Juan 13:19 - Tagbanwa

¹⁹ Ipagꞌaat ku naytung lagi it imyu it ega paꞌ nagꞌabut, isaꞌun in magꞌabut na, pakimatuud kamu nga in siyu aku talaga.

Juan 13:19 Iomraidhean Croise

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Mateo 11:3

ka ipiyaꞌingkut ya nga magꞌaat, “Unu baꞌ, ikaw na i isiyanggup ngayan nga papaꞌasituun u melat kami paꞌ it beken?”

Mateo 24:25

Dedemdemen mi tu. Ipagsugid ku naytung lagi it imyu i mga itu ngaytu isaꞌun daꞌkamu naga mateꞌag-teꞌag.

Lucas 21:13

Temed egay unu ya kayan, ka iyan i bilang timpu mi nga pamatuud it aken duꞌun it kanira.

Juan 1:15

Ipagpamatuud kanya ni Juan ngaytu nga ipagpanggagaꞌuy ya na, nga magꞌaat, “Kanya na ngaytu i pagsugiden ku ngayan, nga maat ku ngayan basaꞌan, iyan mabut nga magsusunud it aken, landaw paꞌ it aken, sabap parabir ipiyanganak aku, may kanya nang lagi.”

Juan 14:29

Ipagsugid ku naytung lagit imyu parabir magꞌabut, isaꞌun in magꞌabut na, pamayaꞌnen mi na aku.

Juan 16:4

Ipagsugid ku naytung lagit imyu isaꞌun pagꞌabut it timpu nga buwaten nira na, mademdeman mi nga nakasugid ku nang lagit imyu. Kaꞌlay ngaytu, ega paytu ipagsugi-sugid kut imyu i itu nga mga bagay, ka kaꞌiba-iba mi paꞌ aku.”

Juan 4:26

“Paꞌaaten mu ngayan, aku na ngaytu nga magpakisugi-sugid it imu kayti,” maat ni Jesus ngayti.

Juan 8:28

Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”