Juan 13:23 - Tagbanwa

²³ Iyan esa nga alagad nga talagang pagmaꞌa-maꞌalen ni Jesus, magꞌaꞌdung duꞌun it tepad ya.

Juan 13:23 Iomraidhean Croise

2 Samuel 12:3

Iyan miskin ngayti, pasasangba-sangbat i babay nga uybu-uybun it tupa i kanya. Impet ya it subung nagat pagꞌepet yat mga anak ya, pagkapu-kapuꞌputun ya nga ipagpasbung ya nat anak ya. Pagsaduun yat pangaꞌen baw pagsakpen yat danum nga pagꞌimnun ya.

Lucas 16:22

Ta, miyabut nga miyatay nay miskin ngayti. Pagpatay ya, tiyaban kanyat mga anghil duꞌut pagꞌaꞌanuꞌan ni Abraham nga duꞌut langit. Simnunud nagat kanya i manggaden ngayti. Pagpatay, ilimbeng.

Juan 1:18

Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 11:3

aypaꞌ binwat it duwa ngayting mga sulsug yang babay, may tiyaꞌeg nira nga paꞌaduꞌut ki Jesus, taban i ampang nira nga magꞌaat, “Ampuꞌan, magsarut i iba-iba mu nga pagmaꞌalen mu.”

Juan 11:36

Pagkalteg it mga Judio ngayti, “Ungayan baꞌ,” maat nira, “talagang pagmaꞌalen ya si Lazaro.”

Juan 11:5

Pagmaꞌalen talaga ni Jesus i namagsulsu-sulsugun ngayting tulu nga si Marta, si Maria baw si Lazaro na ngayti.

Juan 13:24

Sininyasan kanya ni Simon Pedro nga ingkutun ya in siyu manggid i pagpaꞌiguꞌan ni Jesus it iti nga inampang ya.

Juan 13:25

Ta egay beken, simnandir kanya duꞌun it ki Jesus ka miningkut, nga maat ya, “Ampuꞌan, siyu bay paꞌaaten mu ngayan?”

Juan 19:26

Pagkalteg ni Jesus it inaꞌ ya ngayti, baw pagmaꞌalen ya ngayting alagad ya nga magtitindeg duꞌun it umi-umid it inaꞌ ya, maat ya, “Iyan nay ipabetang mu nga anak mu.”

Juan 20:2

Ta sabap it itiꞌen, magpapalagyu kanya nga naꞌaduꞌun it ki Simon Pedro baw duꞌun it alagad ngayti nga pagmaꞌalen ni Jesus. Pagꞌabut ya, maat ya, “Pinsiꞌ na bay Ampuꞌan duꞌun it lebeng ya. Ega magkaꞌrutan namen in ipiyaꞌunu-unu na.”

Juan 21:20

Nalingawan ni Pedro nga magdadasun it kanira i alagad ngayting pagmaꞌalen ni Jesus, kanya ngayti nga simnandir duꞌun it ki Jesus iyan magkaraꞌnen sira ngayti it pangiyapun, baw miningkut ngayti nga magꞌaat, “Ampuꞌan, siyu bay bayaꞌen ngayan it mga kuꞌimatay it imu?”

Juan 21:24

Ta, itu nagang alagad nga dimnasun ngaytit kana Jesus duwa ni Pedro, magpamatuud kanya it muꞌsa ngaytu pasar it ki Jesus. Kanya naga gasiꞌ i simnurat it mga itu ngaytu. Talagang magkaꞌrutan namen nga matuud tuy ipagpamatuud ya ngaytu.

Juan 21:7

Inaat si Pedro it alagad ngayti nga pagmaꞌalen ni Jesus, “Ampuꞌan bayan! Egay belag, talagang kanya!” Pagkagneg ni Simon Pedro ngayti, nagpakay kanya ka pagꞌaꞌawaꞌen yay pakayan ya. Bawnga nanugpa na duꞌut danum.