Juan 13:21 - Tagbanwa

²¹ Pagkaꞌampang ni Jesus kayti, subung it may ega magkabaraꞌan ya. Aypaꞌ iriyapar ya na, nga magꞌaat, “Kamatuudan tuy ipagꞌaat ku ngaytu, nga may esat imyu situ nga kanyay bayaꞌen it mga kuꞌimatay it aken.”

Juan 13:21 Iomraidhean Croise

Mateo 26:21

Iyan mamagkaꞌen na sira, maat ni Jesus, “Matuud tuy isugid ku ngaytut imyu, nga esat imyu i bayaꞌen it mga kuꞌimatay it aken.”

Mateo 26:38

Inaat yay tulu ngayti, “Talagang magkasusa aku nga banar nga subung it ipatay ku na. Esa-esa ga, melat kamu na daꞌan sikaytu baw ayaw kamut igaꞌ. Paꞌlek kamu nga iba ku.”

Marcos 14:18

Iyan mamagkaꞌen na sira, mampang si Jesus. Maat ya, “Matuud tuy isugid ku ngaytut imyu, nga esat imyu i bayaꞌen it mga kuꞌimatay it aken. Eeꞌ baꞌ, esa nagat imyu nga kaꞌibaan ku ngaytut magkaꞌen kayti.”

Marcos 3:5

Sinyekan ni Jesus i kadakel ngayti duꞌun it linibut ya. Sang peꞌtek nga nakem ya, magꞌiseg. Sang peꞌtek magkasmek sabap it kadsen it ulu nira. Piyalingdanan yay kimay ngaytit semyek baw inaat ya, “Ibtir muy alima mu.” Ibintir ya nga matuud, langkuy it kimay ya ngayti, gimnayen it gayen banar.

Juan 11:33

Talagang rimnaꞌe-raꞌet i nakem ni Jesus baw nanrusarem i rupa ya, pagkalteg yat ki Maria ngayti nga magsugaw baw mga Judio ngayting kaꞌibaan ya nga mamagsugaw gasiꞌ.

Juan 11:35

Timnuruy mga luwaꞌ ni Jesus.

Juan 11:38

Rimnaꞌe-raꞌet siꞌ i nakem ni Jesus, pagꞌabut nira duꞌun it lebeng. Kubkub i inanuꞌan ngaytit miyatay bawnga limpenan it batu.

Juan 12:27

Kayti subung it ega magkabara-baraꞌ aku. Ta unu, aaten ku nga, ‘Amaꞌ, iribri mu aku kat kakuriꞌan ngaytu nga labayen ku’? Temed ega aaten kuy atkayan, sabap egay beken nga enged ku situ in daꞌga isaꞌun labayen ku i kakuriꞌan ngaytu nga ituꞌun.”

Juan 13:18

Inaat paꞌ ni Jesus, “Egaytu kamu nga muꞌsa i pagpaꞌiguꞌan ku it pagꞌaaten ku ngaytu nga makasagya kamu, sabap magkakilalaan ku in unu nga mga taw i mga piniliꞌ ku. Temed atkaytuytu i piniliꞌ ku ka isaꞌun matuman i magbebtang duꞌun it kasuratang ampang it Ampuꞌang Diyus nga magꞌaat, ‘Karaꞌe-raꞌetan i itiyumbas it aken it taw nga siyakep kut pangaꞌen ku.’

Juan 13:2

Itiyarakan nay pangiyapun na Jesus. Si Judas Iscariote ngayti nga anak ni Simon, piyanakman kanya nga lagi ni Satanas nga idagang ya si Jesus.

Juan 13:22

Nagseye-seyeken i mga alagad ya ngayti, ka egay uru-urut nira in siyu manggid it kanira i pagpaꞌiguꞌan yat iti nga inampang ya.

Mga Binwat 17:16

Mintras pagꞌelaten ni Pablo na Silas duꞌun it Atenas ngayti, talagang nagulu i ulu ya, ka naltegan ya nga subuk yanay betang it iting siyudad, mga tiyaw-taw nga ladawan it mga pagbete-beteꞌen nira nga mga diyus.

1 Juan 2:19

Mga magpakikuntraꞌ ngaytu, maski kaꞌuyutan ta nagat tagnaꞌ, temed daꞌsira magpaꞌuyun it aten it kamatuudan nga paꞌuyun. Ka in talagang magpaꞌuyun sirat aten, simpri maneꞌteꞌ yan sirang kaꞌiba-iba ta. Temed it nagpablag sira, simpri maꞌyag nga ega na kaꞌuyutan tami i maski siyu it kanira.