Juan 13:33 - Tagbanwa

³³ Mga pagmaꞌalen nga bilang mga anak ku, dekeyeꞌ mana nga timpu nga iba mi paꞌ aku. Tegelen mi akut tulus temed, subung it ipiyagꞌaat kut mga kabilug mi nagang mga Judio i iꞌaat kut imyu kayti, nga daꞌkamu makaꞌaduꞌun it aduꞌunan ku.

Juan 13:33 Iomraidhean Croise

Juan 13:36

“Ay ari aduꞌunan mu, Ampuꞌan?” ingkut ni Simon Pedro. Tubagen ni Jesus, maat ya, “Duꞌun it aduꞌunan ku daꞌka kabayaꞌ it aken kayti, temed tumundug ka naga yan it aken asat malangbusan.”

Juan 14:19

Ega na maꞌlay nga timpu, daꞌku na maltegan it kadakel ngayting ega magpamayaꞌ it aken. Temed kamu, maltegan mi naga aku. Baw sabap it magꞌegen akut paꞌuliꞌ, siguradu nga kamu gasiꞌ, mabut nga magꞌegen kamu naga kat matuud nga kaꞌgenan nga egay kaskedan.

Juan 14:2

Duꞌut langit nga pagtataꞌidan it Amaꞌ ku, subraꞌ nga marugar nga istaran. Talagang matuud tu, baw muꞌna aku na, ka buwaten kuy ikataꞌid mi duꞌun. In ega matuud, simpri ega iꞌaat kut imyu.

Juan 7:36

Unu yan i ireg sugiden it iyan ngayang sugi-sugid ya nga maat, ‘Tegelen mi yan akut tulus, temed ega nayan maparagan mi aku, ka daꞌkamu kaꞌaduꞌun it uliꞌan ku ngayti’?”

Galacia 4:19

Kamuy subuk mga anak ku. Dakulay nalabayan ku nga kakuriꞌan katꞌesa, nga kaꞌaat ka subuk siyaꞌgidan aku, isaꞌun kasakit na i pamayaꞌ mit ki Cristo. Kayti atkayan naga, subuk daꞌku talaga magkabara-baraꞌ mintras ega paꞌ magꞌuꞌunay i pagsarig mit ki Cristo baw magpasbung kamu nang banar it adat ya.

1 Juan 2:1

Kamu nga bilang mga anak ku, ipagsurat kuytuy itung mga bagay asat imyu isaꞌun baꞌ daꞌkamu na magkasalaꞌan. Takaꞌ, sumang kaꞌanu, magkabwat ta naga it kasalaꞌan, temed dedemdemen tami nga may magpanindeg it aten duꞌun it Diyus Amaꞌ. Si Jesu-Cristo, nga kanya talagay mataldeng, kanyay magpanindeg ngaytut aten.

1 Juan 4:4

Kamu, mga bilang anak ku, mga anak kamu na it Ampuꞌang Diyus. Baw nakaꞌindaꞌeg kamu nat mga maꞌambut ngayang magpapru-prupitaꞌ. Naꞌindaꞌeg mi na sabap subraꞌ pang gunaan i Espiritu Santo nga magsasarum asat bilug mi, subraꞌ pat maraꞌe-raꞌet ngayting si Satanas nga magpanakem it mga taw nga ega nagpasakep it Ampuꞌang Diyus.

1 Juan 5:21

Mga bilang anak ku, magꞌintur kamu in unuy pagpamayaꞌnen baw pagsirbiyan mi. Siguruun mi nga egay maski unu nga iganti mi it matuud ngaytu nga Ampuꞌang Diyus.