeg nat magturuꞌ nga luwaꞌ ya i mga aꞌay ni Jesus. Ta, binwat it babay ngayti, tiyarapuwan yat buꞌuk ya baw sigi nga pamalek yat mga aꞌay ngayti ni Jesus. Bawnga biyuꞌbuꞌan yat babangluun ngayting taban ya.

Lucas 7:44

Bawnga liningaw ni Jesus i babay ngayti baw maat ya siꞌ it ki Simon, “Siguru naltegan mu i binwat it babay ngaytu. Pagꞌabut ku situt balay mu, daꞌku binggayan mut danum nga iꞌugas kut aꞌay ku. Temed kanya, luwaꞌ ya nay ipiyagꞌugas yat mga aꞌay ku baw buꞌuk ya nay itiyarapu ya.

Juan 13:10

Tubagen siꞌ kanya ni Jesus, maat ya, “Ega na kaꞌilangan nga ugasan pat muꞌsa i iyan nga naꞌugasan na, ka limpiyuꞌ na kanya. Aꞌay ya manay kaꞌilangan nga ugasan. Kamu, limpiyuꞌ na, temed ega limpiyuꞌ nga muꞌsa.”

Juan 13:6

Iyan naꞌbut ya na si Simon Pedro, maat ni Simon Pedro ngayti, “Ampuꞌan, unuka atkayan nga ikaw i mugas it mga aꞌay ku?”

Juan 13:8

Maat siꞌ ni Pedro ngayti, “Talagang subung bat ega bagay nga paꞌugasan ku it imu i aꞌay ku.” Maat siꞌ ni Jesus, “Temed in ega malimpiyuꞌ ku ikaw, siguradung daꞌka na alagad ku. Egay kabagiꞌan mu nga gumaring situt aken.”

Juan 19:34

Yan nayan lamang i binwat it esang sundaluꞌ, sininduꞌrak yat besak i sang baling kilid ni Jesus. Magkagabut i besak, magburwak i duguꞌ baw danum.

Mga Binwat 22:16

Bawnga inaat ya siꞌ aku, ‘Ta, unu pay pagꞌelaten? Timindeg ka na baw pabawtis. Manalangin ka duꞌun it Ampuꞌang Diyus nga mangut it pasinsiyaen i mga kasalaꞌan mu.’

1 Corinto 6:11

Iyan katꞌesa may atkayan naga yan asat imyu. Temed kayti, linimpiyuꞌ kamu na kat mga kasalaꞌan mi, baw ipiyasiguru kamu na duꞌun it Ampuꞌang Diyus nga mga taawan ya na. Ipagpabetang ya na kamu nga ega nay kakasalaꞌan kat panleteg ya. Muꞌsa ngaytu, kat keseg it binwat it Ampuꞌan nga si Jesu-Cristo baw guna it Espiritu Santo it Ampuꞌang Diyus nga ipiyapasarum ya situt bilug ta.

Efeso 5:26

Binwat yaytu isaꞌun mapakay nga tanggapen sirat Ampuꞌang Diyus sabap it nalimpiyuꞌ na sira kat panleteg ya duꞌun it pagbawtis nira baw kat pagneg baw pamayaꞌ nira it ampang ya.

1 Timoteo 5:10

Kaꞌilangan gasiꞌ nga matanug i mga adat yang magagayen, nga piyadisiran yat magayen i mga anak ya baw pagꞌistimaren yat magayen i mga taw nga magpaꞌabut duꞌut kanya. Egay pagdaꞌgaen ya nga pagsirbi it mga kaꞌibaan ya nga magpamayaꞌ. Pagtabangen yay mga magkakuriꞌan. Baw kaꞌlay ngaytu, yanay pagragaen ya, muꞌsang mga buwat nga magayen.

Hebreo 10:22

Aypaꞌ ka ayaw ta nat pangangaliꞌ, in daꞌga madap tami na duꞌun it adapan it Ampuꞌang Diyus it ega lugud-lugud lamang, in daꞌga kamatuudan, baw mapaꞌgen i pagsarig baw pamayaꞌ tami it kanya. Sabap yanay magdadaꞌeg kat nakem tami, nga limpiyuꞌ tami na kat muꞌsang kasalaꞌan, ka subuk piniꞌtikan ni Jesus it duguꞌ ya, baw subuk inugasan ya na kita it danum nga ega basta-basta.

1 Juan 1:7

Temed in pirmi ta nga magpangaꞌgenan uyun kat kaꞌyagan, nga alaid kat kasalaꞌan, subung nagat Ampuꞌang Diyus, nga kanya, purus kat kaꞌyagan talaga, magayen talagay pakiꞌiba-iba tami nga magpamayaꞌ it kanya. Baw iyan timnuruꞌ nga duguꞌ ni Jesus nga Anak ya, paglimpiyuꞌun ya kita, ka pagꞌawaꞌen yay muꞌsang kasalaꞌan ta.

1 Juan 5:6

Si Jesu-Cristo ngaytu, kanyay limnampud situt denaꞌ. Biyawtis kanya duꞌun it danum. Ipiyaturuꞌ i duguꞌ ya kat kamataynen ya. Talagang ega lamang desang nagpabawtis kanya duꞌun it danum, in daꞌga ipiyaturuꞌ ya naga gasiꞌ i duguꞌ ya. Baw yay magpamatuud kaytu, Espiritu Santo, sabap purus kamatuudan i ipagpaliꞌwan it Espiritu Santo ngaytu.

Mga Ipiyalteg 1:5

Kanya ngaytung si Jesu-Cristo, purus kamatuudan i kumpur ipagpamatuud ya. Iti, inggen kanyat Ampuꞌang Diyus it paꞌuliꞌ. Talagang kanya i piyakamataꞌas kat muꞌsang egnen paꞌ it paꞌuliꞌ. Baw kanya ngaytu i magbebegbeg it maski siyung magsasakep nga subuk mga adiꞌ situt sinirungat langit. Sana bantugun tami si Jesu-Cristo, nga magraras talaga it aten. Sabap kat kamataynen ya, nga ipiyaturuꞌ yay duguꞌ ya, ipiyaliꞌwan ya na kita kat panguripen it kasalaꞌan.

Mga Ipiyalteg 7:14

Katubag aku, maat ku, “Tabing galang it imu, taꞌway. Ega magkaꞌrutan ku in ari piyamaggaringan kayan. Siguru ikaw yan i magꞌuꞌrut.” Maat ya siꞌ it aken, “Sira ngayan, iyan i nakalabay it dakulaꞌ talagang kakuriꞌan, temed maski atkayan, daꞌsira nangindiꞌ, naneꞌteꞌ i pamayaꞌ nira. Talagang linimpiyuꞌ nira baw piyaputiꞌ it duguꞌ it paꞌaaten ngaytung Uꞌuybun It Tupa i mga pakayan nira ngayan.